અભિષેક શર્મા બન્યો વર્લ્ડ નંબર-1, દુનિયામાં સૌથી વધુ સિક્સ ફટકારનાર બેટર બન્યો

અભિષેક શર્મા ટી20 ક્રિકેટની દુનિયામાં સિક્સનો નવો બાદશાહ બની ગયો છે. તેણે એક કેલેન્ડર વર્ષમાં સૌથી વધુ સિક્સ ફટકારવાનો વર્લ્ડ રેકોર્ડ બનાવી દીધો છે. વેસ્ટ ઈન્ડિઝ વિરુદ્ધ ચોથી ટી20 મેચમાં તેણે 29 રનની ઈનિંગ દરમિયાન 1 સિક્સ ફટકારી હતી. તેણે સૂર્યકુમાર યાદવના 68 સિક્સનો રેકોર્ડ તોડી દીધો છે.

હકીકતમાં ચોથી ટી20 મેચ શરૂ થતાં પહેલા અભિષેક શર્મા અને સૂર્યકુમાર યાદવ 68 સિક્સની સાથે બરોબરી પર હતા. અભિષેક આ વર્ષે 68 સિક્સ ફટકારી ચૂક્યો હતો, જ્યારે સૂર્યકુમારે વર્ષ 2022મા આટલા સિક્સ ફટકારી હતી. પરંતુ હૈદરાબાદમાં એક હિટ લગાવતા આ ભારતીય ઓપનર આ લિસ્ટમાં સૌથી આગળ નીકળી ગયો. દુનિયામાં ભારત સિવાય કોઈ બીજા દેશના બેટરે એક વર્ષમાં પચાસ કે તેનાથી વધુ સિક્સ ફટકારી નથી.

અભિષેક શર્મા બન્યો નંબર-1
ટી20 આંતરરાષ્ટ્રીય ક્રિકેટમાં એક વર્ષની અંતર સૌથી વધુ સિક્સ ફટકારવાનો રેકોર્ડ હવે અભિષેક શર્માના નામે છે. તે વર્ષ 2026મા 69 સિક્સ ફટકારી ચૂક્યો છે અને આ સંખ્યા હજુ વધી શકે છે. 68 સિક્સની સાથે સૂર્યકુમાર યાદવ બીજા સ્થાન પર છે. પાછલા વર્ષે પ અભિષેકે 54 વખત બોલ બાઉન્ડ્રીને પાર મોકલ્યો હતો.

ચોથા સ્થાને પણ ભારતીય બેટર છે, કારણ કે ઈશાન કિશન પણ આ વર્ષે 52 સિક્સ ફટકારી ચૂક્યો છે. પાંચમાં નંબર પર પાકિસ્તાની બેટર સાહિબઝાદા ફરહાન છે, જેણે પાછલા વર્ષે કુલ 45 સિક્સ ફટકારી હતી.

આ પણ વાંચોઃ યોર્કર કિંગ નટરાજનની SRHમાં વાપસી... પણ કરોડોનું નુકસાન, દિલ્હીની ટીમમાં કોની થઈ એન્ટ્રી?

એક વર્ષમાં સૌથી વધુ સિક્સ (T20I)
69 સિક્સ - અભિષેક શર્મા (2026)
68 સિક્સ - સૂર્યકુમાર યાદવ (2022)
54 સિક્સ - અભિષેક શર્મા (2025)
52 સિક્સ - ઈશાન કિશન (2026)
45 સિક્સ - સાહિબઝાદા ફરહાન (2025)

વધુ એક વર્લ્ડ રેકોર્ડની નજીક અભિષેક
અભિષેક શર્મા અત્યાર સુધી પોતાના ટી20 કરિયરમાં 65 ઈનિંગમાં 142 સિક્સ ફટકારી ચૂક્યો છે. 8 સિક્સ ફટકારવાની સાથે તે 150 સિક્સની ક્લબમાં સામેલ થઈ જશે. હવે તેની પાસે ટી20મા સૌથી ઝડપી 150 સિક્સ ફટકારવાનો રેકોર્ડ બનાવવાની શાનદાર તક છે. ફુલ મેમ્બર દેશોમાં અત્યારે આ રેકોર્ડ સૂર્યકુમાર યાદવની નામે છે, જેણે 86 ઈનિંગમાં આટલી સિક્સ ફટકારી હતી. જ્યારે અભિષેકે માત્ર 65 ઈનિંગ રમી છે.