CEC જ્ઞાનેશ કુમાર વિરુદ્ધ 'જન મહાભિયોગ' લાવશે વિપક્ષ, મોટી રેલી પહેલા ચાલશે મોક સંસદ

દિલ્હીના રામલીલા મેદાનમાં મોટી રેલી પહેલા ઈન્ડિયા ગઠબંધને મુખ્ય ચૂંટણી કમિશનર જ્ઞાનેશ કુમાર વિરુદ્ધ જનતાનો મહાભિયોગ ચલાવવાની જાહેરાત કરી છે. 30 ઓક્ટોબરે વિપક્ષ મોક પાર્લિયામેન્ટનું આયોજન કરશે. કોંગ્રેસ મહાસચિવ કેસી વેણુગોપાલે કહ્યુ કે ઈન્ડિયા ગઠબંધનના નેતા એક સાથે આવી જનતાનો ચુકાદો સંભળાવશે અને સીઈસી જ્ઞાનેશ કુમારના રાજીનામાની માગ કરશે.

વિપક્ષનો આરોપ છે કે એસઆઈઆરની પ્રક્રિયામાં ગડબડીઓને કારણે દેશમાં મોટી સંખ્યામાં લોકોના નામ મતદાર યાદીમાંથી હટાવી દેવામાં આવ્યા છે. આ સિવાય ચૂંટણીને પ્રભાવિત કરવાનો પ્રયાસ કરવામાં આવ્યો છે. તેને લઈને કોંગ્રેસ સહિત વિપક્ષી દળ સીઈસીના રાજીનામાની માગ કરી રહ્યાં છે. 12 ઓક્ટોબરે કોંગ્રેસની આગેવાનીમાં વિપક્ષે દિલ્હી માર્ચ કરી હતી. હવે 1 નવેમ્બરે રામલીલા મેદાનમાં મોટું આયોજન કરવામાં આવી રહ્યું છે.

ક્યાં યોજાશે વિપક્ષની મોક સંસદ?

સૂત્રોનું કહેવું છે કે આ આયોજન દિલ્હીની અશોક હોટલમાં થઈ શકે છે. કોંગ્રેસના સંગઠન મહાસચિવ કેસી વેણુગોપાલે કહ્યુ કે વોટ ચોરી વિરુદ્ધ વિપક્ષી દળોનું ગઠબંધન 30 ઓક્ટોબરે એક પબ્લિક ઇમ્પીચમેન્ટ (જન મહાભિયોગ) આયોજીત કરશે, જે હેઠળ મુખ્ય ચૂંટણી કમિશનર જ્ઞાનેશ કુમારને પદથી હટાવવાની માંગને લઈને જનતાનો નિર્ણય સામે રાખવામાં આવશે.

આ પણ વાંચોઃ શંકરસિંહ વાઘેલા જ નહીં આ 5 પૂર્વ CMની પણ કોંગ્રેસમાં જોડાવાની અટકળો

વેણુગોપાલે એક્સ પર એક પોસ્ટમાં કહ્યું કે બંધારણ બચાવવા અને વોટ ચોરોને હરાવવાના પ્રયાસ હેઠળ આ કાર્યક્રમ આયોજીત કરવામાં આવશે. તેમણે કહ્યું કે 30 ઓક્ટોબરે યોજાનાર આ મહત્વપૂર્ણ જન મહાભિયોગમાં વોટ ચોર સીઈસી જ્ઞાનેશ કુમારને હટાવવાનો નિર્ણય જોરદાર રીતે સામે રાખવામાં આવશે.

શું છે 1 નવેમ્બરનો પ્લાન?

કોંગ્રેસ નેતાએ જણાવ્યું કે ત્યારબાદ 1 નવેમ્બરે વોટ ચોરી વિરુદ્ધ દિલ્હી ચલો માર્ચ કાઢવામાં આવશે, જે રામલીલા મેદાનમાં એક વિશાળ સભાની સાથે સમાપ્ત થશે. તેમણે દાવો કર્યો કે આ સભામાં ઓછામાં ઓછા 10 લાખ જાગૃત નાગરિક સામેલ થશે.

વેણુગોપાલ પ્રમાણે કોંગ્રેસ અધ્યક્ષ મલ્લિકાર્જુન ખડગેએ તમામ ઈન્ડિયા ગઠબંધનના દળોનો સંપર્ક કરી પોતાના નેતાઓ અને કાર્યકર્તાઓને આ દરમિયાન મોટી સંખ્યામાં દિલ્હીમાં હાજર રહેવાની વિનંતી કરી છે. કોંગ્રેસ અને તેમના સહયોગી દળો તાજેતરના મહિનાઓમાં ચૂંટણી પ્રક્રિયા અને મતદાતા યાદી સાથે જોડાયેલા મુદ્દાને લઈને ચૂંટણી પંચ, ખાસ કરી જ્ઞાનેશ કુમારની કાર્યશૈલી પર સવાલ ઉઠાવ્યા છે, જ્યારે પંચ આ આરોપોને નકારી રહ્યું છે.