ચરોતરના 'પેરિસ' ગણાતા ધર્મજમાં માનવતા મહેકી: એકલા રહેતા વડીલો માટે આશીર્વાદરૂપ બની ગરમાગરમ ટિફિન સેવા

બુરહાન પઠાણ/આણંદ: NRI ગામ ધર્મજ... જ્યાં વિદેશમાં વસતા સંતાનો પોતાના માતા-પિતાને આર્થિક રીતે સધ્ધર બનાવે છે,તેમજ કેટલાક એનઆરઆઈઓ જીવનનાં અંતિમ પ઼ડાવમાં વર્ષમાં છ માસ વતનમાં ગુજારતા હોય છે પરંતુ ઉંમરના આ પડાવે વડીલોને રોજિંદા ભોજનની મુશ્કેલીનો સામનો કરવો પડે છે... ત્યારે વડીલોની આ મુશ્કેલી દૂર કરવા વારાહી માતા ટ્રસ્ટના બિપીનભાઈ પટેલે શરૂ કરી છે નિઃશુલ્ક ટિફિન સેવા... મહાશિવરાત્રિના પવિત્ર દિવસે શરૂ થયેલી આ સેવા આજે સેંકડો વડીલો માટે આશીર્વાદ સમાન બની છે... દરરોજ સવારે અને સાંજે વડીલોને ઘર બેઠાં પૌષ્ટિક અને ઘર જેવું ભોજન પહોંચાડવામાં આવે છે..

Gujarat News Live: CM ભૂપેન્દ્ર પટેલ સહિત BJPના અનેક નેતાઓ એરપોર્ટ પહોંચ્યા, આસમમાં બસ-ટ્રકની ટક્કરમાં 24નાં મોત

સવારે 7:30 વાગ્યાથી રસોડામાં રસોઈ બનાવવાની કામગીરી શરૂ થઈ જાય છે...

આ સેવા માત્ર ટિફિન પહોંચાડવા પૂરતી સીમિત નથી... પરંતુ તેની પાછળ એક વ્યવસ્થિત સિસ્ટમ કાર્યરત છે... સવારે 7:30 વાગ્યાથી રસોડામાં રસોઈ બનાવવાની કામગીરી શરૂ થઈ જાય છે... ટિફિનની સંખ્યા પ્રમાણે અનાજ, શાકભાજી, તેલ અને મસાલાનું માપ નક્કી થાય છે... 15થી 20 લોકોની ટીમ દરરોજ વડીલો માટે ભોજન તૈયાર કરે છે... સવારે દાળ, ભાત, શાક અને રોટલી પીરસવામાં આવે છે... જ્યારે અઠવાડિયામાં બે દિવસ મોહનથાળ અને લાડુ જેવા મિષ્ટાનની પણ વ્યવસ્થા છે... સાંજના ભોજનમાં મગની દાળ, રોટલા, ઢેબરા, ઓળો અને પાટુડાનો લોટ આપવામાં આવે છે..

આ સેવા મેળવવા માટે કોઈ ફી લેવામાં આવતી નથી

સવારે 140 અને સાંજે 120 જેટલા ટિફિનનું વિતરણ કરવામાં આવે છે... સવારે 10:30 વાગ્યાથી શરૂ થતી ટિફિન સેવામાં બપોરે 12 વાગ્યા સુધીમાં ઘરેઘરે ભોજન પહોંચાડી દેવાય છે... જ્યારે સાંજે 5:30થી 7 વાગ્યા સુધી ટિફિન વિતરણ કરવામાં આવે છે...ખાસ વાત એ છે કે આ સેવા મેળવવા માટે કોઈ ફી લેવામાં આવતી નથી... વડીલોએ દરરોજ ફોન કરવાની પણ જરૂર નથી... સ્કૂલની હાજરીની જેમ ટ્રસ્ટ દ્વારા હાજરી પત્રક તૈયાર કરવામાં આવ્યું છે... જેમાં એક, બે, ત્રણ કે દસ ટિફિનની નોંધણી પ્રમાણે ભોજન તૈયાર કરવામાં આવે છે..

અમદાવાદના શીલજ સર્કલ પર હિટ એન્ડ રનમાં મોટો ખુલાસો; ધારાસભ્યનો ભત્રીજો ઝડપાયો, અકસ્માતમાં 35 વર્ષીય યુવકનું કરૂણ મોત

આ માટે ધરોહર ફાઉન્ડેશન સાથે જોડાણ કરવામાં આવ્યું...

આ ટિફિન સેવામાં માનવતાનો વધુ એક અનોખો અભિગમ જોવા મળે છે. ગામમાં કોઈનું મૃત્યુ થાય તો મૃતકના પરિવારને પણ ટ્રસ્ટ દ્વારા ઘર બેઠાં ભોજન પહોંચાડવામાં આવે છે. આ માટે ધરોહર ફાઉન્ડેશન સાથે જોડાણ કરવામાં આવ્યું છે. મુક્તિ રથની નોંધણી થતાં જ ધરોહર ફાઉન્ડેશન ટ્રસ્ટને જાણ કરે છે અને ત્યારબાદ પરિવારની જરૂરિયાત મુજબ ભોજન પહોંચાડવામાં આવે છે. એટલું જ નહીં, લગ્ન કે અન્ય પ્રસંગોમાં પણ પરિવારને ભોજનની જરૂરિયાત હોય તો ટ્રસ્ટ મદદરૂપ બને છે.

આ સેવા શરૂ કરવા પાછળ પણ એક રસપ્રદ કહાની..

ધર્મજના 900 વર્ષ જૂના વારાહી માતા મંદિરના રિનોવેશન બાદ 15 ફેબ્રુઆરી 2026થી દેવી ભાગવત કથાનું આયોજન કરવામાં આવ્યું હતું... આ દરમિયાન વડીલો માટે ટિફિન સેવા શરૂ કરવાનો સંકલ્પ કરવામાં આવ્યો હતો... સેવાના પ્રારંભ પહેલાં ગામમાં ઘરે ઘરે સર્વે કરવામાં આવ્યો હતો... શરૂઆતના દિવસથી જ 120 જેટલા લોકો સુધી ટિફિન પહોંચાડવામાં આવતું હતું... અત્યાર સુધીમાં અંદાજે 50 હજાર લોકોને ભોજન પીરસવામાં આવ્યું હોવાનો ટ્રસ્ટનો દાવો છે... આ સેવા ચલાવવા માટે ટ્રસ્ટે ઇનામી ડ્રોનું આયોજન કર્યું હતું, જેમાંથી 14 લાખ રૂપિયાની રકમ એકત્રિત થઈ હતી... હાલ આ જ ભંડોળમાંથી રસોડાની કામગીરી ચલાવવામાં આવી રહી છે... ગ્રામજનો પણ સ્વૈચ્છિક દાન આપી સેવામાં સહભાગી બની શકે છે.

‘હમ સાથ સાથ હૈ’ના સંદેશ સાથે PM મોદીને બતાવાશે ગુજરાતનું નવું પિક્ચર; આજે સાંજે અમદાવાદ આગમન, મંત્રીઓના 'ક્લાસ' લેશે

દીવાલ બનાવવા પાછળ 10 લાખ રૂપિયાનો ખર્ચ કરવામાં આવ્યો...

હાલમાં લેઉવા પાટીદાર નરવાદાર સમાજ ટ્રસ્ટ દ્વારા વિનામૂલ્યે આપવામાં આવેલી જગ્યામાં રસોડું કાર્યરત છે. જોકે હવે ટ્રસ્ટ દ્વારા મંદિર નજીક નવું રસોડું તૈયાર કરવામાં આવી રહ્યું છે. ગ્રામ પંચાયત દ્વારા 25 વર્ષના ભાડાપટ્ટે પ્લોટ આપવામાં આવ્યો છે. જ્યાં દીવાલ બનાવવા પાછળ 10 લાખ રૂપિયાનો ખર્ચ કરવામાં આવ્યો છે. 15 ડિસેમ્બર બાદ નવી જગ્યાએ રસોડું શરૂ કરવાની તૈયારી છે. આમ, ધર્મજમાં વડીલોની સુખાકારી માટે શરૂ થયેલી આ પહેલ હવે એક વ્યવસ્થિત સેવાકીય અભિયાનનું સ્વરૂપ લઈ રહી છે.

સેવા માટે માત્ર પૈસા નહીં, પરંતુ સંવેદના અને સમર્પણ પણ જરૂરી

વિદેશમાં વસતા સંતાનો માટે પોતાના વડીલોની ચિંતા સ્વાભાવિક છે. પરંતુ ધર્મજમાં વારાહી માતા ટ્રસ્ટની આ પહેલ સાબિત કરે છે કે સેવા માટે માત્ર પૈસા નહીં, પરંતુ સંવેદના અને સમર્પણ પણ જરૂરી છે. વડીલોને બે ટંકનું ગરમાગરમ ભોજન અને પરિવાર જેવી લાગણી આપતી આ સેવા ખરેખર સમાજ માટે પ્રેરણારૂપ બની છે.

કુંવરજી બાવળિયા ઘરે બેસે! પુરષોત્તમ સોલંકીનો દીકરો બનશે ધારાસભ્ય અને મંત્રી, કોળી સમાજમાં વિવાદો શરૂ