તાપી: સોનગઢમાં સોશિયલ મીડિયા પોસ્ટ પર વિવાદ, 'સર તન સે જુદા'ના નારા લાગ્યા હોવાનો દાવો, હિન્દુ યુવકના ઘરે પથ્થરમારો

દક્ષિણ ગુજરાતના તાપીના સોનગઢમાં એક સોશિયલ મીડિયા પોસ્ટને લઈને વિવાદ સર્જાયો છે. એવો પણ દાવો છે કે વિધર્મીઓએ પોલીસની હાજરીમાં હિન્દુ યુવકના ઘરે પથ્થરમારો કર્યો. આ અંગે કડક કાર્યવાહી કરવાની વિશ્વ હિન્દુ પરિષદે માંગણી કરી છે. જો આરોપીઓ નહીં પકડાય તો આજે સોનગઢ બંધ રાખવાની પણ ચીમકી  ઉચ્ચારી છે. સોનગઢમાં કાયદો અને વ્યવસ્થા જાળવવાન પોલીસ અલર્ટ મોડ પર છે. DySPએ લોકોને અફવાઓથી દૂર રહેવાની અપીલ કરી છે.

નવરાત્રી મહોત્સવ પોસ્ટને લઈને વાતાવરણ ગરમાયું

• વાત જાણે એમ છે કે તાપી જિલ્લાના સોનગઢ ખાતે નવરાત્રી મહોત્સવને લઈને સોશિયલ મીડિયા પ્લેટફોર્મ પર કરાયેલી એક વિવાદાસ્પદ કમેન્ટ બાદ વાતાવરણ ગરમાવ્યું છે. 
• સંગઠનના પેજ પર નવરાત્રી સંબંધિત પોસ્ટમાં કથિત રીતે 'ગર્ભવતી મંડળ' જેવી વાંધાજનક કમેન્ટ કરવામાં આવી હતી જેનો પ્રતિભાવ જૂના ગામ મુસ્લિમ ફળિયા પાસે રહેતા ગૌરવ ચૌધરી નામના યુવકે આપ્યો હતો. 
• ત્યારબાદ આ પ્રતિભાવ વિવાદમાં ઉશ્કેલાયેલા 20થી 25 લોકોના ટોળાએ ગૌરવ  ચૌધરીના ઘર પર પથ્થરમારો કર્યો હતો.

હિન્દુ સંગઠનના નેતાનો ચોંકાવનારો દાવો

• તાપી જિલ્લા વિશ્વ હિન્દુ પરિષદ (VHP)ના પૂર્વ પ્રમુખ નિલેશભાઈ ચંદાત્રેયે આ મામલે કહ્યું કે, ઉશ્કેલાયેલા જેહાદી ટોફાએ સોનગઢના ઈતિહાસમાં પહેલીવાર સર તન સે જુદા...ના નારા સાથે લગભગ 50થી વધુ મુસ્લિમોના ટોળાએ ગૌરવ ચૌધરીના ઘરે પોલીસી હાજરીમાં બેફામ પથ્થરમારો કર્યો છે અને ગૌરવ  ચૌધરીને સર તન સે જુદા કરી નાખવાની ધમકી આપી છે. 
• ચંદાત્રેયે  કહ્યું કે, તેનો આખો પરિવાર  ખુબ  ભયભીત છે કારણ કે આખી ઘટના જે છે તેમાં જે વીડિયો જોવા મળે છે તેમાં અંદર પોલીસની ગાડી દેખાય છે. 
• પોલીસની હાજરીમાં જો જેહાદીઓ આ રીતે સામાન્ય નાગરિક પર હુમલો કરતા હોય તો પછી પોલીસ સામે પણ સવાલ ઊભો થાય છે અને સુરક્ષા સામે પણ સવાલ ઊભો થાય છે. 
• તાપી જિલ્લાના પૂર્વ વીએચપી પ્રમુખે કહ્યું કે, સોનગઢ પોલીસને અમારી નમ્ર વિનંતી છે કે જે વિવિધ ફૂટેજ છે એ ભેગા કરીને જે 50થી વધુ જેહાદી તત્વોએ હુમલો કર્યો છે તેમની તાત્કાલિક ધરપકડ  કરવામાં આવે.

શું કહ્યું પોલીસે?

• બીજી બાજુ નિઝરના DySP ઈશ્વર પરમારે કહ્યું કે ઈન્સ્ટાગ્રામ પર ખોટી કમેન્ટ કરવા બાબાતે મનદુખ થવાથી 20થી 25 માણસોના ટોળાએ જૂનાગામ  મુસ્લિમ ફળિયા પાસે રહેતા ગૌરવ ચૌધરીના ઘરે પથ્થરમારો કર્યો હતો. 
• તાત્કાલિક પોલીસને કોલ મળતા પોલીસ ત્યાં પહોંચી ગઈ અને હાલ આ પથ્થરમારો કરનારા ઈસમો પર યોગ્ય કલમો લગાવીને ફરિયાદ લેવાનું કામ ચાલુ છે તથા આરોપીઓને પકડી પાડવાનું કામ અને તજવીજ હાથ ધરેલ છે. 
• સોનગઢમાં હાલ કાયદો અને વ્યવસ્થાની પરિસ્થિતિ એકદમ સાધારણ છે. સોશિયલ મીડિયામાં ચાલતી અફવાઓથી કોઈએ દોરવાવું નહીં અને તે બાબતે તાપી જિલ્લા તંત્ર દ્વારા સૌને હાર્દિક અપીલ કરવામાં આવે છે.