રાહુલ ગાંધીની રેલીથી દિલ્હીના વેપારીઓમાં ફફડાટ! સોનિયા ગાંધીને લખી ચિઠ્ઠી! 12 હજાર કરોડના વેપાર પર સંકટ

ચેમ્બર ઓફ ટ્રેડ એન્ડ ઈન્ડસ્ટ્રી (CTI)એ શુક્રવારે કોંગ્રેસ નેતા સોનિયા ગાંધીને પત્ર લખીને 1 નવેમ્બરના રોજ દિલ્હીના રામલીલા મેદાનમાં આયોજિત વિશાળ રેલીને હાલ સ્થગિત કરવાની વિનંતી કરી છે. વેપારી સંગઠને એવી પણ ચેતવણી આપી કે આ રેલીના કારણે રાજધાનીના મહત્વના 20 બજારોમાં 10 હજાર કરોડથી 12 હજાર કરોડનો વેપાર પ્રભાવિત થઈ શકે છે. તેમણે કહ્યું કે આ રેલીને દિવાળી બાદ 10 કે 11 નવેમ્બર પછી યોજવામાં આવે તો સારું રહેશે. તેમના કહેવા મુજબ અગાઉ રાહુલ ગાંધીને 3 પત્ર લખીને અપીલ કરવામાં આવી હતી પરંતુ વાત સાંભળી નહીં. હવે સોનિયા ગાંધી પાસેથી અપેક્ષા છે.

રેલીનો વિરોધ નથી, 10થી 12 હજારનો વેપાર ઠપ્પ થશે- CTI

CTI ના ચેરમેન બ્રિજેશ ગોયલે કહ્યું કે, અમે રેલીનો વિરોધ નથી કરતા, અમે દિવાળીની પીક સીઝનમાં પોતાની રોજી રોટી બચાવવા માટે હાથ જોડીને વિનંતી કરી રહ્યા છીએ. 6 નવેમ્બરે ધનતેરસ છે અને 8 નવેમ્બરે દિવાળી છે. 1 નવેમ્બર તેની તૈયારીનો સૌથી પીક દિવસ છે. જો 1 નવેમ્બરના રોજ 10 લાખ લોકો અને 15થી 20 હજાર ગાડીઓ સેન્ટ્રલ દિલ્હીમાં આવશે તો 20 ઐતિહાસિક બજારોમાં રોજ થનારો 10થી 12 હજાર કરોડનો વેપાર ઠપ્પ થશે.

Explainer: MLC ચૂંટણીમાં કોણ કરે છે મતદાન, સ્નાતક, શિક્ષક...આ કેટેગરી શું છે? ચૂંટાયેલા સભ્યોને કેટલો મળે પગાર, શું હોય પાવર

4 મોટા સંકટ, અફરાતફરી જેવો માહોલ

• CTIએ પોતાના પત્રમાં લખ્યું કે રામલીલા મેદાનમાં 200 મોટી બસોનું પણ પાર્કિંગ નથી. 
• 10 લાખ લોકોને લાવવા માટે 15000 થી 20000 બસો, કારો અને ટેમ્પાની જરૂર પડશે. 
• આ ગાડીઓ  જવાહરલાલ નહેરુ માર્ગ, બહાદુરશાહ ઝફર માર્ગ, નેતાજી સુભાષ માર્ગ, અજમેરી ગેટ, ચાંદની ચોક રોડ અને મોટા બજારોની આસપાસ ઊભી રહેશે. તો પણ જગ્યા ઓછી પડશે. 
• જેનાથી સેન્ટ્રલ દિલ્હી અને જૂની દિલ્હીમાં ચક્કાજામ અને લોકડાઉન જેવી સ્થિતિ બની શકે છે.

વેપારીઓએ વધુમાં કહ્યું કે 31 ઓક્ટોબર બપોરથી જ બસો અને ગાડીઓ સિંધુ, ટિકરી, ગાઝીપુર, બદરપુર જેવી દિલ્હી બોર્ડર પર આવવાની શરૂ થઈ શકે છે અને સાંજથી જ બહાદુરશાહ ઝફર માર્ગ અને જેએલએન માર્ગ પર  બેરિકેડ લાગી શકે છે. અમારા માલ લાવનારા ટ્રાન્સપોર્ટર 31 ઓક્ટોબરથી જ ગાડીઓ મોકલવાની ના પાડે છે. આથી અમારા પર ખરાબ અસર 1 નવેમ્બરથી નહીં 31 ઓક્ટોબરથી પડવાની શરૂ થઈ જશે.

વેપારીઓમાં ડરનો માહોલ!

બેલેટ પેપરવાળી ચૂંટણીમાં આખરે કોંગ્રેસને મળી 1 સીટ, ભાજપને તેના જ ગઢમાં આપી માત

કરી બે મુખ્ય માંગણીઓ

વેપારીઓની પહેલી માંગણી એ છે કે 1 નવેમ્બરની રેલીને દિવાળી બાદ 10 કે 11 નવેમ્બરના રોજ આયોજિત કરવામાં આવે. જેથી કરીને ધનતેરસ અને દિવાળીના વેપારમાં બાધા ન પડે. 
બીજી માંગણી એ છે કે રેલી રામલીલા મેદાનની જગ્યાએ બુરાડી મેદાનમાં કરવામાં  આવે. જ્યાં 15000 ગાડીઓ માટે પૂરતી પાર્કિંગ જગ્યા છે.

અખિલેશ યાદવ અને મમતા બેનર્જીને પણ પત્ર

બીજી બાજુ ફેડરેશન ઓફ સદર બજાર ટ્રેડર્સ એસોસિએશન ખારી બાવલીની કિરાણા કમિટી દિલ્હીએ આઈએનડીઆઈએ ગઠબંધનના વરિષ્ઠ નેતાઓ અખિલેશ યાદવ અને મમતા બેનર્જીને પણ પત્ર લખીને રામલીલા મેદાનની રેલીને દિવાળી સુધી  ટાળવાની માંગણી કરી છે.