અભિષેક શર્માનો વધુ એક વર્લ્ડ રેકોર્ડ, સૂર્યાને પછાડી T20માં સૌથી ઝડપી 2000 રન પૂરા કરનાર બેટ્સમેન બન્યો

Abhishek Sharma World Record : ભારતીય ક્રિકેટના ઉભરતા સ્ટાર અભિષેક શર્માએ વધુ એક મહત્વપૂર્ણ સિદ્ધિ હાંસલ કરી છે. તે T20 ઈન્ટરનેશનલમાં સૌથી ઝડપી 2,000 રન પૂરા કરનાર બેટ્સમેન બન્યો છે. આ સાથે તેણે સાથી ભારતીય ક્રિકેટર સૂર્યકુમાર યાદવનો રેકોર્ડ તોડ્યો છે. સૂર્યાએ આ આંકડા સુધી પહોંચવા માટે 1,164 બોલનો સામનો કર્યો હતો, તો અભિષેક શર્માએ માત્ર 1,024 બોલમાં 2,000 રનનો આંકડો પાર કર્યો. અભિષેકના નામે સૌથી ઓછા બોલમાં 1,000 T20 રન બનાવવાનો વર્લ્ડ રેકોર્ડ પણ છે.

જન્મદિવસ પર ગર્લફ્રેન્ડે ખોલ્યું મોટું રહસ્ય, 19 વર્ષની ઉંમર સુધી હાર્દિક પંડ્યા ફક્ત...

અભિષેક શર્માએ ઈન્દોરમાં વેસ્ટ ઈન્ડિઝ સામેની ત્રીજી T20 મેચ દરમિયાન આ સિદ્ધિ હાંસલ કરી હતી. કેરેબિયન બોલરો પર વર્ચસ્વ જમાવતા તેણે માત્ર 18 બોલમાં 50 રનનો આંકડો પાર કર્યો હતો. અભિષેકે T20માં પાવરપ્લે દરમિયાન સાત વખત અડધી સદી ફટકારી છે. જે એક એવો રેકોર્ડ છે જેની બરાબરી અન્ય કોઈ કરી શક્યું નથી. રોહિત શર્મા અને ઈશાન કિશને આ સિદ્ધિ બે-બે વખત હાંસલ કરી છે.

અભિષેક શર્માનો નવો વર્લ્ડ રેકોર્ડ

અભિષેક શર્માએ T20 ઈન્ટરનેશનલમાં 2,000 રન બનાવવા માટે 1,024 બોલ લીધા છે. આ સિદ્ધિ સુધી પહોંચવા માટે તેણે સૂર્યા કરતા 140 બોલ ઓછા રમ્યા હતા. ઓસ્ટ્રેલિયાનો પૂર્વ ઓપનર એરોન ફિન્ચ આ વિશિષ્ટ યાદીમાં ત્રીજા સ્થાને છે, જેણે 1,283 બોલમાં 2,000 રનનો આંકડો પાર કર્યો હતો.

સૌથી ઝડપથી 2000 T20 રન બનાવનાર ખેલાડીઓ:

• 1024 બોલ - અભિષેક શર્મા
• 1164 બોલ - સૂર્યકુમાર યાદવ
• 1283 બોલ - એરોન ફિન્ચ
• 1304 બોલ - ગ્લેન મેક્સવેલ

30 બોલમાં 69 રન બનાવીને આઉટ

વેસ્ટ ઈન્ડિઝ સામેની ત્રીજી T20Iમાં અભિષેક શર્મા 30 બોલમાં 69 રનની ધમાકેદાર ઈનિંગ રમ્યા બાદ આઉટ થયો હતો. તેને શમાર સ્પ્રિંગરે આઉટ કર્યો હતો. અભિષેકે 6 ચોગ્ગા અને 5 છગ્ગા ફટકાર્યા હતા. તે વેસ્ટ ઈન્ડિઝ સામે અડધી સદી ફટકારનાર સંયુક્ત રીતે ત્રીજા સૌથી ઝડપી ખેલાડી બન્યો છે. ક્વિન્ટન ડી કોક આ યાદીમાં મોખરે છે, જેણે 2023માં 15 બોલમાં સદી ફટકારી હતી.

વેસ્ટ ઈન્ડિઝ સામે સૌથી ઝડપી T20 અડધી સદી

• 15 - ક્વિન્ટન ડી કોક, સેન્ચુરિયન, 2023
• 16 - ટિમ ડેવિડ, બેસેટેરે, 2025
• 18 - ડેવિડ વોર્નર, સિડની, 2010
• 18 - કોલિન મુનરો, માઉન્ટ મૌંગાનુઈ, 2018
• 18 - અભિષેક શર્મા, ઈન્દોર, 2026