હિન્દુ ધર્મ છોડી ઇસ્લામ અપનાવનારને નહીં મળે અનામતનો લાભ: સુપ્રીમ કોર્ટનો મોટો ફેંસલો

સુપ્રીમ કોર્ટે ગુરૂવારે અનામતને લઈને મોટો ચુકાદો આપ્યો છે. સર્વોચ્ચ ન્યાયાલયે સ્પષ્ટ કર્યું છે કે હિંદુ ધર્મમાંથી ઇસ્લામમાં ધર્માંતરણ કરનાર વ્યક્તિ માત્ર ધર્માંતરણના આધાર પર પછાત વર્ગ હેઠળ અનામતનો દાવો કરી શકે નહીં. આ દરમિયાન સુપ્રીમ કોર્ટે મદ્રાસ હાઈકોર્ટના ચુકાદાને યથાવત રાખ્યો છે.

સુપ્રીમ કોર્ટનો મહત્વપૂર્ણ ચુકાદો
સુપ્રીમ કોર્ટે ધર્મ પરિવર્તન અને જાતિ આધારિત અનામતને લઈને મહત્વનો ચુકાદો આપ્યો છે. કોર્ટે કહ્યું કે હિંદુ સામાજિક વ્યવસ્થામાં પછાત વર્ગ કે અનુસૂચિત જાતિ સાથે જોડાયેલી કોઈ વ્યક્તિએ બીજો ધર્મ અપનાવ્યા બાદ તેને તે આધાર પર અનામતનો લાભ ન મળી શકે. કોર્ટ પ્રમાણે હિંદુ જાતિ વ્યવસ્થા હેઠળ વ્યક્તિની સામાજિક પછાતની સ્થિતિ બીજા ધર્મમાં ગયા બાદ સ્થાળાંતરિત થતી નથી.

આ પણ વાંચોઃ મેરઠના બ્લૂ ડ્રમ કાંડમાં કોર્ટનો ઐતિહાસિક ચુકાદો, પત્ની મુસ્કાન અને પ્રેમી સાહિલને ફાંસીની સજા

આ મુદ્દે સુપ્રીમ કોર્ટે મદ્રાસ હાઈકોર્ટના તે આદેશને યથાવત રાખ્યો, જેમાં તમિલનાડુ સરકારનો ધર્મ પરિવર્તન કરી મુસ્લિમ બનેલા લોકોને અનામત આપવાનો નિર્ણય રદ્દ કર્યો હતો. સુપ્રીમ કોર્ટમાં બંધારણીય સિદ્ધાંતોના આધાર પર આ મામલામાં અરજી દાખલ કરવામાં આવી હતી.

કોર્ટે સ્પષ્ટ કર્યું કે માત્ર પહેલા કોઈ પછાત વર્ગ કે અનુસૂચિત જાતિ સાથે જોડાયેલા હોવાના આધાર પર બીજા ધર્મમાં ગયા બાદ અનામતનો દાવો ન કરી શકાય. આ નિર્ણય હિંદુ સામાજિક વ્યવસ્થામાં જાતિ આધારિત સામાજિક પછાત અને બીજા ધર્મમાં પરિવર્તન બાદ અનામતના લાભ સાથે જોડાયેલા મામલામાં આવ્યો છે.