અચાનક શું થયું? એક સાથે પરિવારના 5 લોકો મોતની ગોદમાં સમાઈ ગયા, છેલ્લે ખાધા હતા નૂડલ્સ

ગ્રેટર નોઈડાના રબૂપુરા પોલીસ મથક હદમાં એક એવો ચોંકાવનારો મામલો સામે આવ્યો છે કે જો તમે પણ નૂડલ્સ ખાવાના શોખીન હશો તો હવે દસવાર વિચાર કરશો. નગલા શ્રીગોપાલ ગામમાં એક જ પરિવારના 5 લોકોના સંદિગધ અવસ્થામાં મોત થયા છે. જેમાં પતિ, પત્ની અને તેમના 3 બાળકો સામેલ છે. પ્રથામિક તપાસમાં આ મામલો કઈક ખાધા બાદ મોત થયા હોવાનું સામે આવી રહ્યું છે.

આખો પરિવાર ખતમ
નોઈડા પોલીસના જણાવ્યાં મુજબ રબૂપુરા પોલીસને એવી માહિતી મળી કે નગલા શ્રીપદમ ગામમાં રહેતા એક જ પરિવારના પાંચ સભ્યોના શંકાસ્પદ મોત થયા છે. મૃતકોમાં 37 વર્ષનો મહેશ, 35 વર્ષની લલિતા, 11 વર્ષનો લડ્ડુ, 7 વર્ષની મિષ્ટી અને 3 વર્ષનો સાક્ષાત સામેલ છે.

નીટ પ્રોટેસ્ટ વખતે જેમણે 'કોકરોચો'ને આપ્યું હતું ભરપૂર સમર્થન, હવે તેમણે જ કરવા માંડયો વિરોધ

છેલ્લે ખાધા હતા નૂડલ્સ
આ મામલો કઈક ખાધા બાદ મોતને ભેટ્યાનો મનાઈ રહ્યો છે. એવા રિપોર્ટ્સ છે કે આ પરિવારે છેલ્લે ચા પીધી હતી અને નૂડલ્સ ખાધા હતા. ત્યારબાદ પરિવારના પાંચ લોકોના મોત શંકાસ્પદ અવસ્થામાં થયા. તમને જણાવી દઈએ કે  હજુ પણ આ પરિવારના 5 લોકોના મોતનું ચોક્કસ કારણ સામે આવ્યું નથી. પોસ્ટમોર્ટમ રિપોર્ટ બાદ જ સાચું કારણ જાણી શકાશે. હાલ પોલીસ તપાસ ચાલુ છે.

પોલીસે જણાવ્યું કે ઘટનાસ્થળનું ફોરેન્સિક ટીમે નીરિક્ષણ કર્યું છે.  વૈજ્ઞાનિક પુરાવા ભેગા  કરાઈ રહ્યા છે અને પાંચેય મૃતદેહોને પોસ્ટમોર્ટમ માટે મોકલવામાં આવી રહ્યા છે.

LK Advani: ભાજપના વરિષ્ઠ નેતા લાલકૃષ્ણ અડવાણીની તબિયત લથડી, દિલ્હી એપોલો હોસ્પિટલમાં દાખલ

શું કહે છે મૃતકની માતા
મૃતક મહેશના માતાએ પ્રાથમિક પૂછપરછમાં જણાવ્યું કે પરિવારના સભ્યોએ રાતે નૂડલ્સ ખાધા હતા. ત્યારબાદ તેમના મોત થયા. પ્રથામિક તપાસના આધારે પહેલી નજરે આ મામલો ફૂડ પોઈઝનિંગનો લાગી રહ્યો છે. પરંતુ સાચી માહિતી તો પોસ્ટમોર્ટમ રિપોર્ટથી જ સામે આવી શકશે. પોલીસનું કહેવું છે કે તપાસ રિપોર્ટના આધારે આગળની કાનૂની કાર્યવાહી કરવામાં આવશે.

નૂડલ્સ શોખીનો સાવધાન
આ મામલો સામે આવ્યા બાદ હવે નૂડલ્સના ચસકાવાળા સાવધાન થઈ જજો. એક જ પરિવારના 5 લોકોના મોત બાદ એ સવાલ ઊભો થયો છે. કારણ કે આ પરિવારે છેલ્લે નૂડલ્સ  ખાધા હતા તથા ચા પીધી હતી તો પછી મોતનું એવું તે કયું કારણ હોઈ શકે જેણે આખા પરિવારને કાળના ખપ્પરમાં હોમી દીધો.