ટાઈગર શ્રોફ કેસમાં મોટો ખુલાસો, સલમાન ખાન કનેક્શનના કારણે નહીં પરંતુ આ કારણે થયો હતો અભિનેતા પર હુમલો

ગુજ્જુ અભિનેતા જેકી શ્રોફના પુત્ર ટાઈગર શ્રોફ પણ બોલીવુડમાં જાણીતું નામ  છે. ટાઈગર શ્રોફની કાર પર હાલમાં જ હુમલો થયો હતો અને હુમલો થયો તે સમયે તે કારમાં સવાર હતો. આ કેસની તપાસ મુંબઈ ક્રાઈમ બ્રાન્ચ કરી રહી છે. તમામ એંગલથી કેસની તપાસ ચાલુ છે. આ બધા વચ્ચે મુંબઈ પોલીસે મોટો ખુલાસો કરતા કહ્યું કે કથિત રીતે વસૂલી, વર્ચસ્વ અને લોકોમાં દહેશત પેદા કરવા માટે ટાઈગર શ્રોફને ટાર્ગેટ કરાયો હતો. મુંબઈ ક્રાઈમ બ્રાંચની આ તપાસ બાદ અભિનેતા પર હુમલાનું સત્તાવાર કારણ હવે સામે આવ્યું છે.

ભારતની બોર્ડરથી અંદર આવ્યા ચીની વાહનો? સોશિયલ મીડિયામાં વાયરલ વીડિયોથી ભારે હોબાળો, સરકારે કરી સ્પષ્ટતા, જાણો

પોલીસે શું કર્યો દાવો?

• મુંબઈ પોલીસે દાવો કર્યો કે ટાઈગર પર હુમલાના આરોપીઓ લોરેન્સ બિશ્નોઈ ગેંગ સાથે જોડાયેલા છે અને પૈસાની વસૂલી, ગેંગનું વર્ચસ્વ સ્થાપવા માટે તથા લોકોમાં દહેશત પેદા કરવા માટે અભિનેતાને ટાર્ગેટ કરાયો હતો. 
• એક સંગઠિત અપરાધના સક્રિય સભ્ય તરીકે આ આરોપીઓ કામ કરતા હતા. 
• પોલીસનું એવું કહેવું છે કે આ હુમલા માટે આરોપીઓએ પહેલી વિધિવત રીતે પ્લાનિંગ કર્યું હતું અને પછી તેને અંજામ આપ્યો.

ટાઈગર શ્રોફને જ કેમ કર્યો ટાર્ગેટ

• બોલીવુડ અભિનેતા ટાઈગર શ્રોફને કેમ ટાર્ગેટ કરાયો એ મામલે પોલીસ અધિકારીઓનું કહેવું છે કે આર્થિક લાભ મેળવવા માટે અને સમાજમાં ડર ફેલાવવા માટે આ ઘટનાને અંજામ અપાયો હતો. 
• પોલીસ તપાસમાં સામે આવ્યું છે કે આરોપીઓએ આંતરરાજ્ય નેટવર્ક દ્વારા ષડયંત્ર રચ્યું. 
• અભિનેતા ટાઈગર શ્રોફ પર 18 ઓક્ટોબરની સાંજે જૂહૂ વિસ્તારમાં હુમલો થયો હતો. 
• એક ફૂટબોલ ગ્રાઉન્ડ પરિસરથી ટાઈગરની કાર બહાર નીકળી રહી હતી અને ત્યારે બાઈક પર આવેલા કેટલાક બદમાશોએ અંધાધૂંધ ફાયરિંગ કર્યું હતું. જેમાં અભિનેતાનો આબાદ બચાવ થયો હતો. 
• આ હુમલામાં અભિનેતાની કારના ડ્રાઈવર અને એક ફેનને ઈજા  થઈ હતી. જેમને પછી હોસ્પિટલ ખસેડાયા હતા. 
• આ મામલે અત્યાર સુધીમાં 11 લોકોની ધરપકડ કરાઈ છે. 
• તપાસમાં એવું પણ સામે આવ્યું છે કે 11 આરોપીઓમાંથી 8 આરોપીઓ સીધી રીતે મુખ્ય આરોપી અનિલ પંડિત સાથે સંપર્કમાં હતા. 
• આ હુમલાની જવાબદારી અનિલ પંડિતે લીધી હતી. જે હાલ ફરાર છે. એવો દાવો કરાયો છે કે તે અત્યારે વિદેશમાં છે.

ઘરની બાલ્કનીમાંથી ગુટખા થૂંકવા પહોંચેલા વૃદ્ધનું થઈ ગયું મોત, સમગ્ર મામલો જાણી ઉડી જશે તમારા હોશ

હુમલામાં મહિલાઓની શું ભૂમિકા

• ચોંકાવનારી વાત એ છે કે આ કેસમાં 2 મહિલાઓની પણ ધરપકડ થઈ છે. 
• તપાસ મુજબ આ મહિલાઓ પર મુંબઈ સુધી હથિયાર પહોંચાડવાનો આરોપ છે. 
• હવે મુંબઈ ક્રાઈમ બ્રાન્ચ પકડાયેલી આ મહિલાઓ બબીતા અને રાધાની ભૂમિકા પણ ચકાસી રહી છે. 
• પોલીસને શક છે કે આ બંને મહિલાઓએ મુંબઈના બાંદ્રા બેન્ડસ્ટેન્ડ વિસ્તારમાં રેકી કરી હતી. 
• આ એ જ જગ્યા છે જ્યાં બોલીવુડના અનેક સિતારાઓ જેમ કે સલમાન ખાન, શાહરૂખ ખાન વગેરે રહે છે. 
• આવામાં આ મહિલાઓનો હેતુ શું હતો એ પણ પોલીસ તપાસ કરી રહી છે. 
• પોલીસનું કહેવું છે કે મહિલાઓની ગતિવિધિઓ અંગે જાણકારી  તેમના મોબાઈલ ફોનની તપાસ અને ટેક્નિકલ પુરાવાઓ દ્વારા મળી છે.