Recipe: લસણ-ડુંગળી વિના પણ પાવભાજી લાગશે અફલાતૂન, એકવાર આ રીતે ફોલો કરી ઘરે બનાવજો ભાજી

No Onion No Garlic Pav Bhaji: ગણતરીના દિવસોમાં નવરાત્રી શરૂ થવા જઈ રહી છે. નવરાત્રિના દિવસોમાં ઘણા લોકોના ઘરમાં લસણ-ડુંગળી ખવાતા નથી. લસણ-ડુંગળીનો ઉપયોગ ન કરવાનો હોય તો ઘણી બધી વાનગીઓ ઘરમાં બનતી નથી. જેમાંથી એક પાવભાજી પણ છે. સામાન્ય રીતે પાવભાજીમાં લસણ અને ડુંગળીનો ભરપૂર ઉપયોગ કરવામાં આવે છે. નવરાત્રી દરમિયાન લસણ-ડુંગળી ન ખાતા લોકો પાવભાજી ખાવાનું ટાળતા હોય છે. કારણકે એવું માનવામાં આવે છે કે લસણ-ડુંગળી વિના પાવભાજી ટેસ્ટી લાગતી નથી. જો તમે પણ આવું માનતા હોય તો એક વખત લસણ-ડુંગળી વિના આ રીતે પાવભાજી બનાવી જુઓ. તમને સમજાય જશે કે લસણ ડુંગળી વિના પણ પાવભાજી ટેસ્ટી લાગે છે.

લસણ અને ડુંગળી વિના ટેસ્ટી પાવભાજી બનાવી હોય તો તેના માટે મસાલો કઈ રીતે તૈયાર કરવો ભાજી કેવી રીતે બનાવવી ચાલો તમને જણાવીએ.

પાવભાજી માટેની સામગ્રી

બાફેલા બટેટા, ફ્લવાર, ગાજર, લીલા વટાણા, કેપ્સિકમ, 2 ચમચી બીટનું ખમણ, 5 ટમેટા, ઝીણું સમારેલું કેપ્સિકમ, આદુ-લસણની પેસ્ટ 2 ચમચી, કસુરી મેથી, કાશ્મીરી લાલ મરચું, હળદર, પાવભાજી મસાલો, મીઠું, લીંબુ, કોથમીર, ગરમ મસાલો, બટર અને તેલ

પાવભાજી બનાવવાની રીત

• સૌથી પહેલા બધા શાકભાજીને ઝીણા સમારી મીઠું ઉમેરી બાફી લો.
• ત્યારબાદ થોડું બીટ ઝીણું ખમણી તેને પાણીમાં પલાળી દો. 
• હવે એક પેનમાં તેલ ગરમ કરી તેમાં બટર એડ કરી ગરમ કરો. 
• ગરમ બટર અને તેલમાં આદુ-મરચાંની પેસ્ટ સાંતળો અને 1 મિનિટ કુક થવા દો.
• ત્યારબાદ તેમાં ઝીણા સમારેલા ટમેટા અને કેપ્સિકમ ઉમેરો અને કુક કરો. 
• ટમેટા કુક થઈ જાય અને તેલ સાઈડમાં આવી જાય એટલે તેમાં હળદર, લાલ મરચું પાવડર અને પાવભાજી મસાલો ઉમેરો.
• ત્યારબાદ ટમેટાની ગ્રેવીમાં થોડું થોડું પાણી એડ કરી મસાલાને બરાબર કુક કરો. 
• મસાલાની સુગંધ આવવા લાગે એટલે તેમાં બાફેલા શાકભાજી ઉમેરો અને બધું બરાબર મેશ કરો.
• શાકભાજી મેશ થી જાય એટલે તેમાં બીટનું પાણી એડ કરો જેથી કલર એકદમ લાલ આવે.
• એક નાની તપેલીમાં પાણી ગરમ કરો. તેમાં મીઠું, ગરમ મસાલો ઉમેરી દો. તૈયાર કરેલા પાણીને ભાજીમાં એડ કરો. 
• ભાજીને સારી રીતે કુક કરો. છેલ્લે તેમાં સ્વાદ કસુરી મેથી, લીંબુનો રસ અને કોથમીર ઉમેરો. 
• ભાજી રેડી થઈ જાય એટલે ઉપરથી થોડું બટર એડ કરી ગરમાગરમ ભાજી સર્વ કરો.