અમદાવાદમાં નવરાત્રી દરમિયાન વાસી કે દૂષિત ખોરાક વેચ્યો તો ખેર નથી! AMCની ફ્લાઈંગ સ્ક્વોર્ડ લેશે કડક પગલાં

Ahmedabad Navratri 2026: અમદાવાદ મ્યુનિસિપલ કોર્પોરેશન ના ફૂડ સેફ્ટી વિભાગે નવરાત્રી દરમિયાન ખેલૈયાઓને શુદ્ધ અને સ્વચ્છ ખોરાક મળે તે માટે 'સુરક્ષિત ખોરાક - સ્વસ્થ નવરાત્રી' ના સંદેશ સાથે મહત્વની એડવાઈઝરી બહાર પાડી છે. ગરબા આયોજકો માટે હવે FSSAI લાયસન્સ ધરાવતા વેન્ડરોને જ સ્ટોલ ફાળવવાનું ફરજિયાત કરવામાં આવ્યું છે અને સ્ટોલ પર લાયસન્સ નંબર દર્શાવવો પડશે. AMCની ફ્લાઈંગ સ્ક્વોર્ડ અચાનક મુલાકાત લઈને તપાસ કરશે અને નિયમોના ઉલ્લંઘન બદલ 'ફૂડ સેફ્ટી એક્ટ' હેઠળ કડક કાર્યવાહી કરવામાં આવશે.

દેશના 15 રાજ્યોમાં ભારે વરસાદ-આંધીનું એલર્ટ: ગુજરાતમાં નવરાત્રીમાં વરસાદ અને વાવાઝોડાને લઈને અંબાલાલની મોટી આગાહી

FSSAI લાયસન્સ ફરજિયાત
AMC એ સ્પષ્ટ કર્યું છે કે ફૂડ સ્ટોલ આપતા પહેલાં આયોજકોએ વેન્ડર પાસે માન્ય FSSAI લાયસન્સ કે રજિસ્ટ્રેશન છે કે નહીં તેની ચકાસણી કરવી પડશે અને લાયસન્સ નંબર સ્ટોલ પર બોર્ડ પર દર્શાવવો પડશે. સ્વચ્છતા અને ગુણવત્તાના નિયમો:રસોઈમાં ગુણવત્તાયુક્ત તેલનો જ ઉપયોગ કરવો અને એકનું એક તેલ વારંવાર વાપરવું નહીં. ખાદ્યપદાર્થોમાં પ્રતિબંધિત કૃત્રિમ રંગોનો ઉપયોગ કરવો નહીં તથા વાસી કે દૂષિત ખોરાક ન વેચવો.  

AMC ની ફ્લાઈંગ સ્ક્વોર્ડ ચકાસણી કરશે
ખાવાનું બનાવનાર અને પીરસનારે કેપ, ગ્લોવ્ઝ અને સ્વચ્છ કપડાં પહેરવાના રહેશે અને સીધો હાથથી સ્પર્શ ટાળવો. પીવા અને રસોઈ માટે માત્ર શુદ્ધ પાણીનો ઉપયોગ કરવો તથા ભીના-સૂકા કચરા માટે ઢાંકણવાળી કચરાપેટી રાખવી. AMC ની ફ્લાઈંગ સ્ક્વોર્ડ ચકાસણી કરશે.

રાજકારણની મરણપથારીએ પડેલા બાપુમાં ફરી જીવંત થવાનો સળવળાટ, કોંગ્રેસ ખામ થિયરી સળગાવશે?

આયોજકોને માત્ર લાયસન્સ ધરાવતા વેન્ડરોને જ સ્ટોલ ફાળવવા વિનંતી
નવરાત્રી દરમિયાન AMC ની ફૂડ સેફ્ટી ટીમો ગરબા સ્થળોની અચાનક મુલાકાત લઈને ખોરાકની ગુણવત્તા અને સ્વચ્છતાની તપાસ કરશે. જો કોઈ નિયમભંગ જણાશે કે સેમ્પલ ફેલ થશે તો તેમની સામે 'ફૂડ સેફ્ટી એક્ટ' હેઠળ કડક કાયદાકીય કાર્યવાહી કરવામાં આવશે.  AMC એ "સુરક્ષિત ખોરાક - સ્વસ્થ નવરાત્રી" ના સંદેશ સાથે તમામ આયોજકોને માત્ર લાયસન્સ ધરાવતા વેન્ડરોને જ સ્ટોલ ફાળવવા વિનંતી કરી છે.