Florida Plane Crash: ફ્લોરિડામાં પ્રાઈવેટ જેટ ક્રેશ, આગનો ગોળો બનેલા પ્લેનમાં સવાર 9 લોકોના મોત

Florida Plane Crash: અમેરિકાના ફ્લોરિડામાં એક ભયંકર વિમાન દુર્ઘટના થઈ છે. અહીં એક પ્રાઇવેટ જેટ ક્રેશ થઈ ગયું છે. પ્રાઇવેટ જેટમાં સવાર પાયલટ સહિત નવ લોકોના મોત થયા છે. બહામાસ માટે રવાના થયેલું આ પ્લેન રહેણાંક વિસ્તારમાં ક્રેશ થઈ ગયું. પ્લેન ક્રેશ થયાની સાથે જ તેમાં ભયંકર વિસ્ફોટ થયો અને પ્લેન બળીને ખાખ થઈ ગયું. દુર્ઘટનાની પુષ્ટિ અમેરિકી પરિવહન મંત્રીએ પણ કરી છે.

આ પણ વાંચો: Love Market: વિયેતનામની લવ માર્કેટ વિશે ખબર છે તમને ? વર્ષમાં એકવાર એક્સને મળવા ખાસ કાર્યક્રમ યોજાય

ફ્લોરિડામાં થયેલા દુર્ઘટના અંગે મળતી જાણકારી અનુસાર ક્રેશ થયું તે એક પ્રાઇવેટ જેટ હતું. જેણે ટેક્સાસના ઓસ્ટીન-બર્ગસ્ટ્રોમ ઇન્ટરનેશનલ એરપોર્ટથી ટેક ઓફ કર્યું હતું. આ વિમાન ટેક્સાસથી બહામાસ જઈ રહ્યું હતું. પ્લેન ટેકઓફ થયું ત્યાં સુધી બધું બરાબર હતું પરંતુ અચાનક જ વિમાન રહેણાંક વિસ્તારમાં ક્રેશ થઈ ગયું. નજરે જોનારા લોકોનું કહેવું છે કે જ્યારે વિમાન રસ્તા પર પડ્યું ત્યારે જોરદાર બ્લાસ્ટ થયો અને ભીષણ આગ લાગી ગઈ.

સોશિયલ મીડિયા પર પ્લેન ક્રેશના વિડીયો વાયરલ થયા છે. સબનસીબે આ પ્લેન ખાલી રસ્તા પર ક્રેશ થયું જેના કારણે ઘર અને રસ્તા પરથી પસાર થતા વાહનો તેની ચપેટમાં ન આવ્યા. જો આવું થયું હોત તો મૃત્યુ આંક વધી ગયો હોત.

આ પણ વાંચો: Russia Ukraine: રશિયા યુક્રેન વચ્ચે શરુ થયું સીઝફાયર, મેલાનિયા ટ્રંપ એ આપી જાણકારી

આ દુર્ઘટના અંગે અમેરિકી પરિવહન મંત્રી સીન ડફી એ જણાવ્યું છે કે પ્લેન ક્રેશ કયા કારણે થયું તેની જાણકારી હજુ સુધી સામે આવી નથી. આ મામલે તપાસ ચાલી રહી છે. પ્લેનમાં કોણ સવાર હતું તેની જાણકારી પણ સાર્વજનિક કરવામાં આવી નથી. જાણકારી ફક્ત એટલી આપવામાં આવી છે બહામાસ જતું એક પ્રાઇવેટ જેટ દુર્ઘટનાગ્રસ્ત થયું છે. જેમાં પાયલેટ સહિત નવ લોકોના મોત થયા છે. પ્લેન ક્રેશ થયા પછી કલાકો સુધી આસપાસના વિસ્તારોમાં લાઈટ બંધ રહી અને રસ્તા પણ બંધ કરી દેવામાં આવ્યા.