અમદાવાદ એરપોર્ટ પર ઇન્ડિગોની ગંભીર બેદરકારી: ઉડાનના એક કલાક પહેલાં જ નાસિકની ફ્લાઇટ રદ થતાં મુસાફરો રઝળી પડ્યા

Ahmedabad Airport: અમદાવાદના સરદાર વલ્લભભાઈ પટેલ ઇન્ટરનેશનલ એરપોર્ટ પર ઇન્ડિગો એરલાઇન્સની બેદરકારીનો વધુ એક કિસ્સો સામે આવ્યો છે. અમદાવાદથી નાસિક જતી ઇન્ડિગોની ફ્લાઇટને ઉડાન ભરવાના માત્ર એક કલાક પહેલાં જ અચાનક રદ કરી દેવામાં આવતાં એરપોર્ટ પર ભારે હોબાળો મચી ગયો હતો. એરલાઇન્સના આ નિર્ણયને કારણે મુસાફરોને ભારે હાલાકીનો સામનો કરવો પડ્યો હતો અને તેમના સમય તથા નાણાંનો મોટો બગાડ થયો હતો.

અંબાલાલ પટેલની આગાહી: 18 નવેમ્બરે બનશે વાવાઝોડું, ગુજરાતના આ જિલ્લાઓમાં 21 થી 27 નવેમ્બર સુધી માવઠાની શક્યતા

મુસાફરોનો લગેજ જમા કરાવ્યા બાદ ફ્લાઇટ રદ કરવાની જાણ કરાઈ

આ ઘટનામાં મળતી માહિતી પ્રમાણે, મુસાફરોની તમામ બોર્ડિંગ પ્રક્રિયા પૂર્ણ થઈ ગઈ હતી અને તેમનો લગેજ પણ જમા કરી લેવામાં આવ્યો હતો. ત્યારબાદ અચાનક જ ફ્લાઇટ કેન્સલ થઈ હોવાની જાહેરાત કરવામાં આવતાં મુસાફરોમાં ભારે રોષ ફાટી નીકળ્યો હતો. મુસાફરોએ એરલાઇન્સના સ્ટાફ સમક્ષ ઉગ્ર વિરોધ નોંધાવ્યો હતો, પરંતુ એરલાઇન્સ તરફથી કોઈ પણ પ્રકારનો સંતોષકારક જવાબ આપવામાં આવ્યો ન હોવાનો આક્ષેપ મુસાફરોએ કર્યો છે.

નાસિકની સીધી ફ્લાઇટના બદલે મુંબઈ થઈને રોડ માર્ગે જવાનો વિકલ્પ અપાયો

બોર્ડિંગ પ્રક્રિયા પૂર્ણ થયા બાદ સીધી ફ્લાઇટ રદ કર્યા બાદ એરલાઇન્સ દ્વારા મુસાફરોને નાસિક પહોંચવા માટે મુંબઈ થઈને રોડ માર્ગે જવાનો વિકલ્પ આપવામાં આવ્યો હતો. સીધી ફ્લાઇટનો સમય બચાવવા માટે ટિકિટ બુક કરાવનાર મુસાફરો માટે આ વિકલ્પ ત્રાસદાયક સાબિત થયો હતો.

બગદાણા ગુરુ આશ્રમ ખાતે ફરી એકવાર વિરોધના સૂર ઉઠ્યા: રોજીરોટી છીનવાઈ રહી હોવાના આક્ષેપ સાથે હવે મહિલાઓ મેદાને...

કોંગ્રેસના પ્રદેશ મહામંત્રી રાજેશ ટી. સોનીએ ઉઠાવ્યા સવાલ

આ સમગ્ર મામલે ગુજરાત પ્રદેશ કોંગ્રેસના મહામંત્રી રાજેશ ટી. સોનીએ ઇન્ડિગોની કામગીરી સામે આકરા સવાલો ઉઠાવ્યા છે. તેમણે આક્ષેપ કર્યો છે કે, માત્ર બીજા દિવસની ટિકિટ આપી દેવાથી મુસાફરોની મુશ્કેલીઓનો અંત આવી જતો નથી.

સમગ્ર ઘટનાની તપાસ કરી ફ્લાઇટ રદ થવાનું કારણ જાહેર કરવાની માંગ

રાજેશ ટી. સોનીએ આ સમગ્ર ઘટનાની ઊંડાણપૂર્વક તપાસ કરીને ફ્લાઇટ રદ થવાનું સાચું કારણ જાહેર કરવાની માંગ કરી છે. આ ઉપરાંત, એરલાઇન્સની બેદરકારીનો ભોગ બનેલા તમામ અસરગ્રસ્ત મુસાફરોને પૂરું રિફંડ અને યોગ્ય વળતર ચૂકવવામાં આવે તેવી પણ ઉગ્ર રજૂઆત કરવામાં આવી છે.

શક્તિપીઠ પાવાગઢ બન્યું આજીવિકાનું મોટું કેન્દ્ર: તહેવારો અને રજાઓમાં ભક્તોના ઘોડાપૂરથી સ્થાનિક અર્થતંત્રને મળ્યો મોટો ટેકો