'વિરોધ પણ કરો અને થોડી ખરીદી પણ, વેપારીઓને ફાયદો થશે': રેલી પહેલાં રાહુલ ગાંધીની લોકોને ખાસ અપીલ

દિલ્હીના રામલીલા મેદાન પર કોંગ્રેસના નેતૃત્વમાં ઈન્ડિયા ગઠબંધનની રેલી યોજાવાની છે. રેલીને લઈને પાર્ટીએ તમામ તૈયારી કરી લીધી છે. રેલીને લઈને મોડી રાત્રે રાહુલ ગાંધીએ એક વીડિયો શેર કર્યો છે, જેમાં તેમણે લોકોને ખરીદી કરવાની અપીલ કરી છે.

રાહુલ ગાંધીએ પોતાના વીડિયોમાં રેલીને લઈને વેપારીઓનો સહયોગ કરવાની વાત કહી છે. માનવામાં આવી રહ્યું છે કે આ રેલીમાં 10 લાખથી વધુ લોકો સામેલ થશે. આ રેલી મુખ્ય ચૂંટણી કમિશનર જ્ઞાનેશ કુમારના રાજીનામાની માંગ અને એસઆઈઆરમાં ગડબડીને લઈને છે.

થોડી ખરીદી પણ કરો

રાહુલ ગાંધીએ વીડિયો શેર કરતા લખ્યું, નમસ્કાર- રવિવારે લાખો લોકો રામલીલા માર્ચ માટે દિલ્હી આવી રહ્યાં છે. તહેવારોની સિઝન છે. દિવાળી, છઠ અને ભાઈબીજનો સમય છે. હું ઈચ્છું છું કે લાખો લોકો બહારથી દિલ્હી આવી રહ્યાં છે, તે અહીંના વેપારીઓની મદદ કરે. પ્રોટેસ્ટ, માર્ચ, રેલી કરો, સાથે થોડી ખરીદી પણ કરો- વેપારીઓનો ફાયદો થશે.

नमस्कार, कल लाखों लोग रामलीला मार्च के लिए दिल्ली आ रहे हैं। त्यौहारों का मौसम है। दिवाली, छठ, भाईदूज का समय है। मैं चाहता हूं जो लाखों लोग बाहर से दिल्ली आ रहे हैं, वो यहां के व्यापारियों की मदद करें। प्रोटेस्ट, मार्च, रैली कीजिए, साथ में थोड़ी सी खरीदारी भी कीजिए - व्यापारियों का फायदा हो जाएगा। मैं जानता हूं व्यापारियों को रैली नुकसान नहीं पहुंचाएगी। BJP डरी हुई है इसलिए अफवाह फैला रही है। मगर, दोनों काम करते हैं। कल मार्च होगा, रैली होगी और लाखों लोग हमारे व्यापारियों की छोटी-छोटी दुकानों में से सामान खरीदेंगे। आप सबको बहुत-बहुत प्यार। शुभ दिवाली। जय हिंद। Tomorrow, lakhs of people are coming to Delhi for the Ramlila March. It is the festive season. Diwali, Chhath and Bhai Dooj are here. I want the lakhs of people coming to Delhi from different parts of the country to support the local traders here. Tomorrow, along with protesting, marching and attending the rally, do a little shopping too. It will help our local traders. I know that our rally will not hurt the traders. The BJP is spreading rumours because it is scared. But let’s do both. Tomorrow, there will be a march, there will be a rally, and lakhs of people will also buy things from the small shops of our local traders. Much love to all of you. Happy Diwali. Jai Hind.

— Rahul Gandhi (@RahulGandhi) October 31, 2026

ભાજપ ડરેલું છે

રાહુલે આગળ કહ્યુ- હું જાણું છું કે વેપારીઓને રેલી નુકસાન પહોંચાડશે નહીં. ભાજપ ડરેલું છે, તેથી અફવા ફેલાવી રહ્યું છે. પરંતુ બંને કામ કરે છે. કાલે માર્ચ થશે, રેલી થશે અને લાખો લોકો અમારા વેપારીઓની નાની-નાની દુકાનોમાંથી સામાન ખરીદશે.

આ પણ વાંચોઃ INDIA બ્લોકની મહારેલી સામે દિલ્હી પોલીસ પણ સજ્જ, 4000 થી વધુ પોલીસકર્મીઓ અને 200 CCTV

મોક પાર્લિયામેન્ટનું પણ થયું આયોજન

મહત્વનું છે કે શનિવારે સાંજે કોંગ્રેસ અધ્યક્ષ મલ્લિકાર્જુન ખડગેના નિવાસ પર મોક પાર્લિયામેન્ટનું આયોજન થયું અને એક જન મહાભિયોગ લાવવામાં આવ્યો. જેમાં મુખ્ય ચૂંટણી કમિશનર જ્ઞાનેશ કુમારને હટાવવાનો આદેશ પસાર કરવામાં આવ્યો.

મહત્વનું છે કે માર્ચ બપોરે 12 કલાકે મિન્ટો રોડ-કનોટ પ્લેસ ચોકથી શરૂ થશે અને રામલીલા મેદાન પહોંચશે. ત્યારબાદ રામલીલા મેદાનમાં ઈન્ડિયા ગઠબંધનના નેતા રેલીને સંબોધિત કરશે. વિપક્ષી નેતાઓ કોંગ્રેસ અધ્યક્ષ મલ્લિકાર્જુન ખડગેના આવાસથી બસોમાં સવાર થઈ માર્ચના શરૂઆતી સ્થળ સુધી પહોંચે તેવી સંભાવના છે.