Gujarat News Live: રાહુલ ગાંધીના કાફલાને અકસ્માત નડ્યો, ગુજરાતમાં વહેલી ચૂંટણી અંગે ભાજપ પ્રદેશ પ્રભારી તરુણ ચુગનું મોટું નિવેદન

ગાંધીનગર શહેરમાં ઠેરઠેર પોલીસનો ચુસ્ત બંદોબસ્ત. કોંગ્રેસના પોલીસ ભવન તરફના કૂચ કાર્યક્રમને લઈ પોલીસ એલર્ટ. પોલીસ ભવન તરફ જતા માર્ગો પર ચેકિંગ અને સુરક્ષા વ્યવસ્થા સઘન. કોંગ્રેસને પોલીસ ભવન સુધી પહોંચતી અટકાવવાની તૈયારી. ગાંધીનગરમાં પોલીસ તંત્ર એલર્ટ મોડ પર, શહેરમાં રાજકીય ગરમાવો વધ્યો. જગદીશ ઠાકોર વિરુદ્ધ ફરિયાદ મામલે કોંગ્રેસનું વિરોધ પ્રદર્શન.ગાંધીનગરમાં વિરોધ દર્શાવવા આવેલા કોંગ્રેસ કાર્યકરોને રોકવામાં આવ્યા. નીરવ બક્ષી સહિતના નેતાઓની ગાડી પરત મોકલાઈ.

ઉત્તર પ્રદેશના સુલ્તાનપુરમાં પૂર્વાંચલ એક્સપ્રેસ પર કોંગ્રેસના નેતા અને લોકસભામાં નેતા વિપક્ષ રાહુલ ગાંધીના કાફલાની પાછળ દોડતી ગાડીઓ પરસ્પર અથડાઈ. રાહુલ ગાંધી તે સમયે લખનઉથી સુલ્તાનપુર જતા હતા. આ ઘટનામાં રાહુલ ગાંધીની ગાડી સુરક્ષિત રહી. 
 

ભાજપ ગુજરાત પ્રભારી તરુણ ચુગે વહેલી ચૂંટણી થવા મામલે પ્રતિક્રિયા આપી છે. વધુ કઈ ન બોલતા તેમણે કહ્યું કે ચૂંટણી તેના સમયે જ થશે. ભાજપ પ્રભારીએ વિધાનસભા ચૂંટણીમાં જીતનો વિશ્વાસ કર્યો વ્યક્ત. ચૂંટણી સમયસર જ થશે અને ત્યારે ભાજપ ચૂંટણીમાં ઉતરશે એમ જણાવ્યું. અગાઉ કરતા વધુ સીટો આ વખતે ભાજપ જીતશે એવો દાવો પણ કર્યો. 

જલાલપુર ગામમાં વગર વીજ મીટરે ગ્રાહકને આવ્યું લાઈટ બિલ. બંને ગ્રાહકોને આવ્યું 818-818 રૂપિયાનું લાઈટ બિલ આવ્યું. શૈલેષ ડોડિયા અને ગોબરભાઈ સોલંકીને આવ્યું લાઈટ બિલ. ગ્રાહકે વીડિયો બનાવીને સોશિયલ મીડિયામાં વાયરલ કર્યો. બંને વ્યક્તિઓએ નવા વીજ કનેકશનની કરી હતી અરજી. 

અમરેલી: ખાંભાના મોટા સરાકડીયા ગામે ખેડૂત પર દીપડાનો હુમલો. મોટા સરાકડીયા ગામના ખેડૂત વાડીએ સૂતા હતાને મોડી રાત્રે દિપડાનો હુમલો. ઇજાગસ્ત ખેડૂત બાલાભાઈ ભુવાને માથાના ગંભીર ઇજાઓ થતા સારવાર અર્થ ખાંભા બાદ અમરેલી ખસેડાયા. અમરેલી જિલ્લામાં સિંહ દીપડાના માનવ પર હુમલાના બનાવથી લોકોમાં ફફડાટ. ઘટનાની જાણ થતા ખાંભા વન વિભાગ સ્ટાફ ખાંભા હોસ્પિટલે પહોંચ્યો હતો. વન વિભાગ દ્વારા હુમલાખોર દીપડાને પકડવા પાંજરા મુકવામાં આવશે.

પૂર્વ નાયબ મુખ્યમંત્રી નીતિન પટેલની વોટચોરી મુદ્દે કોંગ્રેસને ખુલ્લી ચેલેન્જ. જાહેરમાં કોઈપણ નેતા સાથે ડિબેટ કરવા આપી ચેલેન્જ. તેમણે કહ્યું કે, કોંગ્રેસના નેતાઓ છેલ્લા 25 વર્ષથી આક્ષેપો કરવા ટેવાયેલા છે. કોંગ્રેસના ભાગે આક્ષેપો કરવાનું જ બચ્યું છે. અમિત ચાવડા કે કોંગ્રેસના કોઈપણ નેતા સાથે આ વિષય પર જાહેરમાં ચર્ચા કરવા અને ડિબેટ કરવા પૂર્વ નાયબ મુખ્યમંત્રી નીતિન પટેલ તૈયાર. 

પ્રહલાદનગર જંક્શનના ફ્લાયઓવરની રાહ હજી જોવી પડશે. પીલરની નીચે પસાર થતી ટ્રંકલાઇન જ્યાં સુધી નહીં ખસેડવામાં આવે ત્યાં સુધી બ્રિજ શરૂ નહીં થાય. એલિવેટેડ કોરિડોરના પિલર નંબર 27 પાસે પાણીની લાઈન નડતરરૂપ. પાણીની લાઈન શિફ્ટ ન થાય ત્યાં સુધી ફ્લાયઓવર શરૂ કરવો મુશ્કેલ. ભવિષ્યમાં જો પાણીની લાઈનમાં ભંગાણ થાય તો પીલર બેસી જવાની ભીતિ. દિવાળી પહેલાં ફ્લાયઓવર શરૂ કરવાની શક્યતા નથી.  પાણીની લાઈન ખસેડવા NHAI દ્વારા ફ્લાયઓવર ન ખોલવાની સલાહ. પાણીની લાઈન બદલવા 900 મીમી વ્યાસની નવી પાઈપ નાખવામાં આવશે. પાઈપલાઈન શિફ્ટિંગ બાદ જ ફ્લાયઓવર શરૂ કરવાની કામગીરી આગળ વધશે

રાજકોટ: વિજ્ઞાન જાથાના ચેરમેન જયંત પંડ્યાનો સરકારને પત્ર. કાળી ચૌદસના દિવસે અનાજ અને પાણીનો બગાડ અટકાવો. રાજ્યમાં ખાદ્ય અનાજનો બગાડ અટકાવવા પરિપત્ર કરવા માંગ. સરકાર કાળી ચૌદસના ચોકમાં થતા કુંડાળા અને કુંડાળામાં મુકવામાં આવતા અનાજનો બગાડ અટકાવે તેવી માંગ. સરકારો કચેરીઓ દ્વારા વાહનો રાખી ખાદ્ય અનાજ બગાડ અટકાવવા કરી માંગ. આજે વિજ્ઞાન જાથા દ્વારા મોરબીમાં જાગૃતિના ભાગરૂપે ધારાસભ્યના કાર્યાલય થી પેમ્પ્લેટ વિતરણ કરશે..
 

આજે ભાજપના પ્રદેશ પ્રભારી તરુણ ચુગ ગુજરાત પ્રવાસે છે. સવારે અમદાવાદ મોટેરા ખાતે કોટેશ્વર મહાદેવ મંદિરે દર્શન તથા પૂજન કરશે. સવારે અમદાવાદ કોટેશ્વર મંદિર દર્શન અને ગાંધીનગર ની પહેલી બેઠક બાદ તરુણ ચુગ અમદાવાદમાં નોંધાવશે વિરોધ. પીએમ મોદીના પિતા વિશેની ટિપ્પણી સામે ભાજપ પાલડી કોંગ્રેસ ભવન ખાતે વિરોધ કરશે. મલ્લિકાર્જુન ખડગેની ટિપ્પણી સામે ભાજપ કોંગ્રેસ કાર્યાલય ખાતે વિરોધ નોંધાવશે. ભાજપ પ્રદેશ પ્રભારી અને પ્રદેશ અધ્યક્ષ સાથે કાર્યકરો નોંધાવશે વિરોધ. વિરોધ બાદ મુખ્યમંત્રી નિવાસ સ્થાને મંત્રીઓ સાથે બેઠક થશે. બાદમાં સાંજે ગાંધીનગર કોબા ભાજપા પ્રદેશ કાર્યાલય ‘શ્રી કમલમ‘ ખાતે વિવિધ સંગઠનાત્મક બેઠકોમાં ઉપસ્થિતિ રહેશે. 
 

રાજકોટના જળસંકટને લઈને મોટા સમાચાર. સરકારે નર્મદાના નીર આપવા આપી લીલી ઝંડી. આજે સમયપત્રક જાહેર કરી દેવામાં આવશે. પ્રથમ તબક્કામાં જાન્યુઆરી સુધી ચાલે એટલો પાણીનો જથ્થો આપવામાં આવશે. જુલાઈ સુધીનું પાણી આપવા સરકારની ખાત્રી. બે થી ત્રણ દિવસમાં આજી 1, ન્યારી 1 અને ભાદર ડેમમાં સૌની યોજનાથી નર્મદા નીર થી કરશે છલોછલ. રાજકોટમાં હાલ આજી-1 ડેમમાં 28 ટકા જળજથ્થો છે અને 29 ફૂટે છલકાતા આજીની સપાટી 18.19 ફૂટે છે. ન્યારી 1 ડેમમાં 27 ટકા પાણીનો જથ્થો છે. 25 ફૂટે છલકાતા ન્યારીની જળા સપાટી 14.21 ફૂટ ભરેલી છે. રાજકોટ શહેરને પાણી પૂરું પાડતો ભાદર-1 ડેમ કે જે 34 ફૂટે છલકાય છે. તેની આજની સ્થિતિએ સપાટી 15.80 ફૂટ છે અને ડેમમાં 17.91 ટકા જ જથ્થો ઉપલબ્ધ છે. આમ આજી અને ન્યારી બન્ને ડેમમાં હજુ રાજકોટને 15 દિવસ ચાલે તેટલું પાણી ઉપલબ્ધ છે.
 

રાજકોટમાં કિંમતી મિલકત પચાવી પડવાનું ષડયંત્ર સામે આવ્યું. કેનેડામાં રહેતા યુવકની જમીન પર નકલી વ્યક્તિ ઉભી કરી દસ્તાવેજ બનાવી લીધો. EOW દ્વારા સબ રજિસ્ટ્રાર કચેરીના CCTV વિડીયો ફૂટેજ તપાસતા કૌભાંડનો પર્દાફાશ થયો. જયરાજ પ્લોટમાં આવેલા કરોડોના કિંમતના પ્લોટના બોગસ દસ્તાવેજ મામલે નોંધાઈ ફરિયાદ. હેમાબેન દેવજી સાકરિયાએ પ્રદ્યુમન નગર પોલીસ સ્ટેશનમાં નોંધાવી ફરિયાદ. ઉત્તમસિંહ અભેસિંહ રાઠોડ, જયરાજસિંહ વિજયસિંહ જાડેજા, રાહુલ મુકેશ ચાવડા, દીપ ગોરધન પરસાણીયા અને અજાણ્યો વ્યક્તિ સામે નોંધાઈ ફરિયાદ. 2023માં કેનેડા ગયેલા વિશાલ સાકરીયા રાજકોટ આવ્યા નથી છતાં સબ રજિસ્ટ્રાર કચેરીમાં દસ્તાવેજ નોંધણી થઈ ગઈ. ફેબ્રુઆરી 2026માં બહેન હેમાબેન પ્લોટ જોવા જતા બાંધકામ ચાલુ જોઈ ચોંકી ગયા. સબ રજિસ્ટ્રાર કચેરીમાં તપાસ કરતા ઉત્તમસિંહ રાઠોડ અને જયરાજસિંહ જાડેજાના નામે દસ્તાવેજ થયો હોવાનું સામે આવ્યું હતું. હેમાબેન સાકરીયાની અરજીની તપાસ EWO દ્વારા કરવામાં આવતા થયો મોટો ખુલાસો.

દેવગઢ બારીઆના દશેરાના મેળામાં મનોરંજનના સાધનોમાં યુવકો સ્ટંટ કરતા જોવા મળ્યા. દેવગઢ બારીયા નગરના જેલબાગમાં દશેરાનો મેળો લાગ્યો છે. જે આઠ દિવસ સુધી ચાલે છે. 
આ રાઈડસમાં કેટલાક યુવકો જોખમી સ્ટંટ કરતાં જોવા મળ્યા. ચાલુ રાઈડસમાં જોખમી સ્ટંટ કરતા યુવકોને જોતા અન્ય લોકોમાં ભયનો માહોલ. ડ્રેગન ટ્રેન અને મિક્સર રાઈડસની મંજૂરી ન હોવા છતાં પણ ચાલતી હોવાનું સામે આવ્યું. કોઈ અનિચ્છનીય ઘટના બને તો જવાબદાર કોણ તે સવાલ ઊભો થયો. જવાબદાર લોકો સામે કાર્યવાહીની માંગ.

સુરત લાજપોર જેલમાં આરોપીએ ગળે ફાંસો ખાઈ આપઘાત કર્યો. આરોપીએ જેલ કસ્ટડીમાં આપઘાત કરી લેતા ચકચાર મચી. આરોપીના આપઘાતનું કારણ અકબંધ. સચિન પોલીસ લાજપોર જેલ પહોંચી. સચિન પોલીસે આરોપીના મૃતદેહ પીએમ અર્થ સિવિલ હોસ્પિટલ અર્થ મોકલી કાર્યવાહી હાથ ધરી.