ગુજરાતમાં વહેલી ચૂંટણી થશે કે નહીં? ભાજપના પ્રદેશ પ્રભારી તરુણ ચુગનું મોટું નિવેદન, ખડગેના નિવેદન પર કોંગ્રેસને લીધી આડેહાથ

દર્શલ રાવલ, અમદાવાદ: ગુજરાત પ્રદેશ ભાજપ પ્રભારી તરુણ ચુગ હાલ ગુજરાતના પ્રવાસે છે. અત્રે જણાવવાનું કે છેલ્લા બે મહિનામાં તરુણ ચુગનો આ ચોથો ગુજરાત પ્રવાસ છે જેના કારણે અનેક ચર્ચાઓને વેગ મળ્યો છે.  આજે તેમના અમદાવાદ અને ગાંધીનગર ખાતે કાર્યક્રમ છે અને મહત્વની બેઠક પણ થવાની છે. આ બધા વચ્ચે તેમણે અમદાવાદમાં ગુજરાતમાં વહેલી ચૂંટણીનો જે મુદ્દો ઉઠ્યો છે  તેના પર મોટું નિવેદન આપ્યું. આ ઉપરાંત તેમણે કોંગ્રેસ અધ્યક્ષ મલ્લિકાર્જૂન ખડગેના પીએમ મોદીના પિતા પરના નિવેદન બદલ કોંગ્રેસને પણ આડેહાથ લીધી.

રાજકોટના જળસંકટને લઈને મોટા સમાચાર, સરકારે નર્મદાના નીર આપવા આપી દીધી લીલી ઝંડી

ખડગેના નિવેદન પર કોંગ્રેસને લીધી લપેટામાં

• પ્રદેશ પ્રભારી તરુણ ચુગે કોંગ્રેસના રાષ્ટ્રીય અધ્યક્ષ મલ્લિકાર્જૂન ખડગેના પીએમ મોદીના પિતા પરના નિવેદન બદલ કોંગ્રેસને બરાબર આડેહાથ લીધી. 
• તેમણે કહ્યું કે કોંગ્રેસની જે હાર થઈ રહી છે, એટલા માટે કે જનતા તેમને સ્વીકાર કરી રહી નથી. 
• જનતા તેમને મત આપતી નથી અને એનું આ પરિણામ છે કે કોંગ્રેસના રાષ્ટ્રીય ખડગે પીએમના પિતા વિશે આવું બોલ્યા.
• તેમણે કહ્યું કે કોંગ્રેસે ભારતના વીરોથી લઈ પીએમ મોદીના માતા અને પિતાને અપશબ્દ કહ્યા. દેશની પ્રજા કોંગ્રેસ પાર્ટીના આવા કુકૃત્યોને માફ નહીં કરે. 
• રાહુલ ગાંધી અને ખડગે હેબિટ્યુઅલ ઓફેન્ડર બન્યા છે. ઑપરેશન સિંદૂર વખતે સેના વિરુદ્ધ પાકિસ્તાનની ભાષા બોલ્યા. 
• નવો એજન્ડા બનાવ્યો કે દેશના વિકાસ વિશે સવાલ ઊભા કરવા. દેશમાં અરાજક તત્વને બળ આપવાનું કામ કરે છે. 
• રાહુલ ગાંધી અને કોંગ્રેસ છે કોણ, જે દેશના સર્વોચ્ચ ન્યાયાલયને આદેશ આપે. તેમણે દેશના લોકતંત્રનું અપમાન કર્યું છે.
• તરુણ ચુગે કહ્યું કે બધાને અપમાનિત કરવાનો ખેલ રાહુલ ગાંધી પોતાના વિદેશી આકાને ખુશ કરવા ટૂલકિટની જેમ કરે છે. 
• રાહુલ ગાંધી અને ખડગે એ સાર્વજનિક રીતે દેશ ની માફી માંગવી જોઈએ. 
• પીએમ મોદી દેશની જે સેવા કરે છે, જેઓ એમના સ્વર્ગીય માતા પિતા વિશે અભદ્ર ભાષા વાપરે છે તેમને દેશ કદી માફ નહીં કરે. 
• કોંગ્રેસ પાર્ટી એક્સપાયર્ડ ઇન્જેક્શનની જેમ કામ કરે છે. 
• જેટલી મરજી.. રાહુલની રી લોન્ચિંગ કરે, દેશ સફળ નહીં થવા દે. 
• રાહુલ ગાંધી અને કોંગ્રેસે દેશની માફી માંગવી જોઈએ.

વહેલી ચૂંટણી અંગે કોંગ્રેસનો દાવો

અત્રે જણાવવાનું વિધાનસભામાં કોંગ્રેસ પક્ષના નેતા તુષાર ચૌધરીએ એવો દાવો કર્યો હતો કે સૌરાષ્ટ્રમાં પાણીની સ્થિતિ ઘણી ખરાબ છે. એપ્રિલ, મે સમયે પાણીનો પોકાર ઉઠે તે પહેલા જ ચૂંટણી થશે. આગામી વિધાનસભા ચૂંટણી વહેલી થઈ શકે તેવો  તેમનો દાવો હતો. તેમણે દાવો કરતા કહ્યું હતું કે સરકાર જાન્યુઆરી ફેબ્રુઆરીમાં ચૂંટણી કરાવવા માંગે છે. જો કે કોંગ્રેસના આ દાવા પર ભાજપના પ્રદેશ પ્રભારી  તરુણ ચુગે વળતો જવાબ આપ્યો.

ગાંધીનગરના કાવાદાવા : નવરાત્રિ અને પૂનમ પણ ગઈ, શંકરસિંહ બાપુનો કોંગ્રેસ પ્રવેશ અટક્યો! સરકારની સ્થિતિ થપ્પડ મારીને ગાલ લાલ રાખવા જેવી

ભાજપના પ્રદેશ પ્રભારીએ આપ્યો વળતો જવાબ

ભાજપના પ્રદેશ પ્રભારી તરુણ ચુગે નેતા પ્રતિપક્ષના આક્ષેપ પર કહ્યું કે, સીટ ની પેટી બાંધે સમય પર ચૂંટણી થશે ને પહેલાથી વધુ બેઠક ભાજપ જીતશે. તેમણે આ મામલે પ્રતિક્રિયા આપતા વધુ ન બોલીને ચૂંટણી તેના સમયે જ થશે એમ કહ્યું. ભાજપ પ્રભારીએ વિધાનસભા ચૂંટણીમાં જીતનો વિશ્વાસ પણ વ્યક્ત કર્યો. તેમણે કહ્યું કે, ચૂંટણી સમયસર જ થશે અને ત્યારે ભાજપ ચૂંટણીમાં ઉતરશે. અગાઉ કરતા વધુ સીટો આ વખતે ભાજપ જીતશે.