તહેવાર ટાણે સામાન્ય જનતાના ખિસ્સા પર પ્રહાર: ઘી, બટર અને સીએનજી સહિત અનેક વસ્તુના ભાવમાં વધારો
એક તરફ લોકો દિવાળી ઉજવવાની તૈયારી કરી રહ્યાં છે, બીજીતરફ મોંઘવારી પરેશાન કરી રહી છે. અનેક જરૂરિયાત વસ્તુના ભાવમાં સતત વધારો થઈ રહ્યો છે. અમૂલ દ્વારા ઘી-માખણના ભાવમાં વધારો કરવામાં આવ્યો બીજીતરફ સીએનજીના ભાવમાં પણ વધારો થઈ ગયો છે.
દિવાળી પહેલા મોંઘવારીનો ડબલ એટેક...એક તરફ રસોડાના બજેટ પર ઘી અને બટરનો બોમ્બ... તો બીજી તરફ રસ્તા પર દોડતા CNG વાહનચાલકોને વધુ એક ઝટકો...અમૂલ ઘી મોંઘું... અમૂલ બટર મોંઘું... અને હવે CNG પણ મોંઘો,,,તહેવાર પહેલા જ સામાન્ય માણસના ખિસ્સા પર મોંઘવારીનો સીધો પ્રહાર...કાળઝાળ મોંઘવારી વચ્ચે હવે જીવન જરૂરિયાતની વસ્તુ મોંઘી થતાં ખિસ્સા પર કેટલો પડશે ભાર?...કેટલો વધશે ગૃહિણીઓનો ખર્ચ?...જુઓ આ ખાસ અહેવાલમાં.
દિવાળી આવે... એટલે ઘરમાં ઉજવણીની તૈયારીઓ શરૂ થાય...મીઠાઈ... ફરસાણ... સ્વાદિષ્ટ વાનગીઓ બને...પણ આ વખતે દિવાળી પહેલા જ રસોડામાં મોંઘવારીની એન્ટ્રી થઈ ગઈ છે...અમૂલ ઘી મોંઘું...અને સાથે અમૂલ બટર પણ મોંઘું...ઘી પર મોંઘવારીનો ઘા...એક કિલો અમૂલ ઘી પર સીધો 50 રૂપિયાનો વધારો...નવો ભાવ થયો 680 રૂપિયા પહોંચ્યો...તો 500 ગ્રામના ઘીના પાઉચ પર પણ 20 રૂપિયાનો વધારો થયો છે...
- એક કિલો અમૂલ ઘી પર સીધો 50 રૂપિયાનો વધારો
- અમૂલ ઘીનો નવો ભાવ થયો 680 રૂપિયા પહોંચ્યો
- 500 ગ્રામના ઘીના પાઉચ પર પણ 20 રૂપિયાનો વધારો
એટલું જ નહીં...અમૂલ બટર પર પણ મોંઘવારીનો માર પડ્યો છે...100 ગ્રામના પેકેટ પર 3 રૂપિયાનો વધારો થયો છે...અને 500 ગ્રામના પેક પર 15 રૂપિયા વધ્યા છે...એટલે દિવાળીની રસોઈ શરૂ થાય એ પહેલાં જ ગૃહિણીઓનું બજેટ ગરમ થયું છે...ઘી મોંઘું... બટર મોંઘું... અને હવે...CNG પણ મોંઘો થયો છે.
આ પણ વાંચોઃ ડુંગરીમાં પ્રેમના નામે ખેલ: સગીરાને ફસાવી 32 તોલા સોનું અને લાખો પડાવનાર હવસખોર બેવફા
- અમૂલ બટર 100 ગ્રામના પેકેટ પર 3 રૂપિયાનો વધારો
- અમૂલ બટર 500 ગ્રામના પેક પર 15 રૂપિયા વધ્યા
- ઘી મોંઘું, બટર મોંઘું, CNG મોંઘો
અદાણી કંપનીએ CNGના ભાવમાં કર્યો વધુ એક વધારો...પ્રતિ કિલો 2 રૂપિયા 30 પૈસા CNG મોંઘો થયો છે...અગાઉનો ભાવ...98 રૂપિયા 47 પૈસા હતો...હવે નવો ભાવ...100 રૂપિયા 77 પૈસા થયો છે..અને અહીં જ વાત પૂરી થતી નથી...થોડા દિવસ પહેલા...એટલે કે 23 ઓક્ટોબરે જ 4 રૂપિયા 45 પૈસાનો વધારો કરવામાં આવ્યો હતો...અને હવે દિવાળી પહેલા ફરી ભાવવધારો થયો છે...
- પ્રતિ કિલો 2 રૂપિયા 30 પૈસા અદાણી CNG મોંઘો થયો
- CNGનો અગાઉનો ભાવ 98 રૂપિયા 47 પૈસા હતો
- CNGનો નવો ભાવ 100 રૂપિયા 77 પૈસા થયો
હિસાબ એકદમ સ્પષ્ટ છે...રિક્ષા ચાલક પર વધતો બોજ...CNG કારચાલક પર વધતો ખર્ચ...અને આખરે...આ બોજનો માર સામાન્ય માણસના ખિસ્સા પર...એક તરફ દિવાળીના ખર્ચ...બીજી તરફ વધતા ખાદ્ય પદાર્થોના ભાવ...અને હવે વાહન ચલાવવાનો ખર્ચ પણ વધ્યો...
દિવાળી ખુશીઓનો તહેવાર છે...પણ આ વખતે તહેવાર પહેલા જ મોંઘવારીએ સામાન્ય માણસની ખુશીઓ પર ખર્ચનો પડછાયો નાખ્યો છે...રસોડામાં ઘી-બટર મોંઘું... રસ્તા પર CNG મોંઘો... અને ખિસ્સા પર મોંઘવારીનો ડબલ માર...હવે સૌથી મોટો સવાલ...દિવાળી ઉજવવી... કે વધતા ખર્ચનો હિસાબ કરવો?
