આમિર ખાનના ભાણિયાને CJP પ્રોટેસ્ટમાં સામેલ થવું ભારે પડ્યું, ઈમરાન ખાને 28 ઓક્ટોબર સુધીમાં છોડવું પડશે ભારત!

કોકરોચ જનતા પાર્ટી (CJP) તથા કોંગ્રેસ સહિતના અનેક વિપક્ષી દળો ચૂંટણી પંચ અને મુખ્ય ચૂંટણી કમિશનર જ્ઞાનેશકુમાર સામે મોટાપાયે દેખાવો કરી રહ્યા છે અને આ દેખાવોમાં બોલીવુડ હસ્તીઓ પણ જોવા મળી રહી હતી. પરંતુ હવે આમિર ખાનના ભાણિયા અને અભિનેતા ઈમરાન ખાનને વિરોધ પ્રદર્શનમાં ભાગ લેવો ભારે પડી રહ્યું છે. એટલે સુધી કે ભારત છોડવાની નોબત આવી ગઈ છે.

'ભારતમાં ચાલતા પ્રોટેસ્ટને અમારા દેશથી થઈ રહ્યું છે ફંડિંગ', અમેરિકી સિંગરનો CJP અંગે ચોંકાવનારો દાવો

મુંબઈમાં વિરોધ પ્રદર્શનમાં જોડાયો હતો અભિનેતા
મુખ્ય ચૂંટણી કમિશનર જ્ઞાનેશકુમાર અને SIR સામે મુંબઈના ક્રાંતિ મેદાનમાં થયેલા વિરોધ પ્રદર્શનમાં બોલીવુડ અભિનેતા ઈમરાન ખાને પણ ભાગ લીધો હતો અને હવે ત્યારબાદ મુંબઈ પોલીસે ઈમરાન ખાન વિરુદ્ધ નોટિસ બહાર પાડી છે અને અભિનેતાને 28 ઓક્ટોબર સુધીમાં મુંબઈ છોડી દેવા જણાવ્યું છે.

Actor Imran Khan, nephew of Aamir Khan, has been issued a notice by Mumbai Police directing him to leave India by October 28. Imran Khan had participated in a protest at Mumbai’s August Kranti Maidan demanding the resignation of Chief Election Commissioner Gyanesh Kumar. Mumbai Police had also detained him. Action has been taken against Imran Khan under the relevant provision of the Immigration Act over his participation in the protest despite not being an Indian citizen: Mumbai Police

— IANS (@ians_india) October 15, 2026

કેમ નોટિસ ફટકારવામાં આવી
તમને જણાવી દઈએ કે આમિર ખાનનો ભાણિયો ઈમરાન  ખાન એ ભારતીય નાગરિક નથી. ઈમરાન ખાન યુએસએની નાગરિકતા ધરાવે છે. આવામાં અભિનેતા પર ઈમિગ્રેશન એક્ટ સંબંધિત કલમો હેઠળ ભારતીય નાગરિક ન હોવા છતાં ભારતમાં આ રીતે વિરોધ પ્રદર્શનમાં સામેલ થવાના આરોપસર કાર્યવાહી હાથ ધરવામાં આવી છે. અભિનેતાએ આ પોલીસે ફટકારેલી આ નોટિસ રિસિવ કરી હોવાના પણ મીડિયા રિપોર્ટ છે. 

હાર્દિક પટેલ જેવા હાલ થશે? જંતર-મંતર હંગામામાં CJP નેતાઓ સૌરભ દાસ અને આશુતોષ રાંકા પર 5 વર્ષની જેલનું જોખમ!

एक्टर इमरान खान को देश छोड़ने का आदेश, CJP प्रोटेस्ट में हुए थे शामिल | LIVE #ZeeLive #ImranKhan #CJPProtest https://t.co/i6Rs1bZQQx

— Zee News (@ZeeNews) October 15, 2026

ભાજપ નેતાએ કરી હતી આ માંગણી
ઈમરાન ખાન મુંબઈમાં આયોજિત સીજેપી પ્રોટેસ્ટમાં જોડાયો હતો અને ત્યારબાદ તેની મુશ્કેલીઓ વધી રહી હતી. ભાજપના નેતા કિરીટ સોમૈયાએ નારાજગી વ્યક્ત કરતા ઈમિગ્રેશન અધિકારીઓ અને કેન્દ્રીય ગૃહ મંત્રાલયને પત્ર લખીને તેના વિરુદ્ધ લુકઆઉટ સર્ક્યુલર બહાર પાડવાની માંગણી કરી હતી. તેમણે સવાલ કર્યો હતો કે ઓસીઆઈ કાર્ડ ધારક છે અને અમેરિકી નાગરિક છે છતાં તેઓ ભારતમાં વિરોધ પ્રદર્શનમાં કઈ રીતે સામેલ થઈ શકે? પોલીસને કડક કાર્યવાહી હાથ ધરીને તપાસ કરવા અપીલ કરી હતી અને હવે અભિનેતાને મુંબઈ પોલીસે નોટિસ ફટકારીને વિદેશી હોવા છતાં ભારતમાં પ્રોટેસ્ટમાં ભાગ લેવા મામલે દેશ છોડવા જણાવ્યું છે.