IPL 2027 પહેલા CSKનો મોટો નિર્ણય, વધુ એક ધુરંધર ટીમમાંથી બહાર, હવે કોની થશે એન્ટ્રી?

Chennai Super Kinges : IPL 2027 પહેલાં પાંચ વખતની ચેમ્પિયન ચેન્નાઈ સુપર કિંગ્સ ફ્રેન્ચાઈઝીમાં મોટા ફેરફારોનો દોર ચાલુ છે. સ્ટીફન ફ્લેમિંગ અને એરિક સિમન્સ બાદ CSKએ હવે તેના લાંબા સમયથી બેટિંગ કોચ રહેલા માઈકલ હસી સાથે પણ છેડો ફાડ્યો છે.

બીજી T20માં હાર બાદ આ 2 ખેલાડીઓ થશે બહાર! શ્રેયસ અને ગંભીર લેશે આ મોટો નિર્ણય?

ઓસ્ટ્રેલિયાના ભૂતપૂર્વ ડાબોડી બેટ્સમેન માઈકલ હસીનો ચેન્નાઈ સુપર કિંગ્સ સાથે લાંબો નાતો રહ્યો છે. હસી અગાઉ ખેલાડી તરીકે CSK માટે ઘણી યાદગાર ઇનિંગ્સ રમી ચૂક્યો છે અને ટીમને જીત અપાવવામાં મદદ કરી છે.

2018માં બેટિંગ કોચ તરીરે જોડાયો હતો હસી

ત્યારબાદ તે 2018માં બેટિંગ કોચ તરીકે ફ્રેન્ચાઈઝી સાથે જોડાયો હતો અને ત્યારથી આ ભૂમિકા નિભાવી રહ્યા હતા. શનિવારે, કોચિંગ સ્ટાફમાં ફેરફાર કરવાની યોજનાના ભાગરૂપે, ફ્રેન્ચાઈઝીએ હસી સાથે અલગ થવાનો મોટો નિર્ણય લીધો. ત્યારે હવે મોટો પ્રશ્ન એ ઊભો થયો છે કે, ચેન્નાઈનો નવો બેટિંગ કોચ કોણ હશે?

ફિલ્ડિંગ કોચનું ભવિષ્ય પણ અનિશ્ચિત

ચેન્નાઈ સુપર કિંગ્સ ટીમ હાલમાં સંપૂર્ણપણે નવા રંગરૂપની તૈયારી કરી રહી છે. ફ્રેન્ચાઈઝીએ આ વર્ષે તેના સપોર્ટ સ્ટાફમાં ઘણા મોટા ફેરફારો કર્યા છે. આ વર્ષની શરૂઆતમાં ફ્રેન્ચાઈઝીએ લાંબા સમયથી કોચ રહેલા સ્ટીફન ફ્લેમિંગ સાથે છેડો ફાડ્યો હતો અને હવે ટીમની કમાન ભૂતપૂર્વ ભારતીય ફાસ્ટ બોલર ઝહીર ખાનને સોંપવામાં આવી છે.

બોલિંગ કોચ એરિક સિમન્સને પણ બદલવામાં આવ્યા છે અને ભૂતપૂર્વ ભારતીય ઝડપી બોલર મોહિત શર્માએ આ જવાબદારી સંભાળી છે. દરમિયાન ફિલ્ડિંગ કોચ જેમ્સ ફોસ્ટરનું ભવિષ્ય અનિશ્ચિત છે.

શું હસી હવે ઈંગ્લેન્ડની ટીમ સાથે જોડાશે?

માઈકલ હસીના વિદાય પાછળ ઈંગ્લિશ કનેક્શનની પણ ચર્ચા થઈ રહી છે. ફ્લેમિંગ સાથેના તેમના સંબંધો જાણીતા છે અને એવી અટકળો છે કે હસી ટૂંક સમયમાં જ ઈંગ્લેન્ડની ટેસ્ટ ટીમ માટે બેટિંગ કોચની ભૂમિકા સંભાળી શકે છે.

હસી અગાઉ 2022ના T20 વર્લ્ડ કપમાં ઈંગ્લેન્ડની જીતમાં સલાહકાર તરીકે મહત્વની ભૂમિકા ભજવી ચૂક્યો છે અને હાલમાં તે ધ હન્ડ્રેડ ટુર્નામેન્ટમાં વેલ્શ ફાયર ટીમના હેડ કોચ તરીકે સેવા આપી રહ્યો છે.