LIC ના 3 જબરદસ્ત પ્લાન આવી રહ્યા છે, પેન્શન હોય કે બીમારી! મળશે માસિક આવકની સુવિધા

લાઈફ ઈન્શ્યુરન્સ કંપની (LIC) 3 નવા સારા પ્લાન રજૂ કરવાની તૈયારી કરી રહી છે. એવું કહેવાય છે કે આ પ્લાન 19 ઓક્ટોબર 2026ના રોજ લોન્ચ થઈ શકે છે. આ ત્રણેય પ્લાનની ખાસિયત એ છે કે તે નોન પાર્ટિસિપેટિંગ અને નોન લિંક્ડ છે. એટલે સરળ શબ્દોમાં કહીએ તો તેના પર શેર બજારના ઉતાર ચડાવની કોઈ અસર થાય નહીં. કંપનીએ લોકોની પેન્શન, હેલ્થ, અને કેન્સર કેર જેવી જરૂરિયાતોને ધ્યાનમાં રાખીને આ પ્લાન તૈયાર કર્યા છે. આ ત્રણેય પ્લાન વિશે વિગતવાર માહિતી ખાસ જાણો.

પ્લાન 892

• એલઆઈસીનો આ પ્લાન ન્યૂ જીવનધારા-II છે જેમાં રિટાયરમેન્ટનું કોઈ ટેન્શન થશે નહીં. આ પ્લાનની વિગતો જાણો. 
• આ એક ડેફર્ટ એન્યુટી એટલે કે સેવિંગ પ્લાન છે. જે રિટાયરમેન્ટ બાદ લાઈફટાઈમ નિયમિત આવકની તમને ગેરંટી આપે છે. 
• આ પોલીસીમાં ગેરંટેડ એન્યુટી રેટની સુવિધા છે એટલે કે આ પોલીસી લેતી વખતે પેન્શનની દર નક્કી કરી દેવાશે. 
• પોલીસીમાં પ્રીમિયમ વિશે વિકલ્પ પણ મળે છે. સિંગલ પ્રીમિયમ કે રેગ્યુલર પ્રીમિયન બંનેમાંથી કોઈ એક વિકલ્પ પસંદ કરી શકો.
• આ પ્લાનમાં ટોપ અપ ફેસિલીટી પણ છે. તેમાં એકસ્ટ્રા પ્રીમિયન આપીને તમે તમારી પેન્શન રાશિ વધારી શકો છો.

પ્લાન- 907

• એલઆઈસીનો આ હેલ્થ શીલ્ડ પ્લાન છે જે તમને ભારે ભરખમ ખર્ચાઓ સામે સુરક્ષા આપી શકે છે. 
• આ પ્લાન ફિક્સ્ડ બેનિફિટ ઈન્ડિવિઝ્યુઅલ હેલ્થ ઈન્શ્યુરન્સ છે. તે અચાનક આવનારી મેડિકલ કટોકટીમાં મદદ પૂરી પાડી શકે છે. 
• આ પોલીસીમાં તમને ડેઈલી હોસ્પિલ કેશની સુવિધા મળે છે. એટલે કે હોસ્પિટલમાં દાખલ થવા પર ડેઈલી કેશનો ફાયદો મળે છે. 
• મેજર સર્જરી કવર એટલે કે તે હેઠળ સીરિયસ બીમારી કે મોટી સર્જરી માટે લમસમ અમાઉન્ટની સુવિધા છે. 
• નો ક્લેમ બોનસ એટલે કે ક્લમવગરના વર્ષોમાં તમારો હેલ્થ ઈન્શ્યુરન્સ કવર વધારવામાં આવે છે. 
• ફેમિલી કવરેજ એટલે કે તેમાં આખા પરિવારને પણ સુરક્ષા મળે તેવી સુવિધા છે.

પ્લાન 908

• એલઆઈસીનો આ ન્યૂ કેન્સર કવર પ્લાન કેન્સર વિરુદ્ધ મજબૂત ઢાલ છે. 
• વર્તમાન સમયમં કેન્સર જેવી ગંભીર બીમારીની સારવાર એટલી મોંઘી બની ગઈ છે કે આર્થિક બોજો ખુબ વધે છે. આ માટે એલઆઈસીએ ખાસ પ્લાન બનાવ્યો છે. 
• ફિક્સ લમસમ પેમેન્ટ એટલે કે સારવારના અસલ ખર્ચની જગ્યાએ બીમારીના ડાયોગ્નોસિસ પર તરત સમ એસ્યોર્ડ આપી દેવાય છે. 
• માસિક આવક ફાયદો એટલે કે મેજર સ્ટેટ કેન્સરના ડાયગ્નોસિસ પર દર મહિને નિર્ધારિત રકમ પણ આપવામાં આવે છે. 
• પ્રીમિયમમાં છૂટ. તેમાં પ્રીમિયમ છૂટનો પણ વિકલ્પ છે. ગંભીર સ્થિતિમાં ભવિષ્યના તમામ પ્રીમિયમ માફ કરવામાં આવે તેવી પણ સુવિધા છે.

જો તમને પણ એલઆઈસીની આ પોલીસીમાંથી કોઈ પોલીસી ખરીદવાની ઈચ્છા હોય તો જલદી પૂરી થઈ શકે છે. કારણ કે 19  ઓક્ટોબર 2026થી આ પોલીસી વેચાણ માટે ઉપલબ્ધ થઈ શકે છે. આ પ્લાન તમે ઓનલાઈન એલઆઈસીની ઓફિશિયલ વેબસાઈટ દ્વારા કે ઓફલાઈન મોડમાં પણ ખરીદી શકો છો. ઓફલાઈન માટે તમે કોઈ પણ માન્યતા પ્રાપ્ત એલઆઈસી એજન્ટ, બ્રોકર કે ઈન્શ્યોરન્સ માર્કેટિંગ ફર્મ જોડે સંપર્ક કરીને ખરીદી શકો છો. તમામ માહિતી અને જાણકારી સારી રીતે લઈને આ પોલીસી ખરીદવી એવી એલઆઈસીની સલાહ હોય છે. જેમ કે પ્રીમિયમ સ્ટ્રક્ચર, ફાયદા, કઈ સ્થિતિમાં કવર મળશે નહીં, પોલીસી સંલગ્ન શરતો વગેરે.