શિવા શર્મા કેસ: નબીરાઓને ફસાવવાનો કિમિયો! મોડલ શ્રદ્ધા ટોળકી સાથે હુક્કાબાર જતી, પૈસાવાળા યુવકોને ફસાવતી અને પછી....

લખનઉના ચકચારી શિવ શર્મા હત્યા કેસમાં ધરપકડ કરાયેલી મોડલ શ્રદ્ધા દુબે, તેની બહેન રશ્મી અને નજીકના સાથીઓ મળીને પૈસાવાળા ઘરના છોકરાઓને ટાર્ગેટ કરતા હતા. રિપોર્ટ મુજબ પોલીસે જણાવ્યું કે શ્રદ્ધા, તેની બહેન અને નજીકના સાથીઓએ નબીરાઓને ફસાવવા માટે એક કિમિયો શોધી કાઢ્યો હતો. તેઓ રોજ રાતે ટોળકી સાથે વિભૂતિખંડ પાસે આવેલા કિસાન બજારના એક કેફેમાં જતા હતા.  ત્યાં હુક્કાપાણી દરમિયાન અમીર પરિવારના છોકરાઓ સાથે મિત્રતા કરીને તેમને પોતાની જાળમાં ફસાવતા હતા.

કેફેમાં થઈ શિવા સાથે પહેલી મુલાકાત

પોલીસ પૂછપરછમાં સામે આવ્યું છે કે શિવા શર્મા અને શ્રદ્ધા દુબેની પહેલી મુલાકાત પણ આ કેફેમાં થઈ હતી. ધીરે ધીરે નીકટતા વધી અને શિવા શ્રદ્ધાના પ્રભાવમાં આવી ગયો હતો. પોલીસનો દાવો છે કે શ્રદ્ધા શિવાનો ઉપયોગ કરી રહી હતી અને તેને સંપૂર્ણ રીતે પોતાના કાબૂમાં રાખતી હતી. તે તેની પાસે પોતાના પગ પણ દબાવતી હતી. એવો પણ આરોપ છે કે શ્રદ્ધાએ શિવાના અનેક આપત્તિજનક વીડિયો પણ બનાવી રાખ્યા હતા. જેના દ્વારા તેને બ્લેકમેલ કરાતો હતો.

Election Commission: SIR ને લઈ ચૂંટણી પંચની સ્પષ્ટતા, જે લોકોના નામ મતદાર યાદીમાં નથી તે ભરી શકે છે ફોર્મ 6

મોત પહેલા કર્યું હતું આ કામ

• પોલીસ પૂછપરછમાં સામે આવેલા આરોપો મુજબ ઘટનાવાળા દિવસે શિવાને માનસિક અને શારીરિક રીતે હેરાન પરેશાન કરાયો હતો. 
• તેને અપમાનિત કરવા માટે તેના કપડાં ઉતારાવ્યા અને શરીર પર લિપસ્ટિક ચોપડી. ત્યારબાદ શ્રદ્ધાએ બહેન રશ્મિ અને સાથી આમિર તથા ડ્રાઈવર તનવીર અલી ઉર્ફે દાનિશ સામે શિવાને જબરદસ્તીથી ડાન્સ કરવા માટે મજબૂર કર્યો હતો. 
• એવો પણ આરોપ છે કે અનેક કલાકો સુધી તેને અપમાનિત અને સતાવવામાં આવ્યો હતો.

વગવાળા લોકો સાથે  તસવીરો દેખાડી રૂઆબ પાડતી

• તપાસ સાથે સંકળાયેલા સૂત્રો મુજબ શ્રદ્ધા પ્રભાવશાળી લોકો સાથે પાર્ટીઓની તસવીરો દેખાડીને પોતાની વગ બતાવતી હતી.
• આ તસવીરો પેન ડ્રાઈવમાં સુરક્ષિત રખાઈ હતી. આરોપ છે કે તે મોટા અધિકારીઓ અને પ્રભાવશાળી લોકોના નામનો ઉપયોગ કરી બીજા પર રૂઆબ મારતી હતી. 
• આ  કથિત પ્રભાવનો ઉપયોગ કરીને તેણે હજરતગંજમાં એક એફઆઈઆર પણ લખાવી હતી. 
• શ્રદ્ધા અને તેના સાથીઓની ધરપકડ બાદ કિસાન બજાર સ્થિત કેફેનો સંચાલક દુકાન બંધ કરીને ભાગી ગયો છે. 
• પોલીસ તેને શોધી રહી છે. શિવાને પરેશાન કરનારો અને ઘટના બાદ નેપાળ ભાગવામાં મદદ કરવાનો આરોપી આમિર હાલ ફરાર છે.

શ્રીગંગાનગરમાં ટ્રેનને બોમ્બથી ઉડાડવાનું કાવતરૂ નાકામ, ટ્રેનો રદ, ઘટનાસ્થળે પહોંચી ATS અને સુરક્ષા એજન્સીઓ

શિવા હત્યા કેસ મામલે લેટેસ્ટ અપડેટ

• આ કેસમાં ધરપકડ કરાયેલી શ્રદ્ધા દુબે, તેની બહેન રશ્મિ દુબે અને ડ્રાઈવર તનવીર અલી ઉર્ફે દાનિશની CJM કોર્ટમાં વીડિયો કોન્ફરન્સિંગ દ્વારા પેશી થઈ. 
• કોર્ટે ત્રણેયની જ્યુડિશિયલ કસ્ટડી 13 નવેમ્બર સુધી લંબાવી છે. 
• શ્રદ્ધાએ જેલમાં પોતાના વકીલ સાથે મુલાકાત માટે અઠવાડિયામાં વધુ સમય આપવાની માંગણી કરી છે. 
• તેણે કોર્ટમાં પ્રત્યક્ષ રીતે હાજર થવાની પણ માંગણી કરી પરંતુ કારણ પૂછવામાં આવ્યું તો કશું બોલી નહીં. 
• કોર્ટે કહ્યું કે જરૂર પડશે તો તેને કોર્ટમાં હાજર કરાશે.

જુલ્ફિકાર નું પણ નામ આવ્યું સામે

• આ મામલે શ્રદ્ધા દુબેના નજીકના જુલ્ફિકાર ખાન ઉર્ફે ઝુલ્ફીની સંદિગ્ધ ભૂમિકા પણ પોલીસ તપાસી રહી છે. 
• એવું કહેવાય છે કે મુખ્ય આરોપી શ્રદ્ધા દુબેનો લિવ ઈન પાર્ટનર અને જૌનપુર રહીશ છે 
• લગભગ ત્રણ વર્ષ પહેલા હાઈ પ્રોફાઈલ ક્લબમાં થયેલી મુલાકાત બાદથી બંને સાથે રહેતા હતા. 
• પોલીસ  સાઈબર અને ક્રાઈમ બ્રાન્ચની ટીમો દ્વારા તપાસ કરી રહી છે કે શું શિવા શર્માને બ્લેકમેલિંગ નેટવર્ક હેઠળ નિશાન બનાવવામાં આવી રહ્યો હતો અને શું ઝુલ્ફીએ ઘટના બાદ નાગપુરમાં રહી શ્રદ્ધાને ભાગવામાં મદદ કરી હતી?