Tanushree Dutta: અભિનેત્રી તનુશ્રી દત્તા થઈ ટ્રોલ, નાના પાટેકરના નિધન પર બોલ્યા હતા એલફેલ શબ્દો

Tanushree Dutta: બોલીવુડના દિગ્ગજ અભિનેતા નાના પાટેકરના મોતનો મામલો સતત ચર્ચામાં છે. નાના પાટેકરના મોડી રાત્રે અંતિમ સંસ્કાર પણ કરી દેવામાં આવ્યા છે પરંતુ ત્યાર પછી ગોવામાં પોલીસે અપાકૃતિક મોતનો મામલો નોંધ્યો છે. તો બીજી તરફ નાના પાટેકરના મૃત્યુ મામલે અભિનેત્રી તનુશ્રી દત્તા ટ્રોલ થવા લાગી છે. આવું એટલા માટે થયું છે કે તનુશ્રીએ નાના પાટેકરના નિધન પછી ન બોલવા જોઈએ તેવા શબ્દો સોશિયલ મીડિયા પર બોલ્યા હતા.

75 વર્ષીય નાના પાટેકરે ગોવામાં 8 ઓક્ટોબરે અંતિમ શ્વાસ લીધા. નાના પાટેકરનું અચાનક નિધન બોલીવુડ માટે પણ મોટો ઝટકો છે. નાના પાટેકરના મોતના સમાચાર કન્ફર્મ થઈ ગયા પછી બોલીવુડના દરેક કલાકારે તેમની યાદમાં તેમને શ્રદ્ધાંજલિ પાઠવી હતી જ્યારે તનુશ્રી દત્તાએ નાના પાટેકર માટે ન બોલવા જોઈએ તેવા શબ્દો કહ્યા હતા.

આ પણ વાંચો: Nana Patekar Web Series: નાના પાટેકરની છેલ્લી વેબ સીરીઝ છે સંકલ્પ, નાનાની દમદાર એક્ટિંગ પર થઈ જશો ફીદા

નાના પાટેકરના મોતની ખબર સામે આવ્યા પછી તનુશ્રી દત્તાએ સોશિયલ મીડિયા પર એક પોસ્ટ શેર કરીને એવું કહ્યું હતું કે તે એ કાર્યક્રમ માટે લખનઉ જઈ રહી છે ત્યારે તેને ખબર પડી કે નાના પાટેકર નું નિધન થયું છે. પહેલા દિવસે તનુશ્રી દત્તાએ નાના પાટેકર માટે ઈવિલ ડેડ શબ્દનો ઉપયોગ કર્યો હતો. જેના પર તે ખૂબ જ ટ્રોલ થઈ હતી.

તનુશ્રી દત્તા આટલાથી અટકી નહીં અને બીજા દિવસે પણ તેને પોતાના ઇન્સ્ટાગ્રામ પર સ્ટોરીમાં શેર કર્યું હતું કે તેની સ્ટોરી અને ટાઈમ લાઈન પર પ્રતિક્રિયાઓ આવી રહી છે. તેણે નાના પાટેકરનું નામ લખ્યા વિના એવું લખ્યું કે, બુરાઈ ખતમ થઈ ગઈ અને હવે તેને આશા છે કે તેનું જીવન સારી રીતે આગળ વધશે. તેણે નાના પાટેકરનું નામ લખ્યા વિના એવું પણ લખ્યું જે શું એક ખરાબ વ્યક્તિનું મોત થઈ જાય તો તેના ખરાબ વર્તનની અસર પણ ખતમ થઈ જાય ? આ પોસ્ટમાં નાના પાટેકરના મોતનો ઉલ્લેખ નથી પરંતુ યુઝર્સ તનુશ્રી દત્તા અને નાના પાટેકર વચ્ચે થયેલા મીટૂ કેસને જોડીને આ પોસ્ટને જોઈ રહ્યા છે.

આ પણ વાંચો: ફુટબોલ પર આધારિત આ સીરીઝ તમે જોઈ કે નહીં ? IMDb પર રેટિંગ છે 8.2, એમી એવોર્ડમાં પણ મળ્યું છે નોમિનેશન

તનુશ્રી દત્તાને આ પોસ્ટને લઈને તેને ટ્રોલ પણ કરવામાં આવી રહી છે. લોકો સોશિયલ મીડિયા પર તેની પોસ્ટ પર કોમેન્ટ કરીને કહી રહ્યા છે કે એક વ્યક્તિનું નિધન થઈ ગયું છે અને હવે તે પોતાનો પક્ષ રાખવા માટે જીવિત નથી તેવા સમયે તે વ્યક્તિ માટે અસંવેદનશીલ શબ્દો બોલવા યોગ્ય નથી. આ રીતે અભિનેત્રીના નિવેદન પછી સોશિયલ મીડિયા પર અલગ જ વિવાદ શરૂ થઈ ગયો છે.

તનુશ્રી દત્તા અને નાના પાટેકરનો વિવાદ

જણાવી દઈએ કે અભિનેત્રી તનુશ્રી દત્તા નાના પાટેકરના નિધન પછી પણ તેના વિશે એલફેલ શબ્દો એટલા માટે બોલી રહી છે કે વર્ષ 2018માં નાના પાટેકર અને તનુશ્રી દત્તાનો એક મોટો વિવાદ સામે આવ્યો હતો. 2018માં મીટુ આંદોલન ચાલી રહ્યું હતું તે સમયે તનુશ્રી દત્તાએ એવો ધડાકો કર્યો હતો કે 2009માં જ્યારે હોર્ન ઓકે પ્લીઝ ફિલ્મનું શૂટિંગ થઈ રહ્યું હતું ત્યારે નાના પાટેકરે તેની સાથે ખરાબ વ્યવહાર કર્યો હતો. અભિનેત્રીએ કહ્યું હતું કે શૂટિંગ દરમિયાન તેને નાના પાટેકર તરફથી ખરાબ અનુભવ થયો હતો. આ મામલે નાના પાટેકર વિરુદ્ધ અભિનેત્રીએ ફરિયાદ પણ નોંધાવી હતી પરંતુ 2019 સુધીમાં કોઈ પૂરતા પુરાવા ન મળવાના કારણે કેસને બંધ કરી દેવામાં આવ્યો.

(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)