વેપારીઓને મળશે મોટી રાહત, 1 જાન્યુઆરી સુધી સ્થગિત કરવામાં આવી શકે છે UPI પર ચાર્જ

UPI ટ્રાન્ઝેક્શન માટે નવા મર્ચંટ ડિસ્કાઉન્ટ રેટ ફ્રેમવર્કને લાગૂ થવાની તારીખ આગળ વધારી 1 જાન્યુઆરી 2027 કરવાની સંભાવના છે. તહેવારની સિઝન દરમિયાન વેપારીઓ અને ડિજિટલ પેમેન્ટ ઈકોસિસ્ટમને તૈયારીનો પર્યાપ્ત સમય આપવા માટે આ નિર્ણય લેવામાં આવી શકે છે.

નવા નિયમો હેઠળ નાના વેપારીઓ અને પર્ટન-ટૂ-પર્સન ટ્રાન્ઝેક્શન પર શૂન્ય એમડીઆર લાગૂ થશે. આરબીઆઈ ગવર્નર સંજય મલ્હોત્રાએ પણ સ્પષ્ટ કર્યું છે કે ખુબ સામાન્ય ચાર્જથી ડિજિટલ ટ્રાન્ઝેક્શનના વોલ્યૂમ પર તેની કોઈ મોટી અસર પડવાની આશા નથી.

હજુ અંતિમ નિર્ણય લેવામાં આવ્યો નથીઃ સૂત્ર
ફાઇનાન્શિયલ એક્સપ્રેસે સૂત્રોના હવાલાથી જણાવ્યું કે યુપીઆઈ પર એમડીઆરની તારીખ એટલા માટે વધારી શકાય છે, જેથી વેપારીઓ અને પેમેન્ટ સિસ્ટમની તૈયારી માટે વધુ સમય મળી શકે. જોકે તેના પર હજુ અંતિમ નિર્ણય લેવાયો નથી. સૂત્રોએ કહ્યું કે તેના જાહેર ફ્રેમવર્કમાં કોઈ ફેરફાર થશે નહીં. વર્તમાનમાં યુપીઆઈ લાગૂ થવાની સત્તાવાર તારીખ 15 ઓક્ટોબર 2026 છે.

આ પણ વાંચોઃ લગ્ન પહેલા કે લગ્ન બાદ? ક્યારે લેવો Term Insurance? લોકો અહીં કરે છે મોટી ભૂલ! સમજો ગણતરી

આ જાણકારી તેવા સમયે સામે આવી છે જ્યારે યુપીઆઈના ફ્રેમવર્કને લઈને સરકાર કાયદાકીય પડકારનો સામનો કરી રહી છે. 28 સપ્ટેમ્બરે સુપ્રીમ કોર્ટે કેન્દ્ર સરકારના તે નિર્ણય પર પ્રતિબંધ લગાવવાનો ઈનકાર કર્યો હતો, જેમાં વ્યક્તિ-વેપારી ટ્રાન્ઝેક્શન પર એમડીઆર લાગૂ કરવાનો નિર્ણય લેવામાં આવ્યો હતો. પરંતુ સુપ્રીમ કોર્ટે નાણા મંત્રાલય, આરબીઆઈ અને એનપીસીએને જવાબ આપવા માટે ચાર સપ્તાહનો સમય આપ્યો હતો.

વેપારીઓ એમડીઆરનો કરી રહ્યાં છે વિરોધ
હકીકતમાં 2000 રૂપિયાથી વધુના યુપીઆઈ પેમેન્ટ પર 0.4% નો એમડીઆર પ્રસ્તાવિત છે. જ્યારે 75 હજાર રૂપિયા કે તેનાથી વધુના પેમેન્ટ પર એમડીઆર 300 રૂપિયા લાગશે. પરંતુ નાના વેપારીઓ અને વ્યક્તિગત ટ્રાન્ઝેક્શન એટલે કે પર્સન-ટૂ-પર્સન પર એમડીઆર ઝીરો રહેશે. MDRની જાહેરાત બાદ વેપારી સતત તેનો વિરોધ કરી રહ્યાં છે. તેને લઈને બે ઓક્ટોબરે ઘણી જગ્યાએ વેપારીઓએ નો યુપીઆઈ ડે મનાવ્યો હતો.