Glowing Skin: કાકડીના રસમાં આ વસ્તુ મિક્સ કરી આઈસક્યુબ બનાવો, 5 મિનિટની મસાજ વધારી દેશે ગ્લો

Glowing Skin: દિવાળીના તહેવારમાં દરેક યુવતીને સુંદર દેખાવું હોય છે. યુવતીઓ એવા ઉપાય શોધતી હોય છે જેનાથી સ્કીન પર ઇન્સ્ટન્ટ ગ્લો આવી જાય અને મેકઅપ ન કર્યો હોય ત્યારે પણ ત્વચા પર ચમક રહે. આવો એક જોરદાર નુસખો આજે તમને જણાવીએ. દિવાળીના પર્વ પર ચહેરા પર ઇન્સ્ટન્ટ ગ્લો લાવે તે માટે ઘરમાં રહેલી જ કેટલીક સામગ્રીની મદદથી આઈસ ક્યુબ બનાવવાના છે.

જે ખાસ આઈસ ક્યુબની અહીં વાત થઈ રહી છે તેમાં જે સામગ્રીનો ઉપયોગ થાય છે તે રેટિનોલ યુક્ત હોય છે. રેટિનોલ સ્કીનની સુંદરતા વધારે છે અને ડાઘ ધબ્બા ઓછા કરવામાં મદદ કરે છે. આ આઈસ ક્યુબથી મસાજ કરવાથી સ્કિન સોફ્ટ અને ચમકદાર દેખાય છે સાથે જ ત્વચા પર ફાઈનલાઇન્સ પણ ઓછી દેખાય છે.

આ પણ વાંચો: બેભાન વ્યક્તિના મોં પર પાણી છાંટવું જોખમી, જાણો વ્યક્તિને ભાનમાં લાવવા સૌથી પહેલા શું કરવું ?

ચેહરા પર ઇન્સ્ટન્ટ ગ્લો વધારે તેવા આઈસ ક્યુબ બનાવવા માટે કાકડીનો રસ, એલોવેરા જેલ, બટેટાનો રસ અને વિટામિન ઈ ની કેપ્સુલ ની જરૂર પડશે. આ ચાર વસ્તુ સ્કિનની સુંદરતા વધારવા માટે સૌથી બેસ્ટ ગણાય છે અને વર્ષોથી તેનો ઉપયોગ થાય છે.

આઈસ ક્યુબ બનાવવા માટે સૌથી પહેલા કાકડી અને બટેટાની છાલ કાઢી તેને મિક્સરમાં પીસી તેનો રસ કાઢી લો. કાકડી અને બટેટા બટેટાને અલગ અલગ પીસીને તેનો રસ કાઢવો. ત્યાર પછી એક બાઉલમાં કાકડીનો રસ અને બટેટાનો રસ મિક્સ કરવો. આ રસમાં બે ચમચી એલોવેરા જેલ અને એક વિટામિન ઈની કેપ્સુલ તોડી તેમાં ઉમેરવી. તૈયાર કરેલા મિશ્રણને બરાબર હલાવો. ત્યાર પછી આઈસ ક્યુબ ટ્રેમાં મિશ્રણ ભરીને ફ્રીઝરમાં મૂકી દો.

આ પણ વાંચો: Skin Cancer: ચામડીમાં થતા આ ફેરફારને સામાન્ય ન સમજો, ખાસ તો લાલ નિશાન દેખાય તો તુરંત પહોંચો ડોક્ટર પાસે

જ્યારે આઈસ ક્યુબ રેડી થઈ જાય ત્યારે તેનો ઉપયોગ કરો. આઈસ ક્યુબને ચહેરા પર લગાડતા પહેલા ચહેરાને સારી રીતે સાફ કરી લેવો. ત્યાર પછી આઈસ ક્યુબ ને રૂમાલ કે મલમલના કપડામાં રાખીને ચહેરા પર મસાજ કરો. ચહેરા પર એક થી બે મિનિટ માટે બરફ વડે મસાજ કરો અને ત્યાર પછી 5 મિનિટ મિશ્રણને ચહેરા પર લગાવી રાખો. ત્યાર પછી ઠંડા પાણીથી ચહેરો ધોઈ લો.

આ આઈસ ક્યુબનો ઉપયોગ તમે નિયમિત કરી શકો છો અથવા તો સપ્તાહમાં બે થી ત્રણ વખત પણ કરી શકો. જે લોકોની સ્કીન સેન્સિટીવ હોય તેમણે પહેલા પેચ ટેસ્ટ કરી લેવો. બરફની મસાજ પછી ચહેરા પર લાલ નિશાન પડી જાય તો તેનો ઉપયોગ કરવાનો ટાળવું.

(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)