રામાયણનું આ દ્રશ્ય આવ્યું વિવાદમાં, શું ખરેખર માતા સીતા રાક્ષસો સામે લડ્યા હતા? શું કહે છે શાસ્ત્રો

નીતિશ તિવારીની બિગ બજેટ ફિલ્મ રામાયણ આખરે થિયેટરમાં રિલીઝ થઈ ગઈ. ફિલ્મની કહાની અને કલાકારોના અભિનયના ચારેબાજુ વખાણ થઈ રહ્યા છે. પરંતુ એક સીન એવો છે જે વિવાદમાં આવ્યો છે. આ સીનમાં માતા સીતા (સાઈ પલ્લવી) ભગવાન રામ (રણબીર કપૂર) સાથે જંગલમાં રાક્ષસો સાથે લડી રહ્યા છે. અનેક લોકોનું એવું માનવું છે કે આ તથ્યો સાથે છેડછાડ છે. કારણ કે તેમના જણાવ્યાં મુજબ માતા સીતાએ ક્યારેય ભગવાન રામ સાથે મળીને કોઈ યુદ્ધ લડ્યું જ નથી.

ફિલ્મના આ સીન પર એક યૂઝરે રિએક્ટ કરતા લખ્યું કે, રામાયણથી વધુ એક દગો, એમ કહો કે સ્કૈમયાના (કૌભાંડ-રામાયણ). અહીં અમે માતા સીતાને લડતા અને ખર દૂષણની 14000 રાક્ષસોની સેના વિરુદ્ધ શ્રી રામની મદદ કરતા જોઈ રહ્યા છીએ. જ્યારે શાસ્ત્રો મુજબ શ્રી રામે લક્ષ્મણ અને માતા સીતાને દૂર મોકલીને એકલા હાથે તમામ સાથે લડાઈ લડી હતી.

Ramayana Review: દમદાર છે રામાયણ ફિલ્મ, રૂંવાડા ઊભા કરી દેશે જટાયુ-રાવણ યુદ્ધ સીન લોકોએ આપ્યું રિએકશન

સીતા માતાનું આ રૂપ જોઈને લોકો ભડક્યા

એક યૂઝરે લખ્યું કે "અરે ભગવાન રામે એકલા જ આખી સેના સામે લડાઈ લડી હતી...રામાયણમાં આ લડાઈનું વર્ણન ખુબ જ ભીષણ છે. તેઓ તે રાક્ષસોના લોહીથી ખરડાયેલા હતા. માતા સીતા અત્યંત કોમળ હતા અને ભગવાન રામ તેમને ક્યારેય યુદ્ધના મેદાનમાં આવવા દેતા નહતા."

અન્ય એક યૂઝરે લખ્યું કે ભગવાન રામે શૂર્પણખાના ભાઈ ખર દ્વારા બદલો લેા માટે મોકલેલા 14000 રાક્ષસોને હરાવ્યા હતા. રામે એકલા હાથે રાક્ષસોની આખી સેનાને હરાવી હતી. રામાયણના આ તથ્યને તોડી મરોડીને રજૂ કરાયા છે. જેમાં દેખાડવામાં આવ્યું છે કે સીતા પણ રામ સાથે મળીને લડતા હતા. આખરે આ લોકો પોતાની મરજીથી કઈ પણ કેવી રીતે  દેખાડી શકે છે?

શું કહે છે શાસ્ત્રો

હવે આવામાં સ્વાભાવિક રીતે સવાલ ઉઠે કે શું માતા સીતાએ ક્યારેય કોઈ યુદ્ધ લડ્યું છે ખરું? ગ્રંથો શું કહે છે. વાલ્મિકી રામાયણ મુજ 14 વર્ષના વનવાસ દરમિયાન રાક્ષસો સામે થયેલા કોઈ પણ યુદ્ધમાં સીતાએ રામ સાથે મળીને ક્યારેય યદ્ધ લડ્યું નથી. શૂર્પણખાને લક્ષ્મણે હરાવી હતી. રામ અને લક્ષ્મણે રાક્ષસ વિરાધ સાથે લડાઈ લડી હતી. જ્યારે રામે એકલા હાથે ખર અને દૂષણને તેમની આખી સેના સાથે હરાવ્યા હતા.

બીજી બાજુ અદભૂત રામાયણમાં સીતામાતાને દૈવી શક્તિના એક શક્તિશાળી સ્વરૂપમાં દેખાડવામાં આવ્યા છે. આ ગ્રંથ મુજબ જ્યારે રામે હજારો માથાવાળાવાળા રાવણ (સહસ્ત્ર રાવણ) સામે હારનો સામનો કરવો પડ્યો હતો ત્યારે સીતામાતા મહાકાળીનું રૂપ ધારણ કરે છે અને ખુદ પોતે રાક્ષસ સામે યુદ્ધ કરે છે. જો કે અદભૂત રામાયણમાં સીતાનું એક ઉગ્ર રૂપ જોવા મળે છે, પરંતુ તેમાં ઘટનાઓનો ક્રમ કઈંક અલગ છે.

Ramayana First Review: રણબીર અને યશની દમદાર એક્ટિંગ, જટાયુ-રાવણનું યુદ્ધ જોઈ આંસુ આવી ગયા, અભિનેતાએ કહ્યું: નાની-નાની ખામીઓ છે

રામાયણમાં સીતાને યોદ્ધા તરીકે દેખાડ્યા, શું કહે છે નીતિશ તિવારી

ફિલ્મના લોસ એન્જલસ પ્રીમિયરમાં વૈશ્વિક મીડિયા સાથે વાત કરતા નીતિશ તિવારીએ કહ્યું કે તો..એમના ભાગમાં પણ એક્શન છે. અમે એ વાત અંગે ખુબ સ્પષ્ટ છીએ કે કેટલીક ચીજો અને કેટલાક પાત્રો એવા છે કે જ્યાં અમે થોડી છૂટછાટ લઈ શકીએ છીએ. પરંતુ કેટલાક પાત્રો એવા છે જ્યાં આપણે બિલકુલ છૂટ લેવી જોઈએ નહીં. જેમ કે ભગવાન રામ આપણા દેશમાં તેમના જેટલા પણ સંસ્કરણ રહેલા છે તે બધામાં તેઓ ભગવાન રામ જ છે.

તેમણે વધુમાં કહ્યું કે, "જેવો કે તમે ઉલ્લેખ કર્યો, માતા સીતાનું પણ એક યોદ્ધાવાળું સ્વરૂપ છે. અદભૂત રામાયણમાં તેમને એક યોદ્ધા રાજકુમારી તરીકે દેખાડવામાં  આવ્યા છે. અમે અહીંથી જ આ પહેલું લીધો છે, જે તેમના ચરિત્રમાં એક ઉત્તમ આયામ જોડે છે."

આજે રિલીઝ થઈ રામાયણ

આજે રિલીઝ થયેલી રામાયણ વિશે એકવાત કહી શકાય કે નીતિશ તિવારીના દિગ્દર્શનમાં બનેલી આ ફિલ્મ ખુબ ભવ્ય   છે. ફિલ્મના કલાકારોને પોતાની લય પકડવામાં વાર લાગે છે પરંતુ એકવાર જ્યારે લયમાં આવે છે ત્યારબાદ આખી ફિલ્મ સુંદર રીતે આગળ વધે છે. બેકગ્રાઉન્ડ મ્યૂઝિકમાં હંસ જીમર અને એ આર રહેમાનની જોડીએ કમાલ કર્યો છે. ફિલ્મમાં ભરપૂર જાદુટોણા, રોમાંચ અને એડવેન્ચર છે. જે ભરપૂર મનોરંજન કરે છે.