માત્ર એક 10 રૂપિયાની નોટે કરાવ્યું 45 લાખનું આંધણ! આણંદમાં આંગડિયા પેઢી સાથે ‘નટવરલાલ’ ગેંગનો મોટો ખેલ, 2 ઝડપાયા

બુરહાન પઠાણ/આણંદ: આણંદ શહેરના ગામડી વડ ખાતે આવેલ શ્રી ગણેશ આંગડિયા પેઢીમાં મોકલેલ મુંબઇ "સ્ટીલ ઇન્ડી" નામની કંપનીના માલિકના રૂપિયા 45 લાખ દિનેશ નામના અજાણ્યા શખ્સે રૂપિયા 10ની નોટનો સિરીયલ નંબર બતાવીને કમિશન કાપીને રૂ. 44,82,000 ઉપાડી ફરાર થઈ જવાનો ચોકાવનારો બનાવ સામે આવવા પામ્યો છે.

"મેં નટવરલાલ બોલ રહા હું, આપ કે દોસ્ત સંજયભાઈ સે મેરી બાત હુઈ હૈ..."
મુંબઈના લોવર પરેલ ખાતે રહેતાં અને સ્ટીલ મેટલનો વ્યવસાય કરતા નરેન્દ્રભાઈ શાહને ગત તારીખ 29/09/2026ના રોજ 'નટવરલાલ' નામના વ્યક્તિનો ફોન આવ્યો હતો. તેણે જણાવ્યું હતું કે, "મેં નટવરલાલ બોલ રહા હું, આપ કે દોસ્ત સંજયભાઈ સે મેરી બાત હુઈ હૈ અગર આપકો કોઇ મુંબઇ મે પૈસા ચાહીએ તો મેરે પાસ મુંબઇ મેં પડા હુઆ હૈ ઓર આપ મુજે દિલ્લી મે ભરત પ્રવિણ આંગડીયા મે દે " તેવી વાત કરી ફોન મુકી દીધો હતો.

Gujarat News Live: અમદાવાદની 10 નામાંકિત સ્કૂલ અને મોદી સ્ટેડિયમને બોમ્બથી ઉડાવવાની ધમકી, રેપો રેટમાં ફરી વધારો, સુશાસનના 25 વર્ષ પૂર્ણ

સાંજે નટવરલાલનો ફોન બંધ આવતાં શંકા ગઈ અને ખૂલ્યો ભેદ
તેણે પોતાને તેમનાં મિત્ર સંજયભાઈ નો પરિચિત ગણાવીને દાવો કર્યો હતો કે તેને દિલ્હીમાં નાણાં જોઈએ છે અને તે સામે મુંબઈમાં 45 લાખ રૂપિયા રોકડા આપશે તેમ જણાવ્યું હતું.આથી, નરેન્દ્રભાઈ શાહે દિલ્હી ખાતેના પોતાના કર્મચારી નંદુ તિવારીને 'ભરત પ્રવીણ આંગડીયા પેઢી' મારફતે રૂ.45 લાખ નટવરલાલ કહ્યા મુજબ મોકલવા સૂચના આપી હતી. આ સાથે મુંબઈમાં નાણાં મેળવવા માટે પોતાના માણસ અભિષેકને તૈયાર રાખ્યો હતો. સાંજે નટવરલાલનો ફોન બંધ આવતાં શંકા ગઈ હતી. તપાસ કરતા જાણવા મળ્યું કે,આરોપી નટવરલાલે નંદુ તિવારી પાસેથી રૂપિયા ૧૦ની નોટનો સિરીયલ નંબર વોટ્સએપ પર મેળવી લીધો હતો અને દિલ્હી આંગડિયા પેઢી મારફતે તે નાણાં આણંદ સ્થિત શ્રી ગણેશ આંગડિયા પેઢી ખાતે ટ્રાન્સફર કરાવી દીધા હોવાનું જાણવા મળ્યું હતું.

સીસીટીવી ફૂટેજમાં નાણાં લઈ જનાર અજાણ્યો શખ્સ કેમેરામાં કેદ
દિલ્હીથી નાણાં આણંદ પહોંચતા જ નટવરલાલના મળતિયા દિનેશ નામના શખ્સે ધોળકાનાં બદરખા ગામનાં અનીલકુમાર ચમનલાલ મથવાણી અને વડોદરાનાં અમીતકુમાર શંકરલાલ ખત્રીને આણંદ ગામડીવડ ખાતેની શ્રી ગણેશ આંગડીયા પેઢીમાં જઈ, રૂપિયા ૧૦ની નોટનો સિરીયલ નંબર બતાવીને નાણા લેવા મોકલ્યા હતા અને બન્ને જણા આંગડીયા પેઢીમાંથી કમિશન કાપીને રૂ. ૪૪,૮૨,લાખ લઈને દિનેશને આપતા દિનેશ આ નાણા લઈને ફરાર થઈ ગયો હતો.આ અંગે જાણ થતાં વેપારી નરેન્દ્રભાઈ શાહે આણંદની ગણેશ આંગડીયા પેઢી ખાતે પહોંચી રૂબરૂ તપાસ કરી હતી, જ્યાં સીસીટીવી ફૂટેજમાં નાણાં લઈ જનાર અજાણ્યો શખ્સ કેમેરામાં કેદ થયો હતો. વેપારીની વાતમાં આવીને વિશ્વાસઘાત કરનાર મુખ્ય આરોપી નટવરલાલ, તેના સાગરીત દિનેશ તથા અન્ય સંડોવાયેલા મળતિયાઓ વિરુદ્ધ આણંદ શહેર પોલીસ મથકે ફરિયાદ નોંધાવતાં પોલીસે ગુનો નોંધી તપાસ હાથ ધરી હતી.

રાત્રે અંધારામાં નહીં, તાકાત હોય તો દિવસે ફાડો... છઠ્ઠીનું ધાવણ યાદ કરાવી દેશું", ગાંધીનગરમાં ગેનીબેનનો હુંકાર

45 લાખની છેતરપીંડીનાં ગુનામાં સંડોવાયેલા બે શખ્સો કાર લઈને ફરાર
દરમિયાન પોલીસને બાતમી મળી હતી કે 45 લાખની છેતરપીંડીનાં ગુનામાં સંડોવાયેલા બે શખ્સો કાર લઈને અમદાવાદથી વડોદરા તરફ જનાર છે,જે બાતમીના આધારે આણંદ ટાઉન પોલીસ મથકના પીઆઇ જે એસ કંડોરીયાની સુચના અને માર્ગદર્શન અનુસાર સર્વેલન્સ સ્કવોર્ડના પીએસઆઈ એસ.બી ઝાલા અને લોટીયા ભાગોળ પોલીસ ચોકીના પીએસઆઈ એસ ડી પટેલ અને સ્ટાફએ ગામડી ઓવરબ્રીજ પાસે વોચ ગોઠવી બાતમી મુજબની કાર આવતા પોલીસે કારમાં સવાર આરોપીઓ અનીલકુમાર ચમનલલા શ્રીચંદભા્ઈ મથવાણી રહે. શુભવિલા સોસાયટી બદરખા તા.ધોળકા જિ,અમદાવાદ અને અમિતકુમાર શંકરલાલ પરસોત્તમદાસ ખત્રી રહે. વડોદરા પરીમલ એવન્યુ ફલેટસ,છાણી જકાતનાકા પાસેને ઝડપી પાડી તેઓને આણંદ ટાઉન પોલીસ મથકમાં લઈ જઈ બન્નેની છેતરપીંડીનાં ગુનામાં ધરપકડ કરી કાયદેસરની કાર્યવાહી કરી હતી.

આરોપીઓની ઓળખ છતી થઈ...
આ અગાઉ પકડાયેલા બન્ને આરોપીઓએ સુરતમાં પણ આજ રીતે આંગડીયા પેઢી સાથે ઠગાઈ કરી હતી અને જે અંગે સુરત ડીસીબી પોલીસ મથકમાં તેઓની ધરપકડ કરવામાં આવી હતી.જયારે દિનેશ તરીકે ઓળખ આપી નાણા લઈ ફરાર થઈ ગયેલો શખ્સ ચિરાગ હોવાની ઓળખ થતા પોલીસે તેઓની ધરપકડ કરવાનાં ચક્રો ગતિમાન કર્યા છે.

નવરાત્રિ ટાણે ખેલૈયાઓ સાવધાન! અસુરક્ષિત ટેટૂ તમને જિંદગીભરનું આપી શકે છે દુ:ખ! આ રોગનો છે