Shakkarpara Recipe: હવે ઘરે પણ બનશે બજાર જેવા જ ટેસ્ટી અને કરકરા શક્કરપારા, આ રહ્યું પરફેક્ટ માપ અને રીત

Shakkarpara Recipe: શક્કરપારા નાના મોટા સૌ કોઈને ભાવે એવો નાસ્તો છે. જો કે આ નાસ્તો બાળકોને અતિપ્રિય હોય છે. સ્વાદમાં મીઠા શક્કરપારા એટલા ખસ્તા અને પડવાળા બને છે કે બાળકો આરામથી ખાય શકે છે. આ દિવાળી પર માર્કેટમાંથી તૈયાર નાસ્તો લાવવાને બદલે તમે બાળકો માટે ઘરે શુદ્ધ વસ્તુઓ વાપરીને શક્કરપારા બનાવી શકો તે માટે અહીં શક્કરપારા બનાવવાની રીત જણાવી છે.

આ પણ વાંચો: Recipe: ઘરે બનાવો બજારમાં મળે એવી જ સાત પડવાળી પુરી, આ રીતે બધા પડ ખુલશે અને પુરી ક્રિસ્પી બનશે

મેંદાનો લોટ, ઘી અને ખાંડ અહીં દર્શાવેલા માપ અનુસાર લઈ આ રીત ફોલો કરી શક્કરપારા બનાવશો તો ઘરે પણ હલવાઈની દુકાન જેવા જ ખસ્તા અને ક્રિસ્પી શક્કરપારા બનશે.

મેંદાનો લોટ- 500 ગ્રામ
ઘી - 100 ગ્રામ
ખાંડ - 175 ગ્રામ
પાણી - 175 ml
તળવા માટે તેલ
ચપટી મીઠું

આ પણ વાંચો: Kalakand: ફાટેલા દૂધમાંથી ઘરે બનાવો કલાકંદ, સ્વાદિષ્ટ કલાકંદ બનાવવા ફાટેલા દૂધ સિવાય ફક્ત 4 વસ્તુઓની જરૂર પડશે

શક્કરપારા બનાવવાના સ્ટેપ્સ

• સૌથી પહેલા એક તપેલીમાં પાણી અને ખાંડ ગરમ કરી ઓગાળી લોટ બાંધવા માટે ગળ્યું પાણી તૈયાર કરી લો.
• હવે મોણ માટેના ઘીને ગરમ કરવા મુકો અને મેંદાના લોટને મોટા વાસણમાં કાઢો.
• લોટમાં હુંફાળા ઘીનું મોણ ઉમેરી લોટ અને ઘીને બરાબર મિક્સ કરો. 
• લોટમાં ચપટી મીઠું પણ મિક્સ કરો અને પછી લોટમાં ખાંડવાળું પાણી ધીરેધીરે મિક્સ કરી લોટ બાંધો.
• શક્કરપારાના લોટમાંથી 3 મોટા લુઆ કરો અને તેને દસ્તા વડે થોડા ખાંડી લો.
• ત્યારબાદ લોટને હાથથી મસળી અને તેમાંથી જાડી રોટલી વણો. સાથે જ ગેસ પર તેલ ગરમ કરવા મુકી દો.
• રોટલીમાંથી મનપસંદ આકારના શક્કરપારા કટ કરો અને પછી ગરમ તેલમાં ધીમા તાપે શક્કરપારા તળો. 
• શક્કરપારાને ધીમા તાપે ગોલ્ડન થાય ત્યાં સુધી તળી તેલમાંથી કાઢી લો.
• શક્કરપારા ઠંડા થઈ જાય પછી એરટાઈટ કંટેનરમાં ભરી લો.