દિવાળીની રાત્રે અમરેલીમાં જામશે અદભુત જંગ: સાવરકુંડલામાં છેલ્લા 50 વર્ષથી પરંપરાગત રીતે રમાય છે 'ઇંગોરીયા યુદ્ધ'!

કેતન બગડા/અમરેલી: સાવરકુંડલા વિસ્તારમા આ ઇંગોરીયાનો છોડ છે જેમાથી ચીકુ જેવુ થતુ ફળ તેને ઇંગોરીયુ કહેવાય છે તેને તોડીને સુકવીને તેને ડ્રીલથી હોલ પાડીને ઇંગોરીયામા દારૂખાનુ ભરવામા આવે છે.આ દારૂખાનુ કેવી રીતે તૈયાર થાય છે તેના પર નજર કરીએ તો દેશી કોલસાને ખાંડી ભુક્કો કરાય છે. તેમા ગન્ધક સુરોખાર ભેળવી આ દારૂખાનુ તૈયાર કરવામા આવે છે.

ચીકુના ફળ જેવા દેખાતા ઇંગોરીયાને દારૂખાનુ ભરવામા આવે..

આ દારૂખાનુ તૈયાર થયા બાદ તેને આ સુકાયેલા અને ડ્રીલથી હોલ પાડેલા ચીકુના ફળ જેવા દેખાતા ઇંગોરીયાને દારૂખાનુ ભરવામા આવે છે અને તેને ખીલા જેવા સાધનથી ઠબકારી ખીચોખીચ ભરવામા આવે છે અને તૈયાર થઇ જાય છે લડાઇ માટેના ઇંગોરીયા.છેલ્લા થોડા વર્ષથી ઇંગોરીયાના વૃક્ષોનો નાશ થઇ રહ્યો હોય ઇંગોરીયા મુશ્કેલીથી મળે છે અને તેમા સખત મહેનત પણ પડે છે તેથી તેનુ સ્થાન હવે કોકડા એ લીધુ છે.

સેટેલાઇટ તસવીરમાં દેખાયો વાવાઝોડાનો ડરામણો નજારો! અડધા ભારત પર સાયક્લોન 'અર્નબ'નો છે ઘેરાવો

કોકડીને બન્ને બાજુ ડેમના કાચા પત્થર ની માટીની પેક કરવામા આવે છે..

આ દરજીને દોરાની મોટી સાઇઝની કોકડીને બન્ને બાજુ ડેમના કાચા પત્થર ની માટીની પેક કરવામા આવે છે ત્યાર બાદ કોકડાને વચ્ચે ડ્રીલથી હોલ પાડી તેમા પણ પત્થરની માટીની ડટ્ટી મારવામા આવે છે અને તૈયાર થાય છે. કોકડાનો મોટો જથ્થો.સાવરકુંડલામા તૈયાર થઇ રહેલા હજારો ઇંગોરીયા અને કોકડા એક જ રાતમા સામસામે ફેકીને ખતમ કરાય છે જે રમત અતિ રોમાંચીત અને દુર્લભ હોય છે.

ધરતીનો અદભુત નજારો નિહાળી દર્શકો અભિભૂત થઇ જાય

આ અતિ રોમાંચકારી નિર્દોષ ભાવે ખેલાતુ યુધ્ધ સાવરકુંડલામા છેલ્લા સાઇઠ વર્ષ પહેલાથી ખેલાય છે. વર્ષો પહેલા સાવર અને કુંડલા એમ બે ભાગમા યુવાનો વહેચાઇ જતા અને રાત્રે દસ વાગ્યાથી સવાર સુધી સામસામે સળગતા ઇંગોરીયા ફેકી લડાઇ કરતા હતા. આ યુધ્ધ માત્ર સાવરકુંડલામા જ ખેલાય છે આ લડાઇને જોવા માટે સાવરકુંડલાના નગરજનોના ઘરે અનેક મહેમાનો આવે છે આ નિર્દોષ લડાઇથી કોઇ દાઝતુ નથી અને રોકેટ જેમ છનનન કરતુ આવતા ઇંગોરીયા કે કોકડાનો અવકાશી નજારો નહિ પણ ધરતીનો અદભુત નજારો નિહાળી દર્શકો અભિભૂત થઇ જાય છે.

Gujarat News Live: ગાંધીનગરમાં PSI એ કરી આત્મહત્યા, રીબડાના અનિરુદ્ધસિંહ જાડેજાને SCની રાહત, વડોદરામાં CMની રેલી પહેલા પોસ્ટરવોર

સાવરકુંડલાના યુવાનો ત્રણ થી ચાર મહિના અગાઉ મહેનત શરૂ કરી દે છે

દિવાળીની રાત્રે સાવરકુંડલામા ખેલાશે જંગ સામસામે થશે ભીષણ લડાઇ. મિત્રો બનશે દુશ્મનો નિર્દોષ દુશ્મનીની આ લડાઇ ચાલશે સવાર સુધી. ત્યારે વાત કરીએ આ કોકડા અને ઇંગોરીયાની શુ છે કિમ્મત તો કોકડા 8 થી 10 રુપિએ વેચાય છે અને ઇંગોરીયુ દસથી પન્દર રુપિયે વેચાય છે. સાવરકુંડલા શીવાકાશી બન્યુ છે અને આ નિર્દોષ રમતને નિહાળવી એ એક અમુલ્ય તક છે.સમગ્ર ભરતમાજ ઈંગોરીયાની રમત રમવામાં આવે છે.ઈંગોરીયા અને કોકડી ભરવા માટે સાવરકુંડલાના યુવાનો ત્રણ થી ચાર મહિના અગાઉ મહેનત શરૂ કરી દે છે.