અત્યંત શક્તિશાળી અને ખતરનાક છે ચાંપી તોફાન, આંખ પણ દેખાય છે એકદમ સ્પષ્ટ, જાણો કઈ દિશામાં આગળ વધી રહ્યું છે?

ગુજરાતમાં 24 કલાક છૂટાછવાયા વરસાદ પડવાની હવામાનની આગાહી છે. મોન્સૂન ટ્રફ, વેસ્ટર્ન ડિસ્ટર્બન્સ અને સાયકલોનિકના કારણે વરસાદ પડી શકે છે. દક્ષિણ ગુજરાત અને સૌરાષ્ટ્રમાં વરસાદની સંભાવના વ્યક્ત કરાઈ છે. ત્યારે પશ્ચિમી પ્રશાંત મહાસાગરમાં પણ સુપર ટાઈફૂન ચાંપીના શક્તિશાળી થયા હોવાના સમાચાર છે. આ ટાઈફૂનની પવનની ઝડપ 160 માઈલ પ્રતિ કલાક એટલે કે 257 કિમી પ્રતિ કલાક સુધી પહોંચી છે.

"પેરીસ ટૂંક સમયમાં મુસ્લિમ શહેર બની જશે": ફ્રાન્સની હિંસા પર ડોનાલ્ડ ટ્રમ્પનું નિવેદન, સરહદો સીલ કરવાની સલાહ

સુપર ટાઈફૂન વિશે કેટલીક મહત્વની વાતો

• પશ્ચિમી પ્રશાંત મહાસાગરમાં ઉદભવેલા આ ચાંપી ટાઈફૂનનો આકાર ખુબ મોટો  હોવાનું કહેવાય છે અને તેના વાદળો સમુદ્રના એક મોટા  ભાગને કવર કરી રહ્યા છે. 
• હાલ તે ખુલ્લા સમુદ્રમાં છે અને આવામાં તેની આગળની મૂવમેન્ટ પર ચાંપતી નજર રાખવામાં આવી રહી છે. 
• તોફાનની દિશામાં ફેરફાર થાય તો આસપાસના ટાપુઓ પર અસર પડી શકે છે. 
• આ તોફાન ફિલિપાઈન્સ અને ગુઆમ વચ્ચેના ફિલિપીન સાગરમાં આગળ વધી રહ્યું છે. 
• ચાંપી ટાઈફૂનની વચ્ચે એક આંખ સ્પષ્ટ જોવા મળી રહી છે અને ચારેબાજુ ગરજતા વાદળોનો એક મોટો ઘેરો તૈયાર થયેલો છે. 
• ચાંપી હાલ 5મી કેટેગરીમાં પહોંચ્યું છે જે તોફાનની સૌથી ઊંચી કેટેગરી છે. આ કેટેગરીમાં 157 માઈલ પ્રતિ કલાક કે તેથી વધુની ઝડપે પવન ફૂંકાય છે. 

• ચાંપીની પવનની ઝડપથી તો આના  કરતા પણ વધુ ગણાવી છે. 

• તેની પવનની ઝડપ 160 માઈલ પ્રતિ કલાક એટલે કે લગભગ 257 કિમી પ્રતિ કલાક સુધી પહોંચી છે. 
• જો કે તોફાનની કેટેગરીથી ફક્ત પવનની તાકાત જાણવા મળે છે. તેનાથી વરસાદ, પૂર, અને સમુદ્રમાં ઉઠતી લહેરો અને તેનાથી થતા નુકસાનનો અંદાજો પૂરેપૂરો લગાવી શકાય તેમ નથી. 
• આ ઝડપને જોતા સમુદ્રમાં ઊંચી લહેરો પણ ઊઠી શકે છે. 
• જો આવું શક્તિશાળી  તોફાન કોઈ ગીચ વસ્તીવાળા વિસ્તાર સાથે અથડાય તો ઝાડ ઉખડી શકે, વીજળીના થાંભલા ઉખડી શકે અને નબળી ઈમારતોને પણ નુકસાન પહોંચી શકે છે.

Saudi Arabia: સાઉદી અરબમાં હુથીઓના હુમલા વધ્યા, ભારતીય દૂતાવાસે ભારતીય નાગરિકોને ઘરની બહાર ન નીકળવા કહ્યું

ટાઈફૂનની આંખ ખુબ ચિંતા ઉપજાવે  તેવી

• ચાંપીની જે તસવીરો સામે આવી છે તેમાં વચ્ચેનો ભાગ ચોખ્ખો જોવા મળી રહ્યો છે. આ ભાગને તોફાનની આંખ પણ કહે છે. 
• આ એક એવો ભાગ છે જે આસપાસના વાદળોથી અલગ પડે છે અને તેની ચારેબાજુ વાદળોની એક દીવાલ જેવું આવરણ હોય છે. જ્યાં ભારે પવન ફૂંકાઈ શકે છે અને ખુબ વરસાદ પડી શકે છે. 
• તોફાનની વચ્ચેવચ આંખ ચોખ્ખી દેખાય એ તોફાનના મજબૂત હોવાનો સંકેત આપે છે. પરંતુ ફક્ત આંખ જોઈને તેના પાવરનો અંદાજો લગાવી શકાય નહીં. આ માટે પવનની ઝડપ, હવાનું દબાણ અને સેટેલાઈટ તસવીરોથી મળેલી જાણકારી પણ જોવામાં આવે છે.

તોફાનની લેટેસ્ટ સ્થિતિ

હાલ આ ચાંપી ફિલિપાઈન્સ અને ગુઆમ વચ્ચે ફિલિપીન સાગરમાં છે. તેના વાદળો એક મોટા ભાગમાં ફેલાયેલા છે. વાદળોની આ પટ્ટીઓ તોફાનના કેન્દ્રથી દૂર સુધી ફેલાઈ શકે છે. તેનાથી તોફાનનો દાયરો ખુબ મોટો લાગે છે.

આવનારા સમયમાં તેની દિશા અને હવાની ઝડપ પણ બદલાઈ શકે છે. આથી આસપાસના ટાપુઓ પર તેની કેવી અસર પડશે તે તો હવામાન વિભાગની આગામી જાણકારીઓ સૂચવી શકશે. હાલ ચાંપી પશ્ચિમી પ્રશાંત મહાસાગરમાં એક ખુબ જ શક્તિશાળી તોફાન છે.