અભિનેતા ટાઈગર શ્રોફ પર હુમલા કેસમાં મોટો ખુલાસો, આરોપીઓનું સુરત કનેક્શન નીકળ્યું

બોલીવુડના ગુજ્જુ અભિનેતા જેકી શ્રોફના પુત્ર અભિનેતા ટાઈગર શ્રોફ પર રવિવારે સાંજે 7 વાગ્યાની આસપાસ જ્યારે તે કારમાં બેસીને નીકળ્યો તો તાબડતોડ ફાયરિંગ થયું આ હુમલો કનારાઓને મુંબઈ પોલીસ પાસેથી માહિતી મળ્યા બાદ કોટા પોલીસે સવારે સાડા દસ વાગ્યાનીઆસપાસ રેલવે સ્ટેશનથી દબોચ્યા હતા. પોલીસના જણાવ્યાં મુજબ આ હુમલાની જવાબદારી લોરન્સ બિશ્નોઈ ગેંગના અનિલ પંડિતે લીધી હતી અને તેણે હુમલા માટે કોન્ટ્રાક્ટ આપ્યો હતો. પકડાયેલા 3 શંકાસ્પદ આરોપીઓમાંથી એક સગીર છે. આ આરોપીઓનું સુરત કનેક્શન સામે આવ્યું છે.

જિગાના પિસ્તોલ, સગીર, મારો અને ભાગી જાઓ...ટાયગર શ્રોફ કેસમાં થઈ રહ્યા છે ચોંકાવનારા ખુલાસા

પકડાયેલા 3 આરોપીઓની માહિતી

• ઋતિક કુમાર ઉર્ફે રોશન (રામુ મહતોનો પુત્ર, ઉંમર 22) બિહારના બેગુસરાય જિલ્લાના પિપરાઈ ગ્રામનો રહીશ. હાલ જો કે અંધેરી વેસ્ટમાં રહે અને રેપિડો ચલાવતો હતો.
• રેહાન (રિશુદ્દીન અંસારીનો પુત્ર ઉંમર 18 વર્ષ) હરિયાણાના સોનીપતના પીએસ સદર ઈદગાહ કોલોનીનો રહીશ.
• ત્રીજો આરોપી સગીર છે જે હરિયાણાના સોનીપતનો છે.
• આ ઘટનામાં ટાઈગર શ્રોફનો ડ્રાઈવર અને એક રિક્ષા ચાલક પણ ઘાયલ થયા છે.

આરોપીઓનું સુરત કનેક્શન નીકળ્યું

• આ આરોપીઓ ફાયરિંગ કરીને ભાગી ગયા હતા. પરંતુ ત્રણેય રાજસ્થાનના કોટા સ્ટેશનથી દબોચી લેવાયા છે. 
• મળતી માહિતી મુજબ આરોપીઓ પુનાથી જયપુર જતી ટ્રેનમાં સવાર હતા. 
• મુંબઈમાં ફાયરિંગ કરીને તેઓ સૌથી પહેલા સુરત આવ્યા હતા. 
• ફાયરિંગ બાદ બાય રોડ મુંબઈથી સુરત પહોંચ્યા હતા. 
• સુરત રેલવે સ્ટેશનના સીસીટીવી પણ સામે આવ્યા છે. 
• આ સીસીટીવીમાં આરોપીઓ ભાગીને ટ્રેન પકડતા જોવા મળે છે. 
• રાતે 1.31 કલાકે આરોપીઓ સુરતમાં હતા. 
• કોટા પોલીસે જણાવ્યાં મુજબ ત્રણેય આરોપીઓ નેપાળ ભાગવાની ફિરાકમાં હતા. જેમાંથી રેહાન મુખ્ય આરોપી હતો અને ત્યારબાદ તેણે અન્ય બે આરોપીઓનો સંપર્ક કર્યો હતો. આ લોકો અનિલ પંડિતના સંપર્કમાં હતા જે લોરેન્સ બિશ્નોઈ ગેંગ સાથે જોડાયેલો છે અને અમેરિકામાં રહે છે.

ટાઇગર શ્રોફ પર ફાયરિંગ એ માત્ર એક ટ્રેલર હતું: અસલી ટાર્ગેટ તો સલમાન ખાન જ છે, લોરેન્સ ગેંગની ખુલ્લી ધમકીથી બોલિવૂડમાં હડકંપ

10 દિવસથી રેકી કરતા હતા?

• મીડિયા રિપોર્ટ્સ મુજબ આરોપી લગભગ 10 દિવસથી ટાઈગર શ્રોફ પર નજર રાખતા હતા. તેમણે ઘર અને જીમની પણ રેકી કરી હતી. 
• ફાયરિંગ પહેલા આરોપીઓએ 45 મિનિટ સુધી આ વિસ્તારની પણ રેકી કરીને બધી વિગતો મેળવી હતી. 
• સોશિયલ મીડિયા પર આવતા કન્ટેન્ટ દ્વારા ટાઈગર શ્રોફના લોકેશન અને દિનચર્યા અંગે માહિતી મેળવતા હતા. 
• રવિવારે આરોપીઓ ફાયરિંગ કરીને મુંબઈમાં એસવી રોડથી વિલે પાર્લે અને અંધેરી બાજુ ભાગ્યા હતા. 
• અંધેરી વેસ્ટ રેલવે સ્ટેશન પાસે બાઈક રેઢી મૂકી અને ટ્રેનમાં જતા રહ્યા.