Shamonda Virus: વિશ્વ સ્વાસ્થ્ય સંગઠન એ માણસમાં શમોંડા વાયરસની પુષ્ટિ કરી, ફ્રાંસના વ્યક્તિનું વાયરસના કારણે મોત

Shamonda Virus: શમોંડા વાયરસ એ વિશ્વ સ્વાસ્થ્ય સંગઠનની ચિંતા વધારી છે. અગાઉ આ વાયરસ ફક્ત પ્રાણીઓમાં જોવા મળતો હતો. પરંતુ ફ્રાંસના પહેલા કેસ સાથે આ વાયરસની માણસમાં ફેલાયાની પુષ્ટિ થઈ છે. વિશ્વ સ્વાસ્થ્ય સંગઠને પણ આ કેસની પુષ્ટિ કરી છે. ફ્રાંસના સ્વાસ્થ્ય મંત્રાલય અનુસાર 60 વર્ષીય શમોંડા વાયરસ સંક્રમિત વ્યક્તિનું સારવાર દરમિયાન મોત પણ થયું છે.

શું કહ્યું WHO એ શમોંડા વાયરસ વિશે ?

વર્લ્ડ હેલ્થ ઓર્ગેનાઈઝેશન અનુસાર સંક્રમિત વ્યક્તિ એ વિસ્તારમાંથી હતો જ્યાં પશુઓમાં શું કહ્યું ફેલાયેલો હતો. તે જગ્યાએ એવી પ્રજાતિની માખી પણ હતી જે સંક્રમણનું કારણ બની શકે છે. હાલ આ મામલે વધુ જાણકારી મેળવાઈ રહી છે.

આ પણ વાંચો: Home Remedies: દવા વિના શરદી-ઉધરસ મટાડવા છે ? આ રહ્યો સૌથી અસરકારક ઘરેલુ નુસખો

શમોંડા વાયરસ

શમોંડા વાયરસ શ્યાલેનબર્ગ વાયરસ પરિવારનો છે. આ વાયરસ પશુઓમાં પ્રજનન સંબંધિત સમસ્યાઓ ઉત્પન્ન કરે છે. શમોંડા વાયરસના કારણે પશુઓમાં ગર્ભપાત, સ્ટિલ બર્થ અને વિકૃતિવાળા બચ્ચાંના જન્મ જેવી સમસ્યાઓ થાય છે. શમોંડા વાયરસના કારણે પશુઓમાં દૂધ ઉત્પાદન અચાનક ઘટી જાય તેવા લક્ષણો જોવા મળે છે.  

શમોંડા વાયરસના કારણે 1 વ્યક્તિનું મોત

શમોંડા વાયરસ સામાન્ય રીતે ઘેટાં, બકરાં, ઘોડા સહિતના પ્રાણીઓને પ્રભાવિત કરતો હતો. હવે આ વાયરસ માણસને પણ સંક્રમિત કરી રહ્યો છે. શમોંડા વાયરસનો પહેલો કેસ ફ્રાંસમાં નોંધાયો હતો. 60 વર્ષના એક વ્યક્તિમાં શમોંડા વાયરસના લક્ષણો જણાતા તેની સારવાર શરુ કરવામાં આવી હતી. જે વ્યક્તિનું સારવાર દરમિયાન મોત થયું હતું. આ વ્યક્તિ શમોંડા વાયરસથી સંક્રમિત હોવાની પુષ્ટિ થઈ છે.

આ પણ વાંચો: Liver Health: લીવરમાં જમા ફેટ ઓગાળી બહાર કાઢી નાખે તેવા 4 દેશી પીણાં, લીવર થઈ જશે ડિટોક્સ

શમોંડા વાયરસના માણસમાં દેખાતા લક્ષણો

શમોંડા વાયરસ સંક્રમિત વ્યક્તિમાં દેખાતા લક્ષણોની વાત કરીએ તો અત્યાર સુધીમાં ફ્રાંસમાં 1 જ કેસ આ વાયરસનો નોંધાયો છે. એટલે આ વાયરસના લક્ષણો કેવા હોય તેની વિસ્તૃત જાણકારી હજુ સુધી સામે આવી નથી. આ વાયરસ પ્રાણીઓથી માણસ સુધી માખી કે અન્ય જીવાતના કારણે પહોંચી શકે તેવું અનુમાન છે. હજુ સુધી એ વાતની પુષ્ટિ થઈ નથી કે આ વાયરસનો ચેપ એક વ્યક્તિથી બીજા વ્યક્તિને લાગે છે.

(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)