Airtelના કરોડો ગ્રાહકો માટે સારા સમાચાર, કંપનીએ લોન્ચ કર્યા ત્રણ સસ્તા પ્લાન

Airtel Recharge Plan : Airtelના કરોડો ગ્રાહકો માટે સારા સમાચાર સામે આવ્યા છે. એરટેલે ત્રણ સસ્તા રિચાર્જ પ્લાન લોન્ચ કર્યા છે, જે યુઝર્સને અનલિમિટેડ કોલિંગ અને મફત SMS જેવા લાભો આપે છે. એરટેલે TRAIના નિર્દેશ બાદ આ પ્લાન લોન્ચ કર્યા છે.

Written ByDilip Chaudhary

Published: Oct 18, 2026, 07:40 PM IST|Updated: Oct 18, 2026, 07:51 PM IST

join share

Airtelના કરોડો ગ્રાહકો માટે સારા સમાચાર, કંપનીએ લોન્ચ કર્યા ત્રણ સસ્તા પ્લાન

Airtel Recharge Plan : ગયા મહિને TRAI દ્વારા આપવામાં આવેલા નિર્દેશ બાદ એરટેલે તેના યુઝર્સ માટે ત્રણ સસ્તા રિચાર્જ પ્લાન લોન્ચ કર્યા છે. આ ઓછા ખર્ચવાળા પ્લાન ખાસ કરીને એવા યુઝર્સ માટે તૈયાર કરવામાં આવ્યા છે, જેઓ હજુ પણ 2G સિમ કાર્ડનો ઉપયોગ કરે છે અને ડેટા ધરાવતા મોંઘા પ્લાન ખરીદવા માટે સક્ષમ નથી.

ગયા મહિને TRAIએ ટેલિકોમ કન્ઝ્યુમર્સ પ્રોટેક્શન એક્ટમાં 13મો સુધારો રજૂ કર્યો હતો, જેમાં નિયમનકારે ટેલિકોમ કંપનીઓને એવા સસ્તા પ્લાન લાવવા સૂચના આપી હતી જેમાં ડેટાનો સમાવેશ ન હોય. એરટેલ આવા બજેટ-ફ્રેન્ડલી પ્લાન લોન્ચકરનારી પ્રથમ કંપની છે.

ChatGPT અને Gemini વાપરી રહ્યા છો, તો ભૂલથી પણ ન કરો આ ત્રણ ભૂલો, નહીં તો તમારું બેંક ખાતું પળવારમાં થઈ જશે ખાલી

એરટેલે લોન્ચ કર્યા 3 પ્લાન

એરટેલના નવા સસ્તા વોઈસ-ઓન્લી રિચાર્જ પ્લાન 185 રૂપિયાથી શરૂ થાય છે. કંપનીએ આવા ત્રણ પ્લાન લોન્ચ કર્યા છે, જેની કિંમત અનુક્રમે 185 રૂપિયા, 203 રૂપિયા અને 206 રૂપિયા છે. આ તમામ પ્લાનમાં અનલિમિટેડ વોઈસ કોલિંગ અને ફ્રી SMSની સુવિધા મળે છે.

એરટેલ પાસે પહેલાથી જ બે અન્ય વોઈસ-ઓન્લી પ્લાન છે, જેની વેલિડિટી અનુક્રમે 84 દિવસ અને 365 દિવસ છે. આ પ્લાન પણ કંપનીએ ગયા વર્ષની શરૂઆતમાં, TRAIના અગાઉના નિર્દેશ બાદ લોન્ચ કર્યા હતા. આ ઉપરાંત કંપની હેલોટ્યુન્સનું કોમ્પ્લિમેન્ટરી સબસ્ક્રિપ્શન પણ આપે છે, જેને યુઝર્સ એરટેલ થેન્ક્સ એપ દ્વારા એક્ટિવેટ કરી શકે છે.

185 રૂપિયાનો પ્લાન

એરટેલનો આ સસ્તો રિચાર્જ પ્લાન 28 દિવસની વેલિડિટી સાથે આવે છે. તેમાં સમગ્ર ભારતમાં અનલિમિટેડ વોઈસ કોલિંગ અને ફ્રી નેશનલ રોમિંગ જેવા લાભો સામેલ છે. વધુમાં આ પ્લાનમાં 300 ફ્રી SMS પણ મળે છે.

203 રૂપિયાનો પ્લાન

ટેલિકોમ ઓપરેટરનો આ બજેટ-ફ્રેન્ડલી રિચાર્જ પ્લાન 30 દિવસની વેલિડિટી આપે છે. તેમાં સમગ્ર ભારતમાં અનલિમિટેડ કોલિંગ, ફ્રી નેશનલ રોમિંગ અને 300 ફ્રી SMS જેવા લાભો મળે છે.

206 રૂપિયાનો પ્લાન

એરટેલનો આ સસ્તો પ્લાન પૂરા એક મહિનાની વેલિડિટી સાથે આવે છે એટલે કે તેની વેલિડિટી કેલેન્ડર મહિના પર આધારિત છે. લાભોની વાત કરીએ તો, યુઝર્સને સમગ્ર ભારતમાં અનલિમિટેડ કોલિંગ, ફ્રી નેશનલ રોમિંગ અને 300 ફ્રી SMS મળે છે.

Add Zee News as a Preferred Source

TAGS:

Utility News

About the Author

Dilip Chaudhary

2020માં Inshorts સાથે પત્રકારત્વ ક્ષેત્રે કારકિર્દીની શરૂઆત કરી. જ્યાં બે વર્ષથી વધુ સમય સુધી ગુજરાતી કન્ટેન્ટ સ્પેશિયાલિસ્ટ તરીકે કામ કર્યું. ત્યારબાદ Sandesh Digital સાથે જોડાયા, જ્યાં ગુજરાતના લોકલ સમાચાર ઉપરાંત નેશનલ અને સ્પોર્ટ્સ સહિતની વિવિધ કેટેગરીમાં કામ કર્યું. આ દરમિયાન ગુજરાત વિધાનસભા ચૂંટણી 2022 અને IPL જેવી મહત્વપૂર્ણ ઇવેન્ટ્સ કવર કરી. ત્યારબાદ TV9 Gujarati સાથે જોડાયા, જ્યાં ગુજરાતના લોકલ સમાચાર ઉપરાંત નોલેજ, બિઝનેસ, ઓટો સહિતની વિવિધ કેટેગરીમાં કામ કર્યું. આ ઉપરાંત પ્રીમિયમ કન્ટેન્ટ માટે પણ કામ કર્યું અને રિસર્ચ-બેઝ્ડ સ્ટોરી લખવાનો અનુભવ મેળવ્યો. હાલમાં Zee 24 Kalakમાં સિનિયર સબ-એડિટર તરીકે કાર્યરત છે અને સ્પોર્ટ્સ, બિઝનેસ, ગુજરાત, જોબ્સ, ઓટો અને ટેક સહિતની વિવિધ કેટેગરીનું કન્ટેન્ટ તૈયાર કરી સરળ ભાષામાં વાચક મિત્રો સુધી પહોંચાડી રહ્યા છે.