20 વર્ષ જૂની ફાઈલ ખુલતા જ્ઞાનેશકુમારની મુશ્કેલીમાં થયો વધારો, આ રાજ્યની સરકારે આપ્યા તપાસના આદેશ!

મુખ્ય ચૂંટણી કમિશનર (CEC) જ્ઞાનેશકુમાર સામે એક બાજુ વિરોધ પ્રદર્શનો થઈ રહ્યા છે અને હવે એક 20 વર્ષ જૂનો પ્રશાસનિક અને ભ્રષ્ટાચારનો કેસ ફરીથી ખુલ્યો છે. વાત જાણે એમ છે કે કેરળના ગૃહમંત્રી રમેશ ચેન્નિથલાએ જ્ઞાનેશકુમાર સામે ભ્રષ્ટાચાર અને ગડબડીના ગંભીર આરોપો પર વિઝિલન્સ તપાસના આદેશ આપ્યા છે. એવું કહેવાય છે કે આ સમગ્ર મામલે 2006નો છે. તે વખતે જ્ઞાનેશકુમાર લોક નિર્માણ વિભાગ (PWD)ના સચિવ પદ પર હતા. તેમના કાર્યકાળ દરમિયાન તે વખતે તેમના પર ગેરરીતિ વર્તવાનો આરોપ લાગ્યો હતો.

આખરે શું છે મામલો?

• વાત જાણે એમ છે કે આ સમગ્ર મામલો એક વિદેશી એન્જિનિયરના મોત સાથે જોડાયેલો છે. 
• વર્ષ 2006માં મલેશિયાના એક સિવિલ એન્જિનિયર સી સી બીને કથિત રીતે આત્મહત્યા કરી હતી. 
• આ એન્જિનિયર કેરળ સ્ટેટ ટ્રાન્સપોર્ટ પ્રોજેક્ટ અંતર્ગત એમસી રોડ સંબંધિત અપગ્રેડેશનનું કામ કરતા હતા. 
• આ સમયગાળામાં એન્જિનિયરે અંતિમ પગલું ભર્યું હતું. સ્યૂસાઈડ નોટમાં કથિત રીતે તત્કાલિન PWD સચિવ જ્ઞાનેશકુમારનું નામ લખ્યું હતું. 
• હવે આ મામલાની ફેર તપાસના આદેશ બહાર પડ્યા છે. 
• અત્રે જણાવવાનું કે મલયાનકીઝુ વેણુગોપાલ તરફથી નોંધાયેલી એક નવી ફરિયાદ બાદ કેરળ સરકારે આ પગલું ભર્યું છે. 
• ફરિયાદમાં એવો આરોપ લગાવવામાં આવ્યો કે 2006માં જ્ઞાનેશકુમાર જ્યારે PWD સચિવ હતા ત્યારે  કેરળ સ્ટેટ ટ્રાન્સપોર્ટ પ્રોજેક્ટ (KSTP) હેઠળ રોડ નિર્માણના કોન્ટ્રાક્ટ આપવામાં ભારે નાણાકીય ગેરરીતિઓ થઈ હતી. 
• વિવાદ વધતા 2006ના અંત પહેલા જ્ઞાનેશકુમારને PWD સચિવ પદેથી હટાવીને ટ્રાન્સફર કરાઈ હતી. 
• તે સમયે એક પ્રાથમિક તપાસ થઈ હતી પરંતુ ફરિયાદકર્તાનો આરોપ છે કે જૂની તપાસને કોઈ પણ તાર્કિક તારણો પર પહોંચાડ્યા વગર દબાણમાં કેસ બંધ કરી દેવાયો હતો. 
• મામલો ફક્ત નાણાકીય ગડબડીઓ પૂરતો જ નહીં પરંતુ એક વિદેશી નાગરિકના શંકાસ્પદ આત્મહત્યા સાથે પણ જોડાયેલો હતો.

Thiruvananthapuram, Keralam: State Home Minister Ramesh Chennithala ordered a Vigilance investigation into the case involving Chief Election Commissioner Gyanesh Kumar, relating to allegations of irregularities during his tenure as the state’s Public Works Department Secretary in 2006. The case pertains to the death by suicide of Malaysian civil engineer Lee See Been, who was associated with the PATI-BEL consortium involved in the upgradation of MC Road under the Keralam State Transport Project. His suicide note reportedly mentioned Gyanesh Kumar. The investigation is being initiated following allegations that external pressure was exerted and the original inquiry was derailed. State Home Minister Ramesh Chennithala has directly instructed the Vigilance Director to conduct a thorough inquiry into allegations of external influence in the case involving Chief Election Commissioner Gyanesh Kumar and take appropriate action based on the findings: HMO

— ANI (@ANI) October 4, 2026

વિદેશી નાગરિકની શંકાસ્પદ આત્મહત્યા

• કેરળ રોડ પરિયોજના (KSTP)માં PATI-BEL નામની ભારત-મેલેશિયાની જોઈન્ટ  કંપની કામ કરતી હતી. આ કંપનીના મેઈન પ્રોજેક્ટ મેનેજર અને મલેશિયન નાગરિક લી સી બીને 2006માં મલેશિયાની રાજધાની કુઆલાલંપુરમાં આત્મહત્યા કરી હતી. 
• મીડિયા રિપોર્ટ્સ મુજબ લી સી બીનની સ્યૂસાઈડ નોટમાં તત્કાલિન PWD સચિવ જ્ઞાનેશકુમાર અને PWDના અન્ય ટોચના અધિકારીઓના નામ સામેલ હતા. 
• નોટમાં એવો આરોપ હતો કે ભારતીય અધિકારીઓ દ્વારા તેમને ભારે ભ્રષ્ટાચાર, લાંચ અને માનસિક રીતે હેરાન પરેશાન કરવામાં આવી રહ્યા હતા.

હવે કેરળ સરકાર ગાળિયો કસશે!
કેરળના ગૃહ વિભાગે 2006માં મલેશિયન મેનેજરની આત્મહત્યા અને PWD પ્રોજેક્ટ્સ અંગેની બધી ફાઈલો ફરીથી મંગાવી છે. હવે વિજિલન્સ વિભાગ હવે  તપાસ કરશે કે શું 2006માં આ મામલે પ્રાથમિક તપાસને ખોટી રીતે બંધ કરાઈ હતી અને બીનના સ્યૂસાઈડ નોટમાં લગાવલા આરોપોના પુરતા પુરાવા છે કે નહીં.