અમદાવાદના ગોતા અને ચાંદખેડા વચ્ચે વિસ્તારો વહેંચાયા; તમે કયા વિસ્તારમાં રહો છો? જાણો હવે તમારે કયું પોલીસ સ્ટેશન લાગશે?

Ahmedabad News: ગુજરાત સરકારના ગૃહ વિભાગ દ્વારા અમદાવાદ પોલીસ કમિશનરેટમાં પોલીસ સ્ટેશનના વિસ્તારોમાં ફેરફાર કરવામાં આવ્યો છે. જેના અનુસંધાને ગુજરાત સરકારના ગૃહ વિભાગે 29 ઓક્ટોબર 2026ના રોજ જાહેરનામું બહાર પાડ્યું છે. આ જાહેરનામા અનુસાર, અમદાવાદ શહેર પોલીસ કમિશનરેટ અંતર્ગત આવતા વિવિધ પોલીસ સ્ટેશનોની હદ, જૂના પોલીસ સ્ટેશનના નામ અને ડિવિઝનમાં મોટા ફેરફારો કરવામાં આવ્યા છે.શહેરમાં કાયદો અને વ્યવસ્થા વધુ મજબૂત બને તે હેતુથી ગુજરાત સરકારના ગૃહ વિભાગ દ્વારા આ ફેરફારો અમલમાં મૂકવામાં આવ્યા છે. 

આ નવા જાહેરનામાની મહત્વપૂર્ણ વિગતોની વાત કરીએ તો...

હવે દુબઈને ટક્કર મારશે આપણું અમદાવાદ! સિંધુ ભવન રોડ પર 570 કરોડના ખર્ચે બનશે 55 માળનો ઊંચો 'સિટી સ્ક્વેર'

1. સોલા પોલીસ સ્ટેશન (ગોતા ચોકી વિસ્તાર)

સોલા પોલીસ સ્ટેશન અંતર્ગત આવતી ગોતા પોલીસ ચોકીના સ્થાનિક વિસ્તારોમાં ફેરફાર કરવામાં આવ્યો છે, જેમાં નીચે મુજબના વિસ્તારોનો સમાવેશ કરાયો છે...

• વૈષ્ણોદેવી સર્કલથી જગુઆર શોરૂમ સુધીનો એસ.જી. હાઇવે (બંને સર્વિસ રોડ અને આખો પશ્ચિમ વિસ્તાર).
• વૈષ્ણોદેવી સર્કલથી એસ.પી. રિંગ રોડ થઈને (સર્વિસ રોડ સહિત) કદમ વિલા બંગલોઝ સુધીનો વિસ્તાર.
• ન્યૂ સાયન્સ સિટી રોડ, ઓગણજ ગામ, ગોતા ગામના તમામ સર્વે નંબર અને વંદેમાતરમ વિસ્તાર.

2. ચાંદખેડા પોલીસ સ્ટેશન (ગોદરેજ ગાર્ડન પોલીસ ચોકી)

ચાંદખેડા પોલીસ સ્ટેશન હદ હેઠળની ગોદરેજ ગાર્ડન પોલીસ ચોકીના વિસ્તારોમાં પણ ફેરફાર કરીને નવી સીમાઓ નક્કી કરવામાં આવી છે..

• ડમરૂ સર્કલથી ગણેશ પાર્ક થ્રી-રોડ્સ, ચાંદખેડા રેલવે સ્ટેશન, ધરતીનગર, અંડરબ્રિજથી આઈ.ઓ.સી. કોટ અને ગ્રીન પાર્ક.
• બેલ્વેડેરે થ્રી-રોડ્સથી ગોદરેજ ઓફિસ, ગોદરેજ ફોર-રોડ્સથી ન્યૂ રણછોડનગર ફોર-રોડ્સ સુધીનો વિસ્તાર.
• ત્રાગડ ફાટકથી એસ.જી. હાઇવે પરના જગુઆર શોરૂમ સુધીનો ઉત્તર તરફનો વિસ્તાર, અને જગુઆર શોરૂમથી એસ.જી. હાઇવે ઝાયડસ કટ (પૂર્વ તરફના સર્વિસ રોડ સિવાયનો વિસ્તાર).
• ઝાયડસ કટથી નિરમા યુનિવર્સિટીના ભાગ થઈને લલિતા ગોવિંદ ઉદ્યાન ગાર્ડન, સાધીમાતા મંદિર, ત્રાગડ ફાટક, ત્રાગડ ગામ, આનંદ સ્ક્વેર, ઉમા ભવાની સોસાયટી અને ધરતીનગર થઈને ડમરૂ સર્કલ સુધીનો રસ્તો અને દક્ષિણ તરફનો વિસ્તાર.

ગુજરાતની ધરતીથી PM મોદીએ કરોડો ખેડૂતોના ખાતામાં પૈસા કર્યા ટ્રાન્સફર, આ રીતે કરો ચેક, જો ન આવ્યા હોય તો શું કરવું? જાણો

૩. સાબરમતી ઈસ્ટ પોલીસ સ્ટેશનનું નામ બદલાયું

'પી' ડિવિઝન હેઠળ આવતા સાબરમતી ઈસ્ટ પોલીસ સ્ટેશનના નામમાં ફેરફાર કરવામાં આવ્યો છે. હવે સત્તાવાર રીતે આ પોલીસ સ્ટેશનનું નામ "Sabarmati Riverfront East" વાંચવામાં આવશે.

4. નરોડા પોલીસ સ્ટેશનના ડિવિઝનમાં ફેરફાર

નરોડા પોલીસ સ્ટેશન માટે વહીવટી સરળતા ખાતર ડિવિઝનમાં ફેરફાર કરાયો છે. હવે ડિવિઝનના ખાનામાં 'F' અક્ષરની જગ્યાએ 'G' અક્ષર અમલમાં મૂકવામાં આવ્યો છે.

5. આર્થિક ગુના શાખા (E.O.W.) અને ક્રાઈમ બ્રાન્ચ (D.C.B.)નો વિશેષ સમાવેશ

અમદાવાદ શહેર પોલીસ કમિશનરેટના સમગ્ર વિસ્તાર માટે બે મહત્વની વિશિષ્ટ શાખાઓને સત્તાવાર રીતે ઉમેરાયો છે, જેનું ક્ષેત્ર સમગ્ર અમદાવાદ શહેર પોલીસ કમિશનરેટ રહેશે:

• આર્થિક ગુના નિવારણ શાખા (Economic Offences Wing - E.O.W.)
• ડિટેક્શન ઓફ ક્રાઇમ બ્રાન્ચ (Detection of Crime Branch - D.C.B.)

Gujarat News Live: આજે બનાસકાંઠા એ 'વટ પાડી દીધો' બોલતા 'મોદી મોદી'ના લાગ્યા નારા, પીએમ મોદીએ કહ્યું; 'હું આખી જિંદગી ગુજરાતનો ઋણી રહીશ'

નોંધનીય છે કે, અમદાવાદમાં શહેરોમાં પોલીસ સ્ટેશનની હદોમાં ફેરફાર કરવામાં આવતા શહેરમાં ગુનાખોરી પર અંકુશ મેળવવામાં અને પોલીસ વિભાગની કામગીરી વધુ સરળ બનાવવામાં મદદરૂપ થશે.