આવી રહ્યું છે ખતરનાક વાવાઝોડું, આ વિસ્તારોમાં ભૂકા બોલાવશે વરસાદ, હવામાન વિભાગની મોટી આગાહી

Cyclone Arnab : બંગાળની ખાડીમાં રચાયેલું લો-પ્રેશર સતત વધુ શક્તિશાળી બની રહ્યું છે અને તે વાવાઝોડામાં ફેરવાઈ શકે છે. ભારતીય હવામાન વિભાગ (IMD)એ શનિવારે જણાવ્યું હતું કે, 27 ઓક્ટોબર સુધીમાં તે એક ગંભીર વાવાઝોડાનું સ્વરૂપ લઈ શકે છે. જેને કામચલાઉ રીતે અર્નબ નામ આપવામાં આવ્યું છે. આ વાવાઝોડાના કારણે ઓડિશા, પશ્ચિમ બંગાળ, આંધ્રપ્રદેશ, તમિલનાડુ, છત્તીસગઢ અને કેરળ સહિતના અનેક રાજ્યોમાં ભારે વરસાદની શક્યતા છે.

અંબાલાલ પટેલે કહ્યું એટલે ફાઈનલ! આ જિલ્લાઓમાં પડશે કમોસમી વરસાદ

આ સિસ્ટમ ક્યારે વાવાઝોડામાં ફેરવાશે?

IMDએ સંકેત આપ્યો છે કે આ લો-પ્રેશર વિસ્તાર પશ્ચિમ-ઉત્તરપશ્ચિમ દિશામાં આગળ વધશે અને 26 ઓક્ટોબરની સવાર સુધીમાં પૂર્વ-મધ્ય અને તેને અડીને આવેલા પશ્ચિમ-મધ્ય બંગાળની ખાડીમાં વાવાઝોડામાં પરિવર્તિત થઈ જશે. IMD મુજબ, ત્યારબાદ 27 ઓક્ટોબરની સવાર સુધીમાં તે પશ્ચિમ-મધ્ય બંગાળની ખાડીમાં વાવાઝોડામાં ફેરવાઈ શકે છે. વધુમાં, તે પશ્ચિમ-ઉત્તરપશ્ચિમ દિશામાં આગળ વધવાનું ચાલુ રાખશે અને અતિ ગંભીર વાવાઝોડાનું સ્વરૂપ ધારણ કરી શકે છે.

બંગાળના આ જિલ્લાઓમાં ભારે વરસાદની શક્યતા

હવામાન વિભાગના જણાવ્યા અનુસાર, 28થી 30 ઓક્ટોબર દરમિયાન પશ્ચિમ બંગાળના દક્ષિણ 24 પરગણા, પૂર્વ મેદિનીપુર, બાંકુરા અને ઝારગ્રામ જિલ્લાઓમાં ભારે વરસાદની આગાહી છે. આ ઉપરાંત, કોલકાતામાં પણ ભારે વરસાદ પડી શકે છે.

VIDEO | Puducherry: Heavy rain lashes city and surrounding areas. (Full video available on PTI Videos - https://t.co/d8jp61yd2p) https://t.co/Xzz5wkAJ9Q

— Press Trust of India (@PTI_News) October 25, 2026

વાવાઝોડું ક્યારે તટ પર ટકરાશે?

IMDના અનુમાન મુજબ, આ વાવાઝોડું 28 ઓક્ટોબરની સવાર સુધીમાં આંધ્રપ્રદેશના કિનારા નજીક, પશ્ચિમ-મધ્ય બંગાળની ખાડીમાં પહોંચી જશે. એવી પ્રબળ શક્યતા છે કે 28 ઓક્ટોબરની સવારે તે અતિ ગંભીર વાવાઝોડા તરીકે આંધ્રપ્રદેશના કિનારે બાપટલા અને વિશાખાપટ્ટનમની વચ્ચે તેમજ યાનમના કિનારે ત્રાટકશે.

The Well-Marked Low-Pressure System Is Intensifying…🚨 Depression Forms Over the Bay of Bengal! 🌀 ⚠️ Andhra Pradesh coast on alert, with Visakhapatnam and Bapatla mentioned as possible landfall areas. The cyclone forecast remains unconfirmed. #BayOfBengal #Visakhapatnam #Bapatla #AndhraPradesh #CycloneAlert

— Pulse of the People (@CitizenPulseX) October 24, 2026

પવનની ગતિ 140 કિમી/કલાક સુધી પહોંચી શકે છે

હવામાન વિભાગના જણાવ્યા અનુસાર, આ સમયગાળા દરમિયાન પવનની સતત ગતિ 115થી 125 કિમી/કલાકની વચ્ચે રહી શકે છે, જ્યારે પવનના ઝાપટાં 140 કિમી/કલાક સુધી પહોંચી શકે છે. હાલમાં, બંગાળની ખાડીમાં પવનની ગતિ આશરે 60 કિમી/કલાક છે.

26 ઓક્ટોબરે પવનની ગતિ 70થી 80 કિમી/કલાક સુધી પહોંચી શકે છે, અને જેમ જેમ આ સિસ્ટમ કિનારાની નજીક આવશે, તેમ તે 100 કિમી/કલાક સુધી પહોંચી શકે છે. હવામાન વિભાગના જણાવ્યા અનુસાર, અંદમાન અને નિકોબાર ટાપુઓમાં 25 ઓક્ટોબરથી જ વરસાદ શરૂ થઈ શકે છે. ઓડિશામાં 26 ઓક્ટોબરથી વરસાદ શરૂ થઈ શકે છે. વરસાદની સાથે તેજ પવનની આગાહીના પગલે લોકોને ઘરમાં જ રહેવાની સલાહ આપવામાં આવી છે.