રાજકોટ: હાઈપ્રોફાઈલ દારૂ પાર્ટી કેસમાં પોલીસની મોટી કાર્યવાહી, કેટરિંગ કામગીરી સાથે સંકળાયેલા 15થી વધુ કર્મચારીઓની અટકાયત

 રાજકોટના કાલાવડ રોડ પર આવેલી સરાઝા હોટેલમાં ચાલતી હાઈ પ્રોફાઈલ દારૂ પાર્ટી પર પોલીસે દરોડા પાડ્યા. ડેકોરા બિલ્ડર ગ્રુપના ચિરાગ પટેલના જન્મદિવસની એડવાન્સ પાર્ટીનું આ આયોજન હતું. જેમાં દારૂ અને હુક્કાની મહેફિલ જામી હતી. જેના રંગમાં પોલીસે ભંગ પાડ્યો હતો. આ મામલે તાલુકા પોલીસ સ્ટેશનમાં 38 વ્યક્તિઓ સામે ગુનો નોંધાયો છે. જેમાં પાર્ટીમાં સામેલ 35 લોકો અને હોટેલના સ્ટાફમાંથી 3 લોકોનો સમાવેશ થાય છે. રાજકોટ અને મોરબીના લોકો આ પાર્ટીમાં સામેલ હતા. આ હાઈપ્રોફાઈલ પાર્ટીએ શહેરભરમાં ચર્ચા જગાવી છે. આ મામલે મોટા અપડેટ એ આવ્યા છે કે કેટરિંગમાં સંકળાયેલા 15થી વધુ કર્મચારીઓની પોલીસે અટકાયત કરી છે.

રાજકોટની હાઈપ્રોફાઈલ દારૂ પાર્ટી મામલે અનેક મોટા ખુલાસા, કોણ છે ચિરાગ પટેલ? એક ધારાસભ્યના ભાઈ-ભાભી સહિત 38 સામે કાર્યવાહી

15થી વધુ કેટરિંગ કર્મચારીઓની અટકાયત, થશે મોટા  ખુલાસા!

• દારૂની મહેફિલ યોજાઈ હોવાના મામલે હવે પોલીસ દ્વારા કેટરિંગ સ્ટાફ સામે પણ કાર્યવાહી કરવામાં આવી છે. 
• સરાઝા હોટેલમાં કેટરિંગની કામગીરી સાથે સંકળાયેલા 15થી વધુ કર્મચારીઓને પોલીસે અટકાયતમાં લીધા છે. 
• પોલીસના પ્રાથમિક તપાસમાં કેટરિંગ સ્ટાફ દ્વારા પાર્ટીમાં દારૂ પીરસવામાં આવ્યો હોવાની વિગતો સામે આવી છે. 
• જેના પગલે પોલીસે કેટરિંગ સ્ટાફની અટકાયત કરી વધુ પૂછપરછ હાથ ધરી છે.
• બીજી બાજુ, અટકાયત કરાયેલા તમામ કેટરિંગ કર્મચારીઓને મેડિકલ તપાસ માટે રાજકોટની સિવિલ હોસ્પિટલ ખાતે લઈ જવામાં આવ્યા હતા. 
• જ્યાં તમામના મેડિકલ ટેસ્ટ કરાવવાની કાર્યવાહી હાથ ધરવામાં આવી છે. 
• ઉલ્લેખનીય છે કે, કાલાવડ રોડ પર આવેલી સરાઝા હોટેલમાં ડેકોરા ગ્રુપના ચિરાગ પટેલના પ્રી-બર્થડે સેલિબ્રેશન દરમિયાન દારૂની મહેફિલ યોજાઈ હોવાનો પોલીસનો આરોપ છે. 
• આ મામલે અગાઉ 76 જેટલા મહિલા અને પુરુષોને મેડિકલ તપાસ માટે ખસેડવામાં આવ્યા હતા. 
• હવે કેટરિંગ સ્ટાફની અટકાયત થતાં સમગ્ર કેસમાં નવા ખુલાસા થવાની શક્યતા છે. 
• ત્યારે સવાલ એ છે કે દારૂની મહેફિલમાં કોણે દારૂ પીરસ્યો અને આ પાર્ટીના આયોજનમાં કોની કોની ભૂમિકા હતી? તે દિશામાં પોલીસ તપાસ આગળ વધી રહી છે.

MLAના પિતરાઈ ભાઈએ જમાવી મહેફિલ!

• રાજકોટમાં થયેલી હાઈ પ્રોફાઈલ દારૂ પાર્ટીમાં ધ્રાંગધ્રા ધારાસભ્ય પ્રકાશ વરમોરાના પિતરાઈ ભાઈ પણ સામેલ હોવાનો ખુલાસો થયો છે. 
• ધારાસભ્યના ભાઈ મનીષ વરમોરા અને તેમના પત્નીની અટકાયત કરવામાં આવી હતી. 
• આ સાથે તમામ લોકોના જામીનની પ્રક્રિયા પણ હાથ ધરવામાં આવી. પાર્ટી કરવા આવેલા લોકોને જામીન મળતા જ તેમને પોલીસે પાછલા બારણેથી રવાના કર્યા હતા. 
• ત્યાર સવાલ એ ઉઠ્યો હતો કે દારૂ પાર્ટીમાં પકડાયેલા આરોપીને શું પોલીસ છાવરી રહી છે?. 
• મીડિયાનો કેમેરો જોઈને આ હાઈપ્રોફાઈલ દારૂડિયા ભાગતા જોવા મળ્યા હતા. તો બીજી તરફ રાજકોટમાં થયેલી આ કાર્યવાહીને ભાજપના સહપ્રવક્તાએ આવકારી છે.

રાજકોટમાં હાઇપ્રોફાઇલ દારૂની મહેફિલ પર રેડ; 43 પુરુષો અને 33 મહિલાઓ ઝડપાઈ; મોઢા છુપાવવા ટેબલ-ખુરશીના કવર બાંધવા પડ્યા!

પોલીસની કામગીરી ઉપર પણ સવાલ ઉઠ્યા!

• રાજકોટની હાઈપ્રોફાઈલ દારૂ પાર્ટી મામલે પોલીસની કામગીરી સામે સવાલો ઉઠ્યા છે. 
• પાર્ટીમાં આવેલા નબીરાઓની મોંઘીદાટ લક્ઝરી કાર ચર્ચામાં આવી છે. મોટાભાગની કારના ઇન્સ્યોરન્સની મુદત પૂર્ણ થઈ હોવાની વિગતો સામે આવી છે. 
• કેટલીક કારના ઇન્સ્યોરન્સ 2023, 2025 અને 2026માં પૂર્ણ થયા હોવાની માહિતી છે. 
• નંબર પ્લેટ વગરની મર્સિડીઝ કાર પણ પોલીસની નજર બહાર રહી હોવાના સવાલો ઉઠ્યા છે. 
• ઇન્સ્યોરન્સ વગરની કારને પોલીસે કેમ ન રોકી તેવો સવાલ થઈ રહ્યો છે. 
• સામાન્ય વાહનચાલકો સામે કડક કાર્યવાહી કરતી પોલીસ લક્ઝરી કારના મામલે કેમ ચૂપ રહી તે મુદ્દે રાજકોટ પોલીસની કામગીરી ચર્ચામાં આવી છે.