પોસ્ટ ઓફિસની આ સ્કીમમાં પતિ-પત્ની મળીને કરો રોકાણ: 5 વર્ષમાં બનશો રૂ. 31 લાખથી વધુના માલિક, જાણો સંપૂર્ણ ગણતરી

છેલ્લા ઘણા સમયથી શેર બજારમાં ઉતાર-ચઢાવ જોવા મળી રહ્યો છે. તેવામાં ઘણા રોકાણકારો પોતાની બચત માટે સુરક્ષિત વિકલ્પ શોધવા લાગ્યા છે. જો તમે પણ એવો વિકલ્પ શોધી રહ્યાં છો જેમાં એફડીથી સારૂ રિટર્ન મળે તો પોસ્ટ ઓફિસની નેશનલ સેવિંગ સર્ટિફિકેટ સ્કીમ પર નજર કરી શકો છો. હકીકતમાં આ સરકાર સમર્થિત સ્મોલ સેવિંગ સ્કીમ છે, તેથી તમારા પૈસા ડૂબવાનું જોખમ રહેતું નથી.

બેંક એફડીથી વધુ છે વ્યાજ

વર્તમાનમાં NSC પર 7.7 ટકાના દરે વ્યાજ મળી રહ્યું છે. આ મોટી બેંકોની એફડી પર મળતા વ્યાજથી વધુ છે. તેથી એક વાત ધ્યાનમાં રાખો કે સરકાર દર ત્રણ મહિને આ યોજનાનો વ્યાજદર નક્કી કરે છે.

કેટલા પૈસાથી ખાતું ખોલાવી શકાય

આ યોજનામાં ઓછામાં ઓછા 1000 રૂપિયાથી ખાતું ખોલાવી શકાય છે. રોકાણની કોઈ મર્યાદા નથી, એટલે કે તમે ઈચ્છો એટલું રોકાણ કરી શકો છો. કોઈપણ ભારતીય નાગરિક આ યોજનામાં રોકાણ કરી શકે છે. ખાતું સિંગલ અને ડબલમાં ખોલાવી શકાય છે. સગીરના નામ પર માતા-પિતા પણ ખાતું ખોલાવી શકે છે. આ સિવાય તેમાં કરવામાં આવેલું રોકાણ આવકવેરા વિભાગની કલમ 80સી હેઠળ છૂટ માટે પાત્ર છે.

5 વર્ષમાં મેચ્યોર થાય છે પૈસા

NSC માં કરવામાં આવેલું રોકાણ 5 વર્ષમાં મેચ્યોર થાય છે. એફડીની જેમ તેમાં એક સાથે રકમ જમા કરવાની હોય છે. મેચ્યોરિટી પર તમને રોકાણ અને વ્યાજના પૈસા મળી જાય છે. કેટલીક ખાસ સ્થિતિમાં ખાતાને મેચ્યોરિટી પહેલા બંધ કરાવી શકાય છે.

આ પણ વાંચોઃ નોકરી કરનારા લોકો માટે કામના સમાચાર, PF ઉપાડવા માટે નહીં ભરવું પડે ક્લેમ ફોર્મ!

પતિ-પત્ની સાથે રોકાણ કરે તો કેટલા રૂપિયા મળશે

હવે ગણતરી સમજીએ. માની લો પતિ-પત્ની બંને નોકરી કરે છે અને પોત-પોતાની બચતમાંથી 11-11 લાખ કાઢી સંયુક્ત એકાઉન્ટમાં કુલ 22 લાખ જમા કરાવે છે. તો 5 વર્ષ બાદ મેચ્યોરિટી પર તેને 31,87,874 રૂપિયા મળશે. તેમાં 9,87,874 રૂપિયા વ્યાજથી કમાણી થશે.

તેવામાં જો બંને 15-15 લાખ રૂપિયા લગાવે છે, એટલે કે કુલ 30 લાખ રૂપિયા, તો 5 વર્ષ બાદ આ ફંડ વધીને આશરે 43,47,101 રૂપિયા થઈ જશે. તેમાં આશરે 13,47,101 રૂપિયા વ્યાજના હશે.

એક નજરમાં ગણતરી

પ્રથમ ઉદાહરણઃ પતિના 11 લાખ અને પત્નીના 11 લાખ, કુલ 22 લાખ રૂપિયાનું રોકાણ. 5 વર્ષ બાદ કુલ રકમ 31,87,874 રૂપિયા અને વ્યાજથી આવક આશરે 9,87,874 રૂપિયા.

બીજુ ઉદાહરણઃ પતિના 15 લાખ અને પત્નીના 15 લાખ, કુલ 30 લાખનું રોકાણ. 5 વર્ષ બાદ કુલ રકમ 43,47,101 રૂપિયા અને વ્યાજની આવક આશરે 13,47,101 રૂપિયા.

કુલ મળી કામની વાત
તમને જણાવી દઈએ કે માર્કેટના જોખમી સમયમાં NSC તે લોકો માટે વિશ્વાસપાત્ર વિકલ્પ સાબિત થઈ શકે છે, જે સુરક્ષિત રોકાણ સાથે એફડીથી સારૂ વ્યાજ ઈચ્છે છે. પતિ-પત્ની સાથે મળી રોકાણ કરે તો મોટું ફંડ બનાવવું સરળ થઈ શકે છે. પરંતુ યાદ રાખો કે તેનો વ્યાજદર દર ત્રણ મહિને નક્કી થાય છે, તેથી રોકાણ કરતાં પહેલા તમામ વિગતો જાણી લો.