Viral Pani Puri: ઈંસ્ટાગ્રામની મોસ્ટ વાયરલ પાણીપુરી બનાવવાની રીત, દિવાળી પાર્ટી માટે પરફેક્ટ ઓપ્શન

Viral Pani Puri Recipe: પાણીપુરી નાના-મોટા સૌ કોઈને ભાવે એવી વસ્તુ છે. ઘરમાં મહેમાન આવે કે પાર્ટી હોય ત્યારે પાણીપુરી બેસ્ટ ઓપ્શન રહે છે પણ પાણીપુરી મહેમાનો માટે તૈયાર કરવાની હોય ત્યારે કામ વધી જાય છે. પાણીપુરીના મસાલા સહિતની અલગ અલગ વસ્તુઓને એક સાથે સર્વ કરવી, અલગ અલગ પાણી બનાવવા બધું સમય માંગી લે છે. પાણીપુરીની આ સમસ્યાનું સમાધાન ઈંસ્ટાગ્રામની વાયરલ પાણીપુરી છે.

ઈંસ્ટાગ્રામ પર હાલ વાયરલ પાણીપુરી ટ્રેંડમાં છે. જેને જુઓ તે આ પાણીપુરી બનાવી તેના વીડિયો શેર કરે છે. તેનું કારણ છે કે પાણીપુરી સર્વ કરવાની આ રીતમાં સમય બચે છે. બસ 30 મિનિટના સમયમાં થોડી તૈયારી કરવાની થાય છે. ત્યારબાદ કંઈક કરવું પડતું નથી. તો ચાલો આજે તમને પણ જણાવીએ આ વાયરલ પાણીપુરી કેવી રીતે બને છે.

આ પણ વાંચો: Recipe: ઘરે બનાવો બજારમાં મળે એવી જ સાત પડવાળી પુરી, આ રીતે બધા પડ ખુલશે અને પુરી ક્રિસ્પી બનશે

વાયરલ પાણીપુરી માટેની સામગ્રી

કોથમીર
ફુદીનો
આમલીનો પલ્પ
ખાંડ
શેકેલું જીરું
ચાટ મસાલો
ઝીણી સમારેલી ડુંગળી
ઝીણા સમારેલા ટમેટા
દાડમના દાણા
લીલા મરચાં
લસણની 2 થી 3 કળી
આદુ
બાફેલા ચણા અને બટેટા
સંચળ
મીઠું
પાણી

આ પણ વાંચો: Shakkarpara Recipe: હવે ઘરે પણ બનશે બજાર જેવા જ ટેસ્ટી અને કરકરા શક્કરપારા, આ રહ્યું પરફેક્ટ માપ અને રીત

વાયરલ પાણી પુરી બનાવવાની રીત

• સૌથી પહેલા કોથમીર અને ફુદીનાના પાનને પાણીથી બરાબર સાફ કરી લો. ત્યારબાદ મિક્સર જારમાં કોથમીર, ફુદીનો, લીલા મરચાં, આદુ, લસણ, સંચળ, આમલીનો પલ્પ, ઠંડુ પાણી ઉમેરી પેસ્ટ તૈયાર કરો.
• કોથમીર અને ફુદીનો થોડા ક્રશ થઈ જાય પછી મિક્સર જારમાં શેકેલું જીરું. ખાંડ, ચાટ મસાલો અથવા પાણીપુરી મસાલો ઉમેરી સ્મુધ પેસ્ટ બનાવો. આ પેસ્ટ બનાવવામાં ઠંડુ પાણી અથવા બરફ યુઝ કરવો.
• હવે એક મોટા બાઉલમાં બાફેલા ચણા અને ઝીણા સમારેલા બટેટા લો. તેમાં ઝીણી સમારેલી ડુંગળી, ટમેટા અને દાડમના દાણા અને સ્વાદ પ્રમાણે મીઠું ઉમેરો.
• ચણા-બટેટાના મિશ્રણમાં ફુદીનાની પેસ્ટ ઉમેરી દો. ત્યારબાદ તેમાં જરૂર અનુસાર ઠંડુ પાણી ઉમેરો. આ મિશ્રણ રગડા જેવું થવું જોઈએ.
• તૈયાર કરેલા રગડાને 3 થી 4 કલાક ફ્રીજમાં ઠંડો થવા દો. ત્યારબાદ પુરીમાં ઠંડો રગડો ભરી વાયરલ પાણીપુરીની મજા માણો.