'ભારત ન તો બાંગ્લાદેશ છે કે ન તો ફ્રાન્સ...': કિરેન રિજિજૂનું મોટું નિવેદન, કહ્યું- સત્તા પરિવર્તન માત્ર ચૂંટણીથી થશે, સોરોસથી નહીં

કેન્દ્રીય મંત્રી કિરણ રિજિજૂએ રવિવારે આરોપ લગાવ્યો કે ભારતમાં તેવું ષડયંત્ર રચવામાં આવી રહ્યું હતું, જેવું બાંગ્લાદેશ અને ફ્રાન્સમાં થયેલી હિંસા દરમિયાન જોવા મળ્યું છે. તેમણે ભારત-વિરોધી સમૂહો અને કેટલાક રાજનેતાઓ પર યુવાઓને ઉશ્કેરવા અને રસ્તા પર હિંસા ભડકાવવા માટે મિલીભગતનો આરોપ લગાવ્યો છે.

શું બોલ્યા કેન્દ્રીય મંત્રી?

કેન્દ્રીય મંત્રી કિરણ રિજિજૂએ X પર લખ્યું- બાંગ્લાદેશમાં હિંસક ઘટના અને ફ્રાન્સમાં તોફાન-લૂંટફાટ જેવું ષડયંત્ર ભારતમાં પણ રચવામાં આવ્યું હતું. એન્ટી-ઈન્ડિયા ગેંગ અને કેટલાક નેતાઓએ યુવાનોને ભડકાવ્યા, પરંતુ તે ભૂલી ગયા ભારત ન બાંગ્લાદેશ છે ન ફ્રાન્સ. સત્તા પરિવર્તન માત્ર ચૂંટણીથી થશે, સોરોસથી નહીં.

એક પોસ્ટમાં રિજિજૂએ કહ્યુ કે આ કથિત ષડયંત્ર પાછળ જે લોકો હતા, તે ભૂલી ગયા કે ભારત ન બાંગ્લાદેશ છે અને ન ફ્રાન્સ. તેમણે કહ્યું કે ભારતમાં સત્તા પરિવર્તન સંભવ તો છો, પરંતુ તે માત્ર ચૂંટણી દ્વારા થઈ શકે છે, ન કે જોર્જ સોરોસના પ્રભાવથી- જેવો તેમણે ઉલ્લેખ કર્યો.

વરિષ્ઠ વકીલ પ્રશાંત ભષણની સત્તા પરિવર્તન (regime change) વાળી ટિપ્પણીને લઈને ભાજપે પ્રહારો શરૂ કર્યું છે. મુક્ય ચૂંટણી કમિશનર જ્ઞાનેશ કુમાર વિરુદ્ધ ચાલી રહેલા વિરોધ પ્રદર્શનો વચ્ચે એક પત્રકાર પરિષદમાં ભૂષણે સત્તા પરિવર્તનની વાત કહી હતી.

પ્રશાંત ભૂષણ બોલ્યા- તેમાં ખોટું શું છે?'

AISA ની કાર્યકર્તા નેહા બોરા અને કોકરોચ જનતા પાર્ટીના સંસ્થાપક અભિજીત દીપકેની સાથે હાજર પ્રશાંત ભૂષએ કહ્યું 'સરકારનો આરોપ છે કે વિપક્ષ સત્તા પરિવર્તન ઈચ્છે છે. અમે બધા તે વાત માટે લડી રહ્યાં છીએ કે ચૂંટણી યોગ્ય રીતે થાય. પરંતુ જો આ પ્રકારની ક્રૂરતા જારી રહી, તો સત્તા પરિવર્તન જરૂર થશે. હાં, અમે બધા સત્તા પરિવર્તન ઈચ્છીએ છીએ. તેમાં ખોટું શું છે? તેમણે આગળ કહ્યું- શું ભાજપે સત્તા બદલવા માટે કોઈ આંદોલન ચલાવ્યા નથી? અને હવે તે કહી રહ્યાં છે કે સત્તા પરિવર્તન માટે કોઈ ષડયંત્ર રચવામાં આવી રહ્યું છે.'

આ પણ વાંચોઃ Gwalior Accident: શીતળા માતાના મંદિર જતા દર્શનાર્થીઓ પર ફરી વળ્યો ટ્રક, 13 લોકોના મોત

યુવાઓની ઉર્જાનો ઉપયોગ અરાજકતા ફેલવવા માટે કરી રહ્યાં છે

આ પહેલા કેન્દ્રીય રક્ષામંત્રી રાજનાથ સિંહે કોંગ્રેસ પર નિશાન સાધતા આરોપ લગાવ્યો કે તેઓ બાંગ્લાદેશની જેમ સત્તા બદલવા ઈચ્છે છે અને યુવાઓની ઉર્જાનો ઉપયોગ અરાજકતા ફેલાવવા માટે કરી રહી છે. રાજ્યસભા સાંસદ કપિલ સિબ્બલે પલટવાર કરતા કહ્યુ કે જનતા જ સત્તા બદલવા ઈચ્છે છે અને હવે આ સરકારને જવાનો સમય આવી ગયો છે.