અગ્નિ સાથે ગરબાની રમઝટ: જામનગરના કડિયાવાડમાં 52 વર્ષથી અકબંધ છે અગ્નિ સાથિયા રાસની અદ્ભુત પરંપરા

મુસ્તાક દલ/જામનગર: જામનગરમાં નવરાત્રિ પર્વની ઉજવણી અનોખી પરંપરાઓ સાથે કરવામાં આવી રહી છે. શહેરના કડિયાવાડ વિસ્તારમાં આવેલી શ્રી રાંદલ અંબિકા ગરબી મંડળ દ્વારા 52 વર્ષ જૂની પરંપરાને જાળવી રાખીને અગ્નિ સાથિયા રાસ રજૂ કરવામાં આવ્યો હતો. લાલચોળ અંગારાઓથી તૈયાર કરાયેલા સળગતા સ્વસ્તિકની વચ્ચે 17 યુવકોએ સતત 45 મિનિટ સુધી રાસ રમીને ઉપસ્થિત દર્શકોને મંત્રમુગ્ધ કરી દીધા હતા

17 જેટલા યુવકો સળગતા અંગારાઓની વચ્ચે સતત 45 મિનિટ સુધી મનમોહક રાસની રમઝટ
જામનગરના કડિયાવાડ વિસ્તારમાં આવેલી શ્રી રાંદલ અંબિકા ગરબી મંડળની અનોખી પરંપરા આજે પણ અવિરત જળવાઈ રહી છે. નવરાત્રિના ચોથા નોરતે અહીં પરંપરાગત અગ્નિ સાથિયા રાસનું આયોજન કરવામાં આવ્યું હતું. ગરબી મંડળના પટાંગણમાં લાલચોળ અંગારાઓ પાથરીને વિશાળ સ્વસ્તિક એટલે કે સાથિયો તૈયાર કરવામાં આવે છે. ત્યારબાદ 17 જેટલા યુવકો આ સળગતા અંગારાઓની વચ્ચે સતત 45 મિનિટ સુધી મનમોહક રાસની રમઝટ બોલાવે છે.

રાજકોટ ચકચારી લૂંટ અને હત્યા કેસમાં ગણતરીના કલાકોમાં ક્રાઈમ બ્રાન્ચે ભેદ ઉકેલ્યો, રાજસ્થાનથી 9 આરોપીઓની ધરપકડ

રાસ શરૂ થતાં જ પંડાલની તમામ લાઇટો બંધ કરી દેવામાં આવે
આ રાસની વિશેષતા એ છે કે રાસ શરૂ થતાં જ પંડાલની તમામ લાઇટો બંધ કરી દેવામાં આવે છે. ઘોર અંધકાર વચ્ચે અંગારાઓથી ઝળહળતો અગ્નિ સાથિયો અને તેની વચ્ચે રાસ રમતા યુવકોનું દૃશ્ય દર્શકો માટે આકર્ષણનું કેન્દ્ર બને છે. છેલ્લા 52 વર્ષથી ચાલી આવતી આ પરંપરાને નિહાળવા જામનગર ઉપરાંત દેશ-વિદેશમાંથી પણ લોકો ઉમટી પડે છે. અગ્નિની વચ્ચે રજૂ થતી આ અનોખી કલાત્મક પ્રસ્તુતિને નિહાળીને દર્શકો દંગ રહી જાય છે. આમ, આધુનિકતાના યુગમાં પણ જામનગરના કડિયાવાડમાં 52 વર્ષ જૂની પરંપરા શ્રદ્ધા, સંસ્કૃતિ અને લોકકલાકારીનો અનોખો સંગમ બનીને નવરાત્રિની શોભામાં વધારો કરી રહી છે

આગના અંગારા પર ખુલ્લા પગે મશાલ રાસ રમી એક અનોખું આકર્ષણ
જામનગરમાં નવરાત્રી દરમિયાન જામનગર શહેરના રણજીતનગર વિસ્તારમાં શ્રી પટેલ યુવક ગરબી મંડળના યુવાનો દ્વારા આગના અંગારા પર ખુલ્લા પગે મશાલ રાસ રમી એક અનોખું આકર્ષણ જગાવવામાં આવી રહ્યું છે. શ્રી પટેલ યુવક ગરબી મંડળ દ્વારા છેલ્લા સાત દાયકાથી વધુ સમયની પ્રાચીન નવરાત્રીની પરંપરા જાળવી રાખવામાં હજુ પણ અકબંધ છે.

દીકરી નહોતી ગમતી...", રાજકોટમાં બાળકીના શંકાસ્પદ મોતના કેસમાં મોટો ખુલાસો, 5મા માળેથી ફેંકી દીકરીને મારનાર કળયુગી માતા પકડાઈ

અવનવા રાસ જામનગર સહિત વિશ્વભરમાં આકર્ષણનું કેન્દ્ર
જામનગર સહિત દેશ વિદેશમાં નવરાત્રીની ગુજરાતીઓ દ્વારા ખૂબ જ આસ્થાભેર અને ઉત્સાહથી ઉજવણી કરવામાં આવી રહી છે. જ્યારે હાલ અર્વાચીન દાંડિયાના વધતા જતા યુગમાં પણ જામનગરમાં અનેક ગરબી મંડળો છે કે જેમણે પોતાની પ્રાચીનતા જાળવી રાખવામાં હજુ પણ અકબંધ છે. એવું જ એક ગરબી મંડળ જામનગરમાં કે છેલ્લા સાત દાયકા થી પ્રાચીન નવરાત્રીનું આયોજન કરતા શ્રી પટેલ યુવક ગરબી મંડળમાં માત્ર યુવકો જ માતાજીની આરાધના કરે છે. એવા શ્રી પટેલ યુવક મંડળ દ્વારા નવરાત્રિ નિમિત્તે રજૂ કરવામાં આવતા અવનવા રાસ જામનગર સહિત વિશ્વભરમાં આકર્ષણનું કેન્દ્ર બની રહ્યા છે.

માતાજીના ગીત ગાઈ અને પ્રાચીન વાંજીત્રો સાથે રાસ
આ ગરબીની વિશેષતા એ છે કે આ ગરબીમાં પ્રાચીન નવરાત્રીનું સંપૂર્ણપણે ધ્યાન રાખવામાં આવે છે. જેમાં તમામ રાસ પ્રાચીન અને કોઈપણ જાતના ડીજે કે ઢોલ ધમાકા નહીં માતાજીના ગીત ગાઈ અને પ્રાચીન વાંજીત્રો સાથે રાસ રમવામાં આવે છે. જ્યારે પ્રાચીન નવરાત્રીના આયોજનને સફળ બનાવવા માટે પટેલ સમાજના આગેવાનો, યુવાનો અને કાર્યકર્તાઓ ખૂબ જહેમત ઉઠાવે છે.

શ્રી પટેલ યુવક ગરબી મંડળનું મુખ્ય આકર્ષણનું કેન્દ્ર
શ્રી પટેલ યુવક ગરબી મંડળમાં યુવાનો દ્વારા કણબી રાસ, દાતરડા રાસ, ગુલાટ રાસ, તલવાર રાસ અને ખાસ વિશેષ આકર્ષણનું કેન્દ્ર એવા મશાલ અંગારા રાસ સહિતના અવનવા પ્રાચીન રાસ રજૂ કરવામાં આવે છે. મશાલ રાસ કે જે શ્રી પટેલ યુવક ગરબી મંડળનું મુખ્ય આકર્ષણનું કેન્દ્ર રહેલ છે. તેમાં ખેલૈયા યુવાનો દ્વારા આગના ધગધગતા અંગારા પર ખુલ્લા પગે રાસ રજૂ કરવામાં આવે છે અને જેને નિહાળવા લોકો ખૂબ મોટી સંખ્યામાં દૂર દૂરથી આવે છે.

આવી ગઈ ભયાનક આગાહી! મેઘો છેલ્લા નોરતાંની મજા બગડશે, 19 ઓક્ટોબરથી આ જિલ્લાઓમાં માવઠાની આગાહી

બે મહિનાના અથાગ મહેનત અને પરિશ્રમથી આ રાસ રજૂ
મસાલ રાસને રજુ કરવા માટે યુવાનો દ્વારા સતત બે મહિનાના અથાગ મહેનત અને પરિશ્રમથી આ રાસ રજૂ કરવામાં આવે છે. જ્યારે શ્રી પટેલ યુવકે ગરબી મંડળનો આ વિશેષ મશાલ અંગારા રાસ ખૂબ જ ખ્યાતિ પામી ચૂક્યું છે. ત્યારે આ મંડળ દ્વારા ત્રણ જેટલી ટીમો બનાવી જામનગર સહિત ગુજરાતના અન્ય જિલ્લાઓ અને દેશ વિદેશમાં પણ નવરાત્રી દરમિયાન આ ખાસ મસાલ રાસ રજુ કરવામાં આવી રહ્યો છે અને જેની લોકાચાહના દિવસેને દિવસે ખૂબ જ વધી રહી છે