ઓમાન નજીક ભારતીય ધ્વજવાળા જહાજ પર હુમલો: ગુજરાતના એક નાવિકનું મોત, 13ને સુરક્ષિત બચાવ્યા

ઓમાનના સમુદ્રી કિનારા પાસે ભારતીય ધ્વજવાળા માલવાહક જહાજ પર સોમવારે હુમલો થયો છે. આ ઘટનામાં જહાજમાં સવાર એક ભારતીય નાવિકનું મોત થયું, જ્યારે 13 અન્યને સુરક્ષિત બચાવી લેવામાં આવ્યા છે. કેન્દ્રીય બંદર, જહાજ અને જળમાર્ગ મંત્રી સર્વાનંદ સોનોવાલે મંગળવારે તેની જાણકારી આપી છે.

મંત્રી પ્રમાણે ભારતીય જહાજ એમએસવી અલ જુસુફી (MSV AL JUSUFI) ઓમાનના કિનારા પાસેથી પસાર થઈ રહ્યું હતું. આ દરમિયાન કોઈ અજાણી વસ્તુએ તેને નિશાન બનાવ્યું. જહાજ પર કુલ 14 ભારતીય નાવિક સવાર હતા. હુમલામાં ઘાયલ એક નાવિકનું મોત થયું છે. આ નાવિક ગુજરાતનો રહેવાસી હોવાનું સામે આવ્યું છે, જેનું નામ ગાંધાર નાહિમ અઝીજ છે.

13 નાવિકોને ઓમાન નૌસેનાએ બચાવ્યા

સર્વાનંદ સોનોવાલે સોશિયલ મીડિયા પ્લેટફોર્મ પર જણાવ્યું કે જહાજ પર હાજર 13 લોકોને સુરક્ષિત બચાવી લેવામાં આવ્યા છે. ઓમાનની નૌસેનાએ તેનું રેસ્ક્યુ કર્યું હતું.

તેમણે જણાવ્યું કે ઓમાન સ્થિત ભારતીય દૂતાવાસ સ્થાનિક અધિકારીઓના સંપર્કમાં છે. દૂતાવાસનો પ્રયાસ છે કે સુરક્ષિત બચાવી લેવામાં આવેલા તમામ 13 ભારતીય નાવિકોને જરૂરી સહાયતા ઉપલબ્ધ કરાવવામાં આવે.

⚠️ IMPORTANT UPDATE ⚠️ On Nov 2, the Indian MSV AL JUSUFI, carrying 14 Indian seafarers, was struck by an unidentified aerial object while navigating near the coast of Oman. While 13 crew members safely evacuated and were rescued by the Omani Coast Guard, I am deeply saddened to report that one of our seafarers, Gandhar Nahim Ajij from Gujarat, tragically succumbed to his injuries. My heartfelt condolences go out to his family and loved ones during this hour of immense grief. The Ministry and Indian Embassy in Oman are in contact with local authorities to ensure immediate assistance for the 13 survivors and facilitate the swift repatriation of both the surviving crew and mortal remains of our deceased seafarer.

— Sarbananda Sonowal (@sarbanandsonwal) November 3, 2026

મૃત નાવિકના પાર્થિવ શરીરને ભારત લાવવાની તૈયારી

મંત્રીએ જણાવ્યું કે જહાજ પર હુમલા બાદ સરકાર તરફથી રાહત અને બચાવના પ્રયાસ કરવામાં આવી રહ્યાં છે. મંત્રાલયનું લક્ષ્ય સુરક્ષિત બચેલા ચાલક દળના સભ્યોની સાથે મૃત નાવિકના પાર્થિવ શરીરને પણ જલ્દી ભારત પરત લાવવાનું છે.

આ પણ વાંચોઃ નેપાળમાં મોટી દુર્ઘટના, માઉન્ટ એવરેસ્ટ બેસ કેમ્પમાં લેન્ડિંગ વખતે 2 હેલિકોપ્ટર અથડાયા, 1નું મોત

અમેરિકા-ઈરાન તણાવ વચ્ચે ભારતીય જહાજો પર હુમલા

અમેરિકા અને ઈરાન વચ્ચે ચાલી રહેલા સંઘર્ષ દરમિયાન ભારતીય ઝંડાવાળા જહાજો પર હુમલાની ઘટનાઓમાં ઘટાડો થઈ રહ્યો છે. પરંતુ આ પહેલા મેમાં પણ એક ભારતીય માલિકીવાળું જહાજ ઓમાનના જળક્ષેત્રમાં અજાણ્યા હુમલા બાદ ડૂબી ગયું હતું. વિદેશ મંત્રાલયે આ ઘટનાની નિંદા કરી હતી.

રિપોર્ટ પ્રમાણે 28 ફેબ્રુઆરીએ અમેરિકા, ઇઝરાયલ અને ઈરાન વચ્ચે યુદ્ધ શરૂ થયા બાદ જહાજો અને તેલ ટેન્કરો પર થયેલા હુમલામાં ઓછામાં ઓછા 22 ભારતીય નાગરિકોના મોત થઈ ગયા છે.

વિદેશ મંત્રાલયના પ્રવક્તા રણધીર જાયસવાલે પાછલા મહિને એક મીડિયા બ્રીફિંગમાં કહ્યું હતું કે પશ્ચિમ એશિયામાં જારી સંઘર્ષને લઈને ભારત ખુબ ચિંતિત છે. આ સંઘર્ષમાં 22 ભારતીય નાગરિકોના મોત થયા છે, જેમાં 14 નાવિક સામેલ છે. ભારતે જહાજો પર થઈ રહેલા હુમલાનો મુદ્દો પણ ઉઠાવ્યો છે અને નાવિકોની સામૂહિક સુરક્ષાની ખાતરી કરવા પર ભાર મુક્યો છે.