જિયો-બીપીના ભાવવધારા બાદ સરકારી કંપનીઓએ પણ જાહેર કર્યા પેટ્રોલ-ડીઝલના નવા દર, જાણો શું છે કિંમત

રિલાયન્સ ગ્રુપની કંપની જિયો-બીપી દ્વારા ભાવમાં વધારો કર્યાં બાદ આજે સોમવાર 12 ઓક્ટોબરે સરકારી તેલ કંપનીઓએ પણ પેટ્રોલ-ડીઝલના ભાવ જાહેર કર્યાં છે. જિયો-બીપીએ રવિવારે પેટ્રોલના ભાવમાં 5 રૂપિયા અને ડીઝલના ભાવમાં 3 રૂપિયા પ્રતિ લીટરનો વધારો કર્યો હતો. મીડિયા રિપોર્ટ પ્રમાણે પંજાબમાં પેટ્રોલ 108.54 રૂપિયા અને ડીઝલ 99.19 રૂપિયા પર પહોંચી ગયું છે.

હવે જિયો-બીપી આ વર્ષે પેટ્રોલ અને ડીઝલની કિંમતમાં વધારો કરનાર ખાનગી સેક્ટરની બીજી મુખ્ય કંપની બની ગઈ છે. આ પહેલા નાયરાએ 3 ઓક્ટોબરે પેટ્રોલમાં 5 રૂપિયા પ્રતિ લીટર અને ડીઝલમાં 3 રૂપિયા પ્રતિ લીટરનો વધારો કર્યો હતો.

આજે સરકારી પંપો પર શું છે પેટ્રોલ-ડીઝલનો ભાવ
નાયરા અને જિયો-બીપી દ્વારા ભાવ વધારવા છતાં સરકારી ઓયલ માર્કેટિંગ કંપનીઓ જેમ કે IOCL, HPCL અને ભારત પેટ્રોલિયમે ફ્યૂલ રેટમાં કોઈ વધારો કર્યો નથી. આજે અમદાવાદમાં પેટ્રોલ 101.72 અને ડીઝલ 94 રૂપિયા આસપાસ મળી રહ્યું છે. જ્યારે દિલ્હીમાં પેટ્રોલ 102.12 અને ડીઝલ 95.20 રૂપિયા પ્રતિ લીટર પર મળી રહ્યું છે.

આ પણ વાંચોઃ 8th Pay Commission: કર્મચારીઓનો વધેલો પગાર કેમ અટક્યો છે? જાણો ક્યારે ખાતામાં આવશે પૈસા

સરકારી કંપનીઓએ મેમાં વધાર્યા હતા ભાવ
સરકારી કંપનીઓએ આ વર્ષે મે મહિનામાં પેટ્રોલ અને ડીઝલના ભાવમાં આશરે ₹7.50-₹7.50 પ્રતિ લીટરનો વધારો કર્યો હતો. દેશમાં એક લાખથી વધુ પેટ્રોલ પંપોમાં 90 ટકાથી વધુ પર સરકારી કંપનીઓનું નિયંત્રણ છે.

કેમ વધ્યા પેટ્રોલ-ડીઝલના ભાવ?
રિપોર્ટ અનુસાર આંતરરાષ્ટ્રીય બજારમાં કાચા તેલ અને તૈયાર પેટ્રોલિયમ ઉત્પાદકોની કિંમતમાં તેજીથી ખાનગી કંપનીઓના કારોબાર પર દબાવ વધ્યો છે. ભારત પોતાની જરૂરિયાતનું લગભગ 90 ટકા કાચુ તેલ આયાત કરે છે. તેવામાં આંતરરાષ્ટ્રીય કિંમતોમાં લાંબા સમય સુધી તેજી રહેવાથી ઘરેલું ઈંધણ બજાર પ્રભાવિત થઈ શકે છે.

બ્રેન્ટ ક્રૂડ હજુ પણ 100 ડોલરને પાર
મધ્ય પૂર્વમાં સંઘર્ષ વધવાની આશંકા વચ્ચે આંતરરાષ્ટ્રીય બજારમાં કાચા તેલની કિંમતોમાં રવિવારે તેજી જોવા મળશે. સાઉદી અરબ પર હૂતી વિદ્રોહીઓના હુમલા અને સ્ટ્રેટ ઓફ હોર્મુઝની પાસે તેલ ટેન્કર પરહુમલાથી વૈશ્વિક ઉર્જા સપ્લાય પ્રભાવિત થવાની ચિંતા વધી છે. તેનાથી બ્રેન્ટ ક્રૂડની કિંમત 0.7 ટકા વધી 105.45 ડોલર પ્રતિ બેરલ પહોંચી ગઈ છે.