અમદાવાદના થલતેજના મેગ્નેટ કોર્પોરેટ પાર્કમાં ભીષણ આગ! જીવ બચાવવા લોકોએ બીજા માળેથી લગાવી છલાંગ, જુઓ Video

Magnet Corporate Park Fire: અમદાવાદના થલતેજ વિસ્તારમાં આવેલી મેગ્નેટ કોર્પોરેટ પાર્ક બિલ્ડિંગમાં અચાનક આગ લાગવાની ઘટના સામે આવી છે. આગ લાગતા બિલ્ડિંગમાં અફરાતફરીનો માહોલ સર્જાયો હતો. આગના કારણે કેટલાક લોકો બિલ્ડિંગની અંદર ફસાયા હોવાની માહિતી મળી છે.

રાજકોટ: હાઈપ્રોફાઈલ દારૂ પાર્ટી કેસમાં પોલીસની મોટી કાર્યવાહી, કેટરિંગ કામગીરી સાથે સંકળાયેલા 15થી વધુ કર્મચારીઓની અટકાયત

ફાયરની ટીમ તાત્કાલિક ઘટનાસ્થળે દોડી આવી હતી

જો કે આ ઘટનામાં લોકોએ જીવ બચાવવા માટે જોખમ ઉઠાવી બીજા માળેથી નીચે છલાંગ લગાવી હતી. ઘટનાને પગલે આસપાસના વિસ્તારમાં પણ લોકોનાં ટોળાં એકઠાં થઈ ગયાં હતાં. આગની જાણ થતાં જ ફાયરની ટીમ તાત્કાલિક ઘટનાસ્થળે દોડી આવી હતી. ફાયર વિભાગની ટીમે આગ પર કાબૂ મેળવવા સાથે બિલ્ડિંગમાં ફસાયેલા લોકોને સુરક્ષિત બહાર કાઢવા માટે રેસ્ક્યૂ ઓપરેશન હાથ ધર્યું છે. હાલ સમગ્ર ઘટનાને પગલે વિસ્તારમાં ચકચાર મચી ગઈ છે.

આસપાસના લોકોમાં ભયનો માહોલ જોવા મળ્યો

ઘટનાને પગલે બિલ્ડિંગની આસપાસ લોકોનાં ટોળાં એકઠાં થઈ ગયાં હતાં. ફાયર બ્રિગેડના જવાનો દ્વારા બિલ્ડિંગમાં ફસાયેલા લોકોને સુરક્ષિત બહાર કાઢવા માટે પ્રયાસો કરવામાં આવ્યા. આગ લાગવાનું ચોક્કસ કારણ હજુ સ્પષ્ટ થયું નથી. આ ઘટનાને પગલે કોર્પોરેટ પાર્કમાં કામ કરતા કર્મચારીઓ અને આસપાસના લોકોમાં ભયનો માહોલ જોવા મળ્યો હતો. હવે ફાયર વિભાગની કામગીરી બાદ જ આગથી થયેલા નુકસાન અને અન્ય વિગતો સામે આવશે.

ફ્રી ફાયર ગેમ નહીં પરંતુ આ કારણસર થયો હતો ઝઘડો? સુરત ડબલ મર્ડર કેસમાં પોલીસે કર્યો ચોંકાવનારો ખુલાસો