રાજકોટમાં દિવાળી પર્વ પર પોલીસ કમિશનરનું જાહેરનામું: ફટાકડા ફોડવાના સમયથી લઈને વેચાણ સુધીના નિયમો જાહેર

Rajkot News: દિવાળીનો તહેવાર નજીક આવી રહ્યો છે ત્યારે તંત્ર દ્વારા એક મહત્વપૂર્ણ નિર્ણય લેવામાં આવ્યો છે. આગામી દિવાળીના તહેવારને ધ્યાનમાં રાખીને રાજકોટ શહેર પોલીસ કમિશનર દ્વારા ફટાકડાના વેચાણ અને ફોડવા અંગેનું એક કડક જાહેરનામું બહાર પાડવામાં આવ્યું છે. આ નિયમોનું ઉલ્લંઘન કરનારાઓ સામે કાયદેસરની કાર્યવાહી કરવામાં આવશે.

પોલીસ કમિશનરનું ફટાકડા ફોડવાનો સમય નક્કી કરવામાં આવ્યો
રાજકોટ શહેરમાં અવાજ અને વાયુ પ્રદૂષણને નિયંત્રિત કરવા માટે સુપ્રીમ કોર્ટની ગાઈડલાઈન મુજબ ફટાકડા ફોડવાનો સમય નક્કી કરવામાં આવ્યો છે. જેમાં દિવાળીના દિવસે રાત્રિના 8:00 થી 10:00 વાગ્યા સુધી જ ફટાકડા ફોડી શકાશે. જ્યારે બેસતું વર્ષના દિવસે રાત્રે 11:55 થી 12:30 વાગ્યા સુધી ફટાકડા ફોડવાની છૂટ રહેશે.

બંગાળની ખાડીમાં જાગ્યો ભયાનક 'કુંભકરણ'! 11 રાજ્યોમાં મચી શકે છે ભારે તબાહી, જાણો ગુજરાતને કેટલી થશે અસર, રેડ એલર્ટ જાહેર

પોલીસ કમિશનરના જાહેરનામા મુજબ નીચે મુજબના નિયમોનું પાલન કરવું ફરજિયાત
પોલીસ કમિશનરના આ જાહેરનામા મુજબ નીચે મુજબના નિયમોનું પાલન કરવું ફરજિયાત છે. હોસ્પિટલ, શૈક્ષણિક સંસ્થાઓ અને કોર્ટ જેવા સાયલેન્ટ ઝોનથી 100 મીટરના વિસ્તારની અંદર ફટાકડા ફોડવા પર પ્રતિબંધ રહેશે. આ વિસ્તારોથી 100 મીટર દૂર જ ફટાકડા ફોડી શકાશે.

દેશી ફટાકડાના વેચાણ પર કડક પ્રતિબંધ ફરમાવ્યો..
વધુ પ્રદૂષણ ફેલાવતા ફટાકડા, ભારે ઘોંઘાટવાળા ફટાકડા પર સંપૂર્ણ પ્રતિબંધ મૂકવામાં આવ્યો છે. આ સિવાય બજારમાં વેચાતા ચાઈનીઝ તુક્કલ અને અન્ય તમામ વિદેશી ફટાકડાના વેચાણ પર કડક પ્રતિબંધ ફરમાવવામાં આવ્યો છે.

ગુજરાત પોલીસ આવાસ મરામત માટે નવી SOP જાહેર: ભ્રષ્ટાચાર રોકવા પોલીસ વડા જ્ઞાનેન્દ્રસિંહ મલિકનો મોટો નિર્ણય

ફટાકડાના વેચાણ અંગેની શું છે માર્ગદર્શિકા? નિયમ તોડ્યો તો થશે પોલીસની કાર્યવાહી
રાજકોટ શહેરમાં આ જાહેરનામું 29 ઓક્ટોબરથી 25 નવેમ્બર સુધી અમલમાં રહેશે. સુપ્રીમ કોર્ટની ગાઈડલાઈન મુજબ માત્ર અધિકૃત અને લાયસન્સ ધરાવતા વેપારીઓ જ નિયત કરેલી જગ્યાએ ફટાકડાનું વેચાણ કરી શકશે. ડીસીપી જગદીશ બાંગરવા દ્વારા આપવામાં આવેલી માહિતી મુજબ, જો કોઈ લાયસન્સ વગર ફટાકડાના સ્ટોલ ચલાવતું ઝડપાશે, તો તેની સામે કાયદેસરનો ગુનો નોંધીને તમામ માલસામાન જપ્ત કરવાની કડક કાર્યવાહી કરવામાં આવશે.

સમાચારના સાર:

Gujarat News Live: વડોદરા ગેસ લિમિટેડે CNG-PNG ગેસના ભાવમાં કર્યો વધારો, તાલાલા પંથકમાં ભૂકંપના 5 આંચકા, ગોતા ખાતે આગની ઘટના

• રાજકોટ દિવાળીને પોલીસ કમિશનરનું જાહેરનામું
• દિવાળીમાં રાત્રિના 8થી10 અને નૂતનવર્ષના રાત્રે 11: 55થી 12:30 સુધી જ ફોડી શકાશે ફટાકડા
• સાયલેન્ટ ઝોનથી 100મીટર દૂર ફટાકડા ફોડવાના રહેશે
• વધુ એમિશન વાળા ફટાકડાના વેચાણ પર પ્રતિબંધ 
• ચાઈનીઝ તુક્કલ અને વિદેશી ફટાકડાના વેચાણ પર પ્રતિબંધ
• રાજકોટ પોલીસ કમિશનરનું ફટાકડા અંગે કડક જાહેરનામું
• આગામી દિવાળીના તહેવારને ધ્યાને રાખીને રાજકોટ શહેર પોલીસ કમિશનર દ્વારા ફટાકડાના વેચાણને લઈને કડક જાહેરનામું બહાર પાડવામાં આવ્યું..
• રાજકોટ શહેરમાં 29 ઓક્ટોબરથી 25 નવેમ્બર સુધી આ જાહેરનામું અમલી રહેશે.
• સુપ્રીમ કોર્ટની ગાઈડલાઈન મુજબ માત્ર અધિકૃત લાયસન્સ ધારકો જ ફટાકડાનું વેચાણ કરી શકશે.
• લાયસન્સ વગરના સ્ટોલ સંચાલકો સામે ગુનો નોંધી માલ જપ્ત કરવાની કાર્યવાહી કરવામાં આવશ
• ભારે ઘોંઘાટવાળા અને સિરીઝ વાળા ફટાકડા પર સંપૂર્ણ પ્રતિબંધ મુકાયો.
• પોલીસે ગેરકાયદેસર ફટાકડાના વેચાણ સામે કડક પગલાં લેવાની તૈયારી કરી...
• સમગ્ર મામલે ડીસીપી જગદીશ બાંગરવાએ આપી માહિતી..