દિવાળી પહેલાં ખાદ્યતેલના ભાવમાં ભડકો! નવી સીઝનમાં જ સીંગતેલ અને કપાસિયાના ભાવ વધ્યા, જાણો નવા ભાવ

Rajkot Edible Oil Prices: દિવાળી પહેલા ગૃહિણીઓને ફરી એક મોટો ઝટકો મળ્યો છે. જી હા...રાજકોટ સહિત સમગ્ર રાજ્યની મહિલાઓની દિવાળી બગડે એવા માઠા સમાચાર સામે આવ્યા છે. ખાદ્યતેલના ભાવમાં મોટો ઉછાળો જોવા મળ્યો છે. સીંગતેલ અને કપાસિયા તેલના ભાવમાં સતત વધારો થતાં બજારમાં ચિંતાનો માહોલ જોવા મળ્યો છે. નવી સિઝન સમયે જ સીંગતેલમાં 15 રૂપિયા અને કપાસિયા તેલના ભાવમાં 20 રૂપિયાનો વધારો નોંધાયો છે.

દેશભરમાં ગુજરાત પોલીસના આ 6 અધિકારીઓનો ડંકો: રાષ્ટ્રીય એકતા દિવસે પ્રતિષ્ઠિત 'દક્ષતા પદક-2026'થી સન્માનિત

દિવાળી ટાણે ખાદ્યતેલના ભાવમાં ભડકો

નવી સિઝનની શરૂઆતમાં જ ખાદ્યતેલના ભાવ વધતાં ગ્રાહકોના ખિસ્સા પર બોજ વધી રહ્યો છે. સીંગતેલમાં પ્રતિ ડબ્બે 15 રૂપિયાનો વધારો નોંધાયો છે, જેના કારણે સીંગતેલનો પ્રતિ ડબ્બાનો ભાવ 2970 રૂપિયાથી વધીને 3030 રૂપિયા સુધી પહોંચી ગયો છે. જ્યારે કપાસિયા તેલમાં પણ પ્રતિ ડબ્બે 20 રૂપિયાનો વધારો થયો છે, જેનાથી તેનો ભાવ 2575 રૂપિયાથી વધીને 2625 રૂપિયા થયો છે.

જાણો શું છે ખાદ્યતેલના ભાવવધારા પાછળનું મુખ્ય કારણ?

ચાલુ વર્ષે ગુજરાતમાં ઓછો વરસાદ નોંધાયો છે. જેના કારણે મગફળીના ઉત્પાદન પર મોટી અસર પડી છે. વરસાદની ખેંચને લીધે ખેડૂતો જોઈએ એવું વાવેતર કરી શક્યા નથી. બીજી બાજુ વરસાદ ખેંચાવાના કારણે વાવેતર અને પાકની ગુણવત્તા પર અસર થતાં આ વખતે સૌરાષ્ટ્રમાં મગફળીનું ઉત્પાદન નોંધપાત્ર રીતે ઘટ્યું છે.

ગુજરાતમાં કમોસમી વરસાદની ભારે આગાહી: સૌરાષ્ટ્ર અને દક્ષિણ ગુજરાતના આ વિસ્તારોમાં ખતરો, ખેડૂતો ચિંતામાં...!

મગફળીની ઓછી આવક થતાં નવી સીઝનમાં ખાદ્યતેલના ભાવમાં ઉછાળો

ગુજરાતના ગંજ બજારોમાં મગફળીની નવી આવક શરૂ તો થઈ છે, પરંતુ ઉત્પાદન ઓછું હોવાના કારણે આવક પ્રમાણમાં ખૂબ જ ઓછી દેખાઈ રહી છે.  ગત વર્ષની સરખામણીએ આ વર્ષે મગફળીના ભાવમાં પ્રતિ ક્વિન્ટલ/મણ 400 થી 500 રૂપિયાનો સીધો વધારો થયો છે. નવી મગફળીની ઓછી આવક અને ઊંચા કાચા માલના ભાવના પરિણામે ખાદ્યતેલોના ભાવમાં સતત વધારો થઈ રહ્યો છે.

સમાચારના મુખ્ય અંશો:-

• રાજ્યમાં ખાદ્યતેલના ભાવમાં વધારો.
• સિઝન સમયે જ સીંગતેલમાં 15 રૂપિયાનો વધારો..
• કપાસિયા તેલમાં 20 રૂપિયાનો વધારો થયો.
• સિંગતેલનો પ્રતિ ડબ્બાનો ભાવ 2970 થી 3030 રૂપિયાએ પહોંચ્યો..
• કપાસિયાનો પ્રતિ ડબ્બાનો ભાવ 2575 થી 2625 રૂપિયાએ પહોંચ્યો 
• મગફળીના ઓછા ઉત્પાદનને લઈને ભાવમાં વધારો.
• ઓછા વરસાદના કારણે સૌરાષ્ટ્રમાં મગફળીનું ઉત્પાદન ઘટ્યું..
• ગત વર્ષ કરતાં મગફળીના ભાવમાં 400 થી 500 રૂપિયાનો વધારો.
• નવી મગફળીની ઓછી આવક ના પગલે ભાવ વધારો..

બહારગામ જતા પહેલાં સાવધાન! રાજકોટ પોલીસની નાગરિકોને ખાસ અપીલ- ‘સોશિયલ મીડિયા પર લોકેશન શેર ન કરો’