દિલ્હીમાં આંદોલન ચાલું, 6 હજારથી વધારે લોકોની અટકાયત, જાણો દિવસભરની અપડેટ

Delhi CJP Protest News: રાજધાની દિલ્હીમાં આજે દિવસભર વિરોધ પ્રદર્શન ચાલુ રહ્યું હતું. CJPના પ્રદર્શનમાં સમર્થન આપવા પહોચેલા પ્રદર્શનકારીઓને પણ પોલીસે જંતર મંતર સુધી પહોંચવા નહોતા દીધા. દિલ્હી પોલીસની કાર્યવાહીના કારણે સાંજે 5 વાગ્યા સુધી પ્રદર્શનકારી જંતર મંતર સુધી પહોંચી શક્યા નહોતા. સીજેપીએ સવારે 10 વાગ્યે પ્રદર્શન માટે બોલાવ્યા હતા, જેવા જ મુંબઈથી અભિજીત દિપકે, સૌરવ દાસ અને આશુતોષ રાંકા એરોપોર્ટ પહોંચ્યા ત્યારે તેમને એરપોર્ટ પર જ ડિટેન કરી લેવામાં આવ્યા હતા. દિલ્હીને ચારેબાજુથી સીલ કરવામાં આવ્યા હતા. પ્રદર્શન દરમિયાન અનેક જગ્યાએ 3થી 5 લેયરની બૈરિકેટીંગ કરવામાં આવી હતી. તમામ પ્રયત્નો છતા પ્રદર્શન કરનારાઓ આગળ વધી શક્યા નહોતા.

અત્યાર સુધીમાં 6,000થી વધુ લોકોની અટકાયત કરવામાં આવી છે. પશ્ચિમ બંગાળના ભૂતપૂર્વ મુખ્યમંત્રી મમતા બેનર્જી અને દિલ્હીના ભૂતપૂર્વ મુખ્યમંત્રી અરવિંદ કેજરીવાલની પણ અટકાયત કરવામાં આવી છે. વિરોધ પ્રદર્શન દરમિયાન પોલીસ સાથે ઘર્ષણ પણ થયું હતું. આકાશવાણી ભવન પાસે પથ્થરમારો કરવામાં આવ્યો હતો અને બેરિકેડ તોડી નાખવામાં આવ્યા હતા, જેના પરિણામે બે પોલીસ કર્મચારીઓ ઘાયલ થયા હતા.

પોલીસ કાર્યવાહી અંગે સંયુક્ત પ્રેસ કોન્ફરન્સ યોજી

શનિવારે સાંજે, CJP, SFI અને AISFએ વિરોધ પ્રદર્શન દરમિયાન પોલીસ કાર્યવાહી અંગે સંયુક્ત પ્રેસ કોન્ફરન્સ યોજી હતી, જેમાં તેમણે સ્પષ્ટ કર્યું હતું કે મુખ્ય ચૂંટણી કમિશનર જ્ઞાનેશ કુમાર રાજીનામું ન આપે ત્યાં સુધી વિરોધ ચાલુ રહેશે.

ખરેખર, મતદાર યાદીમાં અનિયમિતતાના આરોપો બાદ CJPએ જ્ઞાનેશ કુમારના રાજીનામાની માંગણી સાથે હુમલો કર્યો છે. શનિવારે જંતર મંતર પર CJPના વિરોધ પ્રદર્શનને રોકવા માટે વહીવટીતંત્રે પોતાની બધી શક્તિ તૈનાત કરી હતી.

સરકાર ડરી ગઈ છે; જ્ઞાનેશ કુમાર રાજીનામું ન આપે ત્યાં સુધી આંદોલન ચાલુ રહેશે

પ્રેસ કોન્ફરન્સમાં કહેવામાં આવ્યું હતું કે, દિલ્હીના રસ્તાઓ પર દિવસભર શું બન્યું તે આખા દેશે જોયું. આ તાનાશાહી સરકાર ખૂબ જ ડરી ગઈ છે. ગઈ વખતે, જ્યારે આખો દેશ જંતર-મંતર પર એક થયો હતો, ત્યારે મોદી-શાહનો ઘમંડ તૂટી ગયો હતો. અમે સ્પષ્ટ કરવા માંગીએ છીએ કે અમે તમારી દમનકારી નીતિઓ અને પોલીસ દેખરેખથી ડરીશું નહીં.
 

We appeal to everyone to march towards Jantar Mantar! If Delhi Police tries to stop you, wherever they stop you will become your Jantar Mantar. @AjinkyaCJP https://t.co/W6BgstckVY

— Cockroach Janta Party - CJP (@Cockroachisback) October 10, 2026

પ્રેસ કોન્ફરન્સમાં કહેવામાં આવ્યું હતું કે, આ આંદોલન અટક્યું નથી, જ્યારે, તે એક નવી શરૂઆત છે. મુખ્ય ચૂંટણી કમિશનર જ્ઞાનેશ કુમાર રાજીનામું ન આપે ત્યાં સુધી આ લડાઈ ચાલુ રહેશે. આજે દિલ્હીમાં જે વાતાવરણ સર્જાયું છે તે સરકાર દ્વારા લગાવવામાં આવેલી ઈમરજન્સી સિવાય બીજું કંઈ નથી.

રવિશંકર પ્રસાદની સીજેપી વિરોધ પર પીસી

ભાજપના વરિષ્ઠ સાંસદ રવિશંકર પ્રસાદે સીજેપી અને વિપક્ષના વિરોધનો જોરદાર વિરોધ કર્યો છે. તેમણે કહ્યું કે દેશ સંસદથી ચાલશે, શેરીઓથી નહીં.

રવિશંકર પ્રસાદે કહ્યું, "આજે અને છેલ્લા ત્રણ દિવસમાં જે બન્યું છે તેનાથી બે વાત ખૂબ જ સ્પષ્ટ થઈ ગઈ છે. ભારતીય લોકશાહીએ અરાજકતાને પ્રોત્સાહન આપનારાઓને હરાવ્યા છે. ભારતના લોકશાહીએ અરાજકતાને પ્રોત્સાહન આપવાના પ્રયાસોને કચડી નાખ્યા છે, જે બીજો સંદેશ આપે છે કે દેશ શેરીઓથી નહીં, સંસદથી ચાલશે."

 

LIVE: BJP Press Conference by Ravi Shankar Prasad I CJP Protest I Jantar Mantar Delhi Protest #ravishankarprasad #bjp #cjp #cjpprotest #jantarmantar #live #delhi #delhipolice #delhinews #news https://t.co/OsZNTUZCMa

— ANI (@ANI) October 10, 2026