સુપ્રીમ કોર્ટના મુખ્ય ન્યાયાધીશ સૂર્યકાંતે જણાવ્યું, રાહુલ ગાંધીને મળવાનો કેમ કર્યો ઇનકાર?

સુપ્રીમ કોર્ટના મુખ્ય ન્યાયાધીશ સૂર્યકાંતએ કહ્યુ કે મને રાહુલ ગાંધીનો પત્ર મળ્યો હતો, પરંતુ આવેદનપત્રની જગ્યાએ અરજી દાખલ કરવામાં આવે. દેશમાં કોઈપણ અરજી દાખલ કરી શકે છે. પત્રના જવાબમાં ન મળવાનું કારણ જણાવતા ચીફ જસ્ટિસે કહ્યું કે કોર્ટમાં મામલો પહેલાથી વિચારણા હેઠળ છે. અમે કાયદા પ્રમાણે સુનાવણી કરીશું. તેમણે કહ્યું કે કોર્ટના દરવાજા બધા માટે ખુલ્લા છે. પત્રની વાતો ગોપનીય રાખતા સીજેઆઈએ પત્રકારોને વાતચીત દરમિયાન આ વાત કહી. રાહુલ ગાંધીના પત્ર પર તેમણે પોતાની અસમર્થતા જાહેર કરી છે.

લોકસભામાં વિપક્ષ નેતા રાહુલ ગાંધી અને રાજ્યસભામાં વિપક્ષ નેતા મલ્લિકાર્જુન ખડગેએ મતદાર યાદીના સ્પેશિયલ ઈન્ટેન્સિવ રિવિઝન (SIR) સાથે જોડાયેલા મુદ્દા પર ચર્ચા માટે સીજેઆઈની સાથે બેઠક કરવાની માગ કરી હતી.

આ પણ વાંચોઃ CJP ફરી કરશે આંદોલન? આશુતોષ રાંકાએ કરી જાહેરાત, કહ્યું- 'પોલીસ પાસે 24 કલાકનો સમય'

ચીફ જસ્ટિસે શું કારણ જણાવ્યું?
CJI એ જણાવ્યું કે બંધારણીય વ્યવસ્થા હેઠળ સુપ્રીમ કોર્ટ એક્ઝીક્યુટિવ (કાર્યપાલિકા) ના કામકાજમાં તેના વહીવટી પક્ષ પર દખલ ન આપી શકે. પરંતુ તે સ્પષ્ટ કરવામાં આવે છે કે નેતા ન્યાયિક પક્ષ પર કોર્ટનો દરવાજો ખખડાવવા માટે આઝાદ છે. વિપક્ષી નેતાઓને પણ તે જણાવવામાં આવ્યું કે વિપક્ષના કોઈપણ સભ્ય તરફથી દાખલ અરજી પર, SIR પ્રક્રિયા સાથે જોડાયેલા તે મામલાની સાથે સુનાવણી થઈ શકે છે, જે પહેલાથી મંગળવારે સુપ્રીમ કોર્ટમાં સુનાવણી માટે લિસ્ટેડ છે.

#WATCH | Delhi | On INDIA Bloc's protest march and their demand to meet him, Chief Justice of India (CJI) Justice Surya Kant says, "I received a letter yesterday regarding a meeting request, and I responded to it last night, outlining the reasons why I will be unable to meet..." He also says, "The Supreme Court's doors are open to everyone. Any petition from any common citizen or member of an elected body is welcome. Every Indian citizen has the right to approach the court, and we will hear their concerns and grant whatever is due under the law."

— ANI (@ANI) October 12, 2026

‘બંધારણીય અધિકારોનું ઉલ્લંઘન થાય તો અદાલતોએ હસ્તક્ષેપ કરવો જોઈએ’
CJI સૂર્યકાંતએ NHRC સ્થાપના દિવસ કાર્યક્રમને સંબોધિત કરતા કહ્યું 'જ્યારે બંધારણીય અધિકારોનું ઉલ્લંઘન થાય છે, તો અદાલતોએ હસ્તક્ષેપ કરવો જોઈએ. માનવાધિકાર પંચની ફરિયાદની તપાસ કરવી જોઈએ. વ્યવસ્થાગત ખામીની ઓળખ કરવી જોઈએ અને તે ખાતરી કરવી જોઈએ કે જે મુદ્દા પર ધ્યાન ન આપવામાં આવે તેના પર સંસ્થાગત સ્તર પર ધ્યાન આપવામાં આવે.'

ભાજપે સાધ્યું નિશાન
રાહુલ ગાંધીને સીજેઆઈએ મળવાનો ઈનકાર કરવા પર ભાજપે નિશાન સાધ્યું છે. ભાજપ નેતા ગૌરવ ભાટિયાએ લખ્યુ, ચીફ જસ્ટિસનો રાહુલ ગાંધી અને વિપક્ષી નેતાઓને મળવાનો ઇનકાર કરવાનો નિર્ણય એક મહત્વનો સંદેશ આપે છે. ન્યાયપાલિકાને દરરોજના રાજકીય નાટકથી દૂર રાખવી જરૂરી છે. બંધારણીય સંસ્થાઓ વિપક્ષની રાજકીય હતાશાનો અખાડો ન બની શકે. રાહુલ ગાંધીજી, માત્ર બંધારણને સાથે લઈ ફરવાથી તેનું જ્ઞાન આવી જતું નથી. ક્યારેક સમય કાઢી બંધારણ વાંચો. ખાસ કરી શક્તિઓના વિભાજનનો સિદ્ધાંત. બંધારણ દેખાડવાની વસ્તુ નથી, તે લોકતંત્રની ગરિમા છે.