અમદાવાદમાં ફોર્ચ્યુનર કાર ચાલકે મચાવ્યો આતંક: ભયાનક અકસ્માતમાં મા-દીકરાનું કરૂણ મોત, કારમાંથી મળ્યા બિયરના ટીન

Ahmedabad Nikol Hit and Run: નિકોલમાં મોડી રાત્રે દારૂના નશામાં ચૂર એક નબીરાએ ફોર્ચ્યુનર ગાડીને ફૂટપાથ પર છૂટક ધંધો કરી પેટિયું રળતા પરિવારને વિખેરી નાંખ્યો છે. ઓઢવના અર્બુદાનગરની ઈશ્વરબાગ સોસાયટીમાં રહેતા જીતેન્દ્ર નગવાડિયા પત્ની અને પુત્રનું અકસ્માતમાં મોત થયું છે.

નોંધનીય છે કે 5 સભ્યોનો પરિવાર સિઝનલ વસ્તુઓનો ધંધો કરી ગુજરાન ચલાવતો હતો. જે દરમ્યાન ગઈકાલે રાત્રે માતા અને પુત્ર રાબેતા મુકબ ધંધો કરી રહ્યા હતા. ત્યાં દારૂના નશામાં ચૂર વિરલ ચૌધરીએ પોતાની ફોર્ચ્યુનર ગાડીના સ્ટિયરિંગ પરનો કાબુ ગુમાવતા ગાડી સીધી તેમના પર ફરી વળી હતી. જ્યાં માતાનું સ્થળ પર અને પુત્રનું સારવાર દરમિયાન મોત નીપજ્યું હતું. ત્યારે પીડિતના પરિજનોએ આરોપી સામે કડકમાં કડક કાર્યવાહી કરવાની અને તેના જામીન મંજુર ન કરવાની માંગણી કરી છે.

રાજકોટમાં SIRના મુદ્દે ભાજપ આક્રમક: કોંગ્રેસ ભ્રમ ફેલાવતી હોવાનો આરોપ, 13 કરોડ નામો પર રૂપાલાએ ફેંક્યો પડકાર

નિકોલમાં દેવસ્ય સ્કૂલ સર્કલ પાસે બની ભયાનક ઘટના

આ ઘટનાની મળતી માહિતી પ્રમાણે, અમદાવાદના નિકોલ વિસ્તારમાં ગતરાત્રે રફતારના રાક્ષસે ગમખ્વાર અકસ્માત સર્જ્યો હતો. આ ઘટનામાં GJ18-EF-4060 નંબરની ફોર્ચ્યુનર કારનો ચાલકે પૂરપાટ ઝડપે ગાડી ચલાવી રહ્યો હતો. અચાનક ચાલકે કાર પરથી કાબૂ ગુમાવતા વાહન ફૂટપાથ પર ચડી ગયું હતું અને ત્યાં પાથરણાવાળાઓ તથા બેઠેલા લોકોને અડફેટે લીધા હતા. આ ભયાનક ટક્કરથી લોકોમાં ભાગદોડ મચી ગઈ હતી અને ચીસાચીસ થઈ ગઈ હતી.

અમદાવાદના નિકોલમાં રફતારનો કહેર; ફોર્ચ્યુનર કાર ચાલકે પાથરણાવાળાઓને કચડ્યા #Ahmedabad #Gujarat #BreakingNews #News https://t.co/VOIJdOxegL

— Zee 24 Kalak (@Zee24Kalak) November 3, 2026

 નિકોલની ઘટનામાં મા-દીકરાનું કરુણ મોત, ત્રણ વ્યક્તિઓ ગંભીર

આ દર્દનાક અકસ્માતમાં ગંભીર રીતે ઘવાયેલા માતા પૂનમબેનનું ઘટના સ્થળે જ મોત નિપજ્યું હતું, જ્યારે તેમના 15 વર્ષીય પુત્ર સાગરનું સારવાર દરમિયાન કરુણ મોત નીપજ્યું હતું. આ દુખના સમયથી પરિવાર પર દુઃખનો પહાડ તૂટી પડ્યો છે. આ સિવાય કાર્તિકભાઈ સહિત અન્ય એક મહિલા અને અન્ય લોકો ગંભીર રીતે ઇજાગ્રસ્ત થતા તેમને તાત્કાલિક સારવાર અર્થે ખસેડવામાં આવ્યા હતા.

સિંગલ ટેન્ડર હોવા છતાં AMCની લહાણી! મક્તમપુરાનું જીમ અને લાઈબ્રેરી વાર્ષિક રૂ. 6 લાખના ભાડે AIMIM પ્રમુખને સોંપાયા

તાત્કાલિક 112 અને 108 એમ્બ્યુલન્સ તથા ફાયર બ્રિગેડ અને પોલીસની ટીમ ઘટના સ્થળે

મોડી રાત્રે બનેલી આ અકસ્માતની જાણ થતા જ આસપાસના સ્થાનિક લોકો મદદ માટે દોડી આવ્યા હતા. તાત્કાલિક 112 અને 108 એમ્બ્યુલન્સ તથા ફાયર બ્રિગેડ અને પોલીસની ટીમ ઘટના સ્થળે પહોંચી ગઈ હતી. ઇજાગ્રસ્તોને તાત્કાલિક 108 મારફતે હોસ્પિટલ મોકલી આપવામાં આવ્યા હતા, જ્યાં તેમની સારવાર ચાલી રહી છે.

કારમાંથી બિયરના ટીન મળ્યા, બ્લડ રિપોર્ટ પોઝિટિવ

અમદાવાદના નિકોલમાં રફતારનો કહેર; આરોપી વિરલ ચૌધરીના પત્ની સાથે Z 24 કલાકની ખાસ વાત. #Ahmedabad #Gujarat #BreakingNews #News https://t.co/KARbXtA1C5

— Zee 24 Kalak (@Zee24Kalak) November 3, 2026

 આ ઘટનામાં એક ચોંકાવનારા સમાચાર મળ્યા છે. અકસ્માત સર્જનાર કારચાલકની ઓળખ 36 વર્ષીય વિરલ સવજીભાઈ ચૌધરી (રહે. નાના ચિલોડા, અમદાવાદ) તરીકે થઈ છે. સ્થાનિક લોકોએ સમયસૂચકતા વાપરીને આરોપી કારચાલક ફરાર થાય તે પહેલાં જ તેને પકડી લીધો હતો, રોષે ભરાયેલા લોકોએ તેને સ્થળ પર જ મેથીપાક ચખાડ્યો હતો. પોલીસે ફોર્ચ્યુનર કારની તપાસ કરતા તેમાંથી બિયરના 6 ટીન મળી આવ્યા હતા. આરોપીની મેડિકલ તપાસ કરાતા તેનો બ્લડ રિપોર્ટ પણ પોઝિટિવ આવ્યો છે, જેના લીધે એવું સાબિત થાય ચે કે ચાલાક નશાની હાલતમાં ગાડી ચલાવી રહ્યો હતો.

ગિફ્ટ સિટીમાં દારૂની છૂટ, તો ગુજરાતમાં પ્રતિબંધ કેમ? સરાઝા પાર્ટી વિવાદ વચ્ચે પીપળીયાએ ખોલી દારૂબંધીની પોલ!

નિકોલ પોલીસે તાત્કાલિક આરોપી વિરલ ચૌધરીની ધરપકડ કરી

આ ગમખ્વાર  ઘટનાની ગંભીરતાને ધ્યાનમાં રાખીને નિકોલ પોલીસે તાત્કાલિક આરોપી વિરલ ચૌધરીની ધરપકડ કરી લીધી છે. પોલીસે તેની સામે કલમ 105 અને મોટર વ્હીકલ એક્ટ હેઠળ ગુનો નોંધીને આગળની કાયદેસરની તપાસ હાથ ધરી છે.