પ્રદર્શન કરવાનો હક 'વેપાર કરવાના-આજીવિકા રળવાના હક' કરતા મહત્વનો? વેપારીઓનો રાહુલ ગાંધીને વેધક સવાલ

દિવાળી ટાણે જ્યારે કમાણીના ડંકા વગાડવાના હોય ત્યારે જ વિરોધ પ્રદર્શનો થાય તો શું થાય? કોન્ફેડરેશન ઓફ ઓલ ઈન્ડિયા ટ્રેડર્સ (CAIT)એ લોકસભામાં વિપક્ષના નેતા રાહુલ ગાંધીને એક પત્ર લખ્યો છે. આ પત્ર દ્વારા સંગઠને નવી દિલ્હીમાં વિપક્ષ દ્વારા વારંવાર આયોજિત થતી રેલીઓ પ્રત્યે નારાજગી વ્યક્ત કરી. નવી દિલ્હીમાં છેલ્લા એક મહિનામાં અનેક મોટી રેલીઓનું આયોજન થયું હતું જેના કારણે થોડા સમય માટે દિલ્હીના અલગ અલગ બજારો બંધ રાખવા પડ્યા. આવામાં CAITનો દાવો છે કે આ રેલીઓના કારણે દિલ્હીમાં વેપારને ઘણી અસર થઈ છે.

રાજકીય રેલીઓ પર સવાલ

• CAITએ પોતાના પત્રમાં 1 નવેમ્બર 2026ના રોજ રામલીલા મેદાનમાં આયોજિત ઈન્ડિયા બ્લોકની રેલી પર સવાલ ઊભા કર્યા. 
• સંગઠનનું કહેવું છે કે આ રેલીના કારણે વેપારીઓ અને મજૂરોની આજીવિકા પર મોટા પાયે અસર થઈ છે. 
• તેમણે પત્ર દ્વારા રાહુલ ગાંધીને સવાલ કર્યો છે કે 'પ્રદર્શનનો હક' 'વેપાર કરવાના' અને 'આજીવિકા રળવાના હક' રતા વધુ મહત્વનો છે?

Rahul Gandhi: પંજાબના સીએમ દિવસે પણ દારુ પીને લોકસભામાં આવતા, રાહુલ ગાંધીએ કર્યો આક્ષેપ

પ્રદર્શનોથી સમસ્યા નથી પરંતુ...

• જો કે CAITએ પોતાના પત્રમાં એ પણ સ્પષ્ટતા કરી છે કે કોઈ પણ રાજકીય પક્ષના શાંતિપૂર્ણ પ્રદર્શનથી કોઈ સમસ્યા નથી, તે લોકતંત્રનો એક  ભાગ છે. પરંતુ પ્રદર્શન કે રેલીના નામે વેપારને ઠપ્પ કરી શકાય નહીં.
• પત્રમાં લખ્યું છે કે રાજકીય પક્ષોના પ્રદર્શનોના આર્થિક નુકસાન વિશે પણ વિચારવું જોઈએ. 
• સંગઠને વેપારીઓને થયેલા નુકસાન માટે રાહુલ ગાંધીને જ જવાબદાર ઠેરવ્યા છે. 

વેપારીઓને ભારે નુકસાનનો દાવો

• CAITએ કહ્યું કે છેલ્લા એક મહિનામાં દિલ્હીમાં થયેલા વિરોધ પ્રદર્શનોના કારણે દિલ્હીના વેપારીઓ ઘણું નુકસાન થયું છે. 
• તહેવારની સીઝનમાં હજારો નાના દુકાનદારો, રેકડીવાળા, ટ્રાન્સપોર્ટર, અને દૈનિક મજૂરી મેળવતા મજૂરોએ આ વિરોધ પ્રદર્શનના કારણે નુકસાનનો સામનો કરવો પડ્યો છે. 
• સૌથી વધુ એવા વેપારીઓને તકલીફ પડી જે વેપારના મામલે દેશના બીજા શહેરોમાંથી દિલ્હી પહોંચ્યા હતા અને મુશ્કેલીઓનો સામનો કરવો પડ્યો.

રાહુલ ગાંધીને પૂછ્યા વેધક સવાલો

• પત્રના માધ્યમથી સંગઠને રાહુલ ગાંધીને વેધક સવાલ કર્યા છે. વેપારીઓએ પૂછ્યું કે શું દિલ્હીના વેપારને આ રીતે રોકવો યોગ્ય છે? આ પ્રદર્શનોથી થયેલા નુકસાનની ભરપાઈ કોણ કરશે. આ સાથે જ સંગઠને રાહુલ ગાંધીના બેવડા વલણ પર નિશાન સાધ્યું. 
• CAITએ રાહુલ ગાંધીને એક જૂનું નિવેદન યાદ કરાવતા કહ્યું કે કોંગ્રેસ નેતાએ લોકોને સ્થાનિક બજારોમાંથી ખરીદી કરવાની અપીલ કરી હતી. આવામાં પૂછ્યું કે એક બાજુ બજારોમાંથી ખરીદી કરવાનું તેઓ  કહેતા હતા. તો બીજી બાજુ એવા પ્રદર્શનોનું સમર્થન કરતા હતા જેનાથી બજારો બંધ કરવા પડે. શું કોંગ્રેસ નેતા પોતાના જ નિવેદનોની વિરુદ્ધમાં નથી?

અયોધ્યા, કાશી, મથુરાના મંદિરોમાં બોમ્બ બ્લાસ્ટ કરવાની મળી ધમકી, સુરક્ષા એજન્સી હાઈ એલર્ટ પર

ધિકકાર દિવસ તરીકે ઉજવશે

• રાહુલ ગાંધીને પત્ર લખ્યા બાદ હવે CAIT તેમના જવાબની રાહ જુએ છે. વેપારીઓનું કહેવું છે કે તેઓ ચૂપ નહીં બેસે. દિવાળી બાદ તરત જ વેપારી સંગઠન એક રેલી કરશે. સંગઠનનું કહેવું છે કે આ બેઠક દિલ્હીમાં યોજાશે જેમાં દેશભરના મોટા વેપારીઓ ભાગ લેશે.
• CAITનો દાવો છે કે હવે આ મુદ્દો ફક્ત દિલ્હી માટે નથી રહ્યો. આજે  દિલ્હીમાં આવું થઈ રહ્યું છે તો કાલે બીજા અન્ય શહેરમાં થશે. પત્રમાં આ મુદ્દે સમગ્ર દેશમાં ધિક્કાર દિવસ તરીકે ઉજવવાની પણ જાહેરાત કરાઈ છે. વેપારીઓએ  કહ્યું કે આ માટે  તારીખની જાહેરાત જલદી કરવામાં આવશે.

હજારો કરોડના નુકસાનનો દાવો

1 નવેમ્બરે દિલ્હીના રામલીલા મેદાનમાં ઈન્ડિયા બ્લોકની જે રેલી થઈ તેના વિશે દાવો છે કે આ રેલીના કારણે રામલીલા મેદાન આસપાસના બજારો બંધ રખાયા હતા. જેનાથી વેપારીઓને 10,000 કરોડ રૂપિયાથી વધુનું નુકસાન થયું હતું. હાલમાં જ ચેમ્બર ઓફ ટ્રેડ એન્ડ ઈન્ડસ્ટ્રી (CTI)એ કહ્યું કે રેલીના કરાણે રામલીલા મેદાનની આસપાસ 20-25 મોટા બજારોની લગભગ અઢી લાખ જેટલી દુકાનો બંધ રહી. ભીડ અને ગાડીઓના ડરથી વેપારીઓએ દુકાનો બંધ રાખી હતી.