OTT Release: જેલર 2 થી રાણાબલી ફિલ્મની ઓટીટી રિલીઝ ડેટ કંફર્મ, ચેક કરી લો ક્યાં અને ક્યારે જોઈ શકશો ફિલ્મ

OTT Release: દિવાળી પછીના વીકેન્ડમાં ઓટીટી પર દમદાર ફિલ્મો રિલીઝ થવાની છે. જેમાં સૌથી ખાસ છે જેલર 2 અને રાણાબલી ફિલ્મ. આ બંને ફિલ્મો થોડા સમય પહેલા જ સિનેમાઘરોમાં રિલીઝ થઈ હતી. હવે આ ફિલ્મો ઓટીટી પર રિલીઝ થવાની છે. આ ફિલ્મોની ઓટીટી રિલીઝ ડેટ કંફર્મ થઈ ગઈ છે. આ બે ફિલ્મો ઉપરાંત ઓટીટી પર નવું શું આવી રહ્યું છે ચાલો જાણીએ.

આ પણ વાંચો: Ramayana Review: દમદાર છે રામાયણ ફિલ્મ, રૂંવાડા ઊભા કરી દેશે જટાયુ-રાવણ યુદ્ધ સીન લોકોએ આપ્યું રિએકશન

જેલર 2

રજનીકાંતની ફિલ્મ જેલર 2 બોક્સ ઓફિસ પર કમાણીના રેકોર્ડ સર્જી ચુકી છે. જેલર 2 ફિલ્મ એ બોક્સ ઓફિસ પર 800 કરોડથી વધારેની કમાણી કરી છે. આ ફિલ્મ હવે ઓટીટી પર રિલીઝ થવા જઈ રહી છે. રજનીકાંતની ફિલ્મ જેલર ટુ પ્રાઈમ વીડિયો પર રિલીઝ થશે. 12 નવેમ્બરથી જેલર 2 ઓટીટી પર જોઈ શકાશે. જેલર 2 માં રજનીકાંત સાથે વિદ્યા બાલન, મિથુન ચક્રવર્તી સહિતના કલાકારો મુખ્ય ભુમિકામાં છે.

418

નેટફ્લિક્સ પર દિવાળી પછી વધુ એક ધમાકેદાર ફિલ્મ જોવા મળશે. ફિલ્મનું ટાઈટલ છે 418. નેટફ્લિક્સ પર આ ફિલ્મ 20 નવેમ્બરે રિલીઝ થશે. આ ફિલ્મ સસ્પેન્સ, થ્રિલરથી ભરપુર છે. જે લોકો સસ્પેન્સ થ્રિલરના શોખીન છે તેમના માટે આ ફિલ્મ પરફેક્ટ ચોઈસ છે.

આ પણ વાંચો: Ramayana: રામાયણ ફિલ્મ લોકોને પસંદ પડી પણ, બોક્સ ઓફિસ કલેકશનમાં આદિપુરુષ કરતાં રહી ગઈ પાછળ

હાઈકુ

એવું નથી કે ઓટીટી પર એક્શન, થ્રિલર ફિલ્મો જ જોવા મળશે. નેટફ્લિક્સ પર હાઈકુ નામની ફિલ્મ પણ રિલીઝ થવાની છે. આ ફિલ્મ રોમાંટિક ડ્રામા ફિલ્મ છે. નેટફ્લિક્સ પર આ ફિલ્મ 19 નવેમ્બરે રિલીઝ થશે. ફિલ્મમાં મુખ્ય ભુમિકામાં એગન અને શ્રીદેવી અપલ્લા છે. આ ફિલ્મના સીન સોશિયલ મીડિયા પર ખૂબ વાયરલ થઈ રહ્યા છે.

રાણાબલી

વિજય દેવરકોંડા અને રશ્મિકા મંદાનાની ફિલ્મ રાણાબલી સિનેમાઘરોમાં કમાણીની બાબતમાં વધારે કમાલ નથી બતાવી શકી પણ આ બંનેની ઓનસ્ક્રીન કેમેસ્ટ્રીના ખૂબ વખાણ થઈ રહ્યા છે. રાણાબલી ફિલ્મ રશ્મિકા અને વિજયના લગ્ન પછીની પહેલી ફિલ્મ છે. આ ફિલ્મ હવે ઓટીટી પર રિલીઝ થવાની છે. 13 નવેમ્બરથી નેટફ્લિક્સ પર રાણાબલી ફિલ્મ જોઈ શકાશે. નેટફ્લિક્સ પર રાણાબલી ફિલ્મ હિંદી ઉપરાંત તમિલ, કન્નડ અને મલયાલમ ભાષામાં જોઈ શકાશે.